ಮೋಂತಿ ಫೆಸ್ಟ್.

ಮೊಂತಿ ಫೆಸ್ತ್: ಸ್ಥಳೀಯ ಕೃಷಿಕೆರೆಗಾದ್ ತೊಟ್ಟಂ ಚರ್ಚ್ ಡ್  ‘ಸಾವಯವ ತರಕಾರಿ ಸಂತೆ’
ಮಲ್ಪೆ:  ಪರ್ಬದ  ಪರ್ವ. ಗಣೇಶ ಚತುರ್ಥಿ, ಕ್ರೈಸ್ತೆರೆನ ಮೊಂತಿ ಫೆಸ್ತ್, ಮುಸ್ಲಿಂ ಬಾಂಧವೆರೆನ ಈದ್ ಮಿಲಾದ್ ಪರ್ಬೊಲು ಸಾಲು ಸಾಲುಡ್ ಬತ್ತುಂಡ್. ಗಣೇಶ ಚತುರ್ಥಿ ಬೊಕ್ಕ ಮೊಂತಿಫೆಸ್ತ್ ಪರ್ಬೊಗ್  ತರಕಾರಿ ಖಾದ್ಯಲೆಗ್  ಬೇಡಿಕೆ ಜಾಸ್ತಿ. ಈ ನಿಟ್ಟುಡ್ ಸ್ಥಳೀಯ ಕೃಷಿಕೆರೆಗ್  ಹೆಚ್ಚಿನ ಸಹಾಯ ಆವಡ್ ಪನ್ಪಿನ  ನಿಟ್ಟುಡ್ ಮಲ್ಪೆ ತೊಟ್ಟಂ ಸಂತ ಅನ್ನಮ್ಮ ದೇವಾಲಯಡ್  ಮೊಂತಿ ಫೆಸ್ತ್ ಸಂದರ್ಭಡ್ ಕೃಷಿಕೆರು ತಮ್ಮ ತೋಟಡ್  ಬುಲೆಯಿನ  ತರಕಾರಿಲೆನ್ ನೇರವಾದ್ ಕನತುದು ಮಾರಾಟ ಮಲ್ಪುನ  ನಿಟ್ಟುಡ್ ತರಕಾರಿ ಸಂತೆ ಪುದರುಡ್  ಸೆಪ್ಟೆಂಬರ್ 6 ಬೊಕ್ಕ 7ತಾರೀಕುಗ್ ರಡ್ಡ್ ದಿನತ್ತ  ಮಾರಾಟ ಮೇಳನ್  ಆಯೋಜನೆ ಮಲ್ದುಂಡ್.
ತೊಟ್ಟಂ, ತೆಂಕನಿಡಿಯೂರು, ಬಡಾನಿಡಿಯೂರು, ಮಲ್ಪೆ ಭಾಗದ ಕೆಲವಾರು ರೈತೆರು ತಮ್ಮ ತೋಟಡ್  ಸಾವಯವ ಗೊಬ್ಬರಲೆನ್ ಪಾಡ್ದ್ ಬುಲೆಪಾಯೀನ ಬೆಂಡೆಕಾಯಿ, ಹೀರೆ, ಹರಿವೆ, ಅಲಸಂಡೆ, ಬಸಳೆ ಬೊಕ್ಕ  ಬೇತೆ ಬೇತೆ ತರಕಾರಿಲೆನ್  ಕೊಯ್ದು ಕನತುದ್ ಮಾರಾಟಗ್  ದೀದು ಇತ್ತುದ್ ತೊಟ್ಟಂ ಚರ್ಚ್ ವ್ಯಾಪ್ತಿ ಮಾತ್ರ ಅತ್ತ್ ಪಕ್ಕದ ಚರ್ಚುದ ಸದಸ್ಯೆರುಲಾ  ಶುದ್ದ ಸಾವಯವ ತರಕಾರಿಲೆನ್  ದೆತೊಂಡೆರ್.. ಮುಲ್ಪ  ಮಧ್ಯವರ್ತಿಲೆನ, ದಲ್ಲಾಳಿಲೆನ ಕಿರಿ ಕಿರಿ ಇಪ್ಪಂದೆ ನೇರವಾದ್  ರೈತೆರು ತಮ್ಮ ತೋಟಡ್  ಬುಲೆಯಿನ ತರಕಾರಿಲೆನ್  ಮಾರಾಟ ಮಲ್ಪರೆಗ್ ಅವಕಾಶ ಕೊರ್ತೆರ್.
ತೊಟ್ಟಂ ದೇವಾಲಯದ ಕಥೊಲಿಕ್ ಸಭಾ ಸಂಘಟನೆ ಈ ವಿಶಿಷ್ಟ ಪ್ರಯತ್ನಗ್ ಕೈ ಪಾಡ್ದಿನವ್ , ಸ್ಥಳೀಯ ಸರ್ವಧರ್ಮ ಸಮನ್ವಯ ಸಮಿತಿಲಾ  ಕೈ ಜೋಡಿಸಾದುಂಡ್.