ಸರಕಾರೊನ್ ಎಚ್ಚರಿಪುನ ಛಾಯಾಗ್ರಾಹಕೆರುಗುಲಾ ಸ್ಥಾನಮಾನ ಬೋಡು: ಯಶ್ಪಾಲ್.

ಉಡುಪಿ.. ಸೌತ್ ಕೆನರಾ ಫೋಟೋಗ್ರಾಫ‌ರ್ಸ್ ಅಸೋಸಿಯೇಶನ್ ದಕ್ಷಿಣ ಕನ್ನಡ – ಉಡುಪಿ ಜಿಲ್ಲೆ ಬೊಕ್ಕ
ಉಡುಪಿ ವಲಯದ ಅತಿಥ್ಯೊಡ್ 14 ವಲಯೊಲೆನ ಎಸ್ ಕೆಪಿಎ ಪದುಕೆರೆನ ಜಿಲ್ಲಾಮಟ್ಟದ ಕೆಸರು ಗದ್ದೆ ಕ್ರೀಡಾಕೂಟ ಕಟಪಾಡಿ ಬೂಡು ಕಂಬುಲದ ಕಂಡೊದ ಕೈತಲುಡ್ ಐತಾರದಾನಿ ನಡತುಂಡ್. ಉಡುಪಿ ಶಾಸಕೆರಾಯಿನ ಯಶ್ ಪಾಲ್ ಎ.ಸುವರ್ಣ ಈ ಪೊರ್ತುಡ್ ಪಾತೆರ್ದ್ ಜಗತ್ತುಡ್ ಛಾಯಾಗ್ರಾಹಕೆರೆನ್ ಮೀರಿಸಾವುನ ವ್ಯಕ್ತಿ ಏರ್ಲಾ ಇಜ್ಜಿ. ದೇಶೊಡ್ ಅತೀ ಹೆಚ್ಚು ಭವಿಷ್ಯ ಇಪ್ಪುನ ವೃತ್ತಿನಿರತೆರು ಛಾಯಾಗ್ರಾಹಕೆರುಲ್ಲೆರ್. ಪ್ರಸ್ತುತ ಸರಕಾರೊನ್ ಗುರುತಿಸಾದ್ ಎಚ್ಚರ ಮಲ್ಪುನ ಕೆಲಸ ಮಲ್ತೊಂದುಪ್ಪುನ ಛಾಯಾಗ್ರಾಹಕೆರೆನ್ ಸರಕಾರ ಗುರುತಿಸಾವೊಂದಿಜ್ಜಿ ಪನ್ಪಿನ ಬುಲಿಪು ಕೇನೊಂದುಂಡ್.ಛಾಯಾಗ್ರಾಹಕೆರೆಗುಲಾ ಸೂಕ್ತ ಸ್ಥಾನಮಾನ ತಿಕ್ಕೊಡ್ ಪಂಡೆರು.
ಎಸ್ ಕೆ ಪಿಎ ಉಡುಪಿ ಜಿಲ್ಲಾಧ್ಯಕ್ಷ ಆನಂದ ಎನ್ ಕುಂಪಲ ಗುರ್ಕಾರ್ಮೆಡಿತ್ತೆರು.
ಮಲ್ಲ ಬಿನ್ನೆರಾದ್ ಕಟಪಾಡಿಬೂಡುದ ಬಲ್ಲಾಳ್ ಕಜ್ಜೊನ್ ಉದಿಪನ ಮಲ್ತೆರ್. ಕಾಪು ಶಾಸಕೆರಾಯಿನ ಸುರೇಶ್ ಶೆಟ್ಟಿ ಗುರ್ಮೆ ಪಾತೆರ್ದ್ ,ಡಿಜಿಟಲ್ ಕ್ರಾಂತಿಡಾದ್ ಮಸ್ತ್ ಸವಾಲುಲೆನ್ ಎದುರಿಸಾವೊಂದುಪ್ಪುನ ಛಾಯಾಗ್ರಾಹಕೆರ್ ನಮ್ಮ ನೆಂಪುಲೆನ್ ಜೀವಂತ ದೀಪುನ ಬೇಲೆ ಮಲ್ಪುವೆರ್. ಸಾಮಾಜಿಕ ಜಾಲತಾಣಲೆನ ದಾಳಿಡಾದ್ ಛಾಯಾಗ್ರಾಹಕೆರ್ ಪ್ರತಿನಿತ್ಯ ಅಪ್ ಡೇಟ್ ಆವೊಡಾತುಂಡ್ ಪಂಡೆರ್. ಉಡುಪಿದ ಸಮಾಜಸೇವಕ ವಿಶ್ವನಾಥ ಶೆಣೈ ಉಡುಪಿ, ಅಶ್ವಿನ್ ಬಲ್ಲಾಳ್, ಶ್ರೀನಿವಾಸ್ ಬಲ್ಲಾಳ್ , ವಿನಯ ಬಲ್ಲಾಳ್‌,ಸುಭಾಸ್ ಬಲ್ಲಾಳ್, ನವೀನ್ ಬಲ್ಲಾಳ್, ಲಯನ್ಸ್ ಜಿಲ್ಲಾ ರೀಜನಲ್ ಚೇರ್ಮನ್ ವಿ. ಪ್ರಸಾದ್‌ ಶೆಟ್ಟಿ, ಕೆ. ವಾಸುದೇವ ರಾವ್, ಎಸ್.ಕೆ.ಪಿ.ಎ ವಿವಿದೋದ್ದೇಶ ಸಹಕಾರಿ ಸಂಘದ ಅಧ್ಯಕ್ಷ ನವೀನ್ ಕುದ್ರೋಳಿ,
ಎಸ್ ಕೆಪಿಎ ಪ್ರಧಾನ ಕಾರ್ಯದರ್ಶಿ ನಿತಿನ್ ಬೆಳುವಾಯಿ,ಕೋಶಾಧಿಕಾರಿ ನವೀನ್ ರೈ ಪಂಜಳ, ಎಸ್.ಕೆ.ಪಿ.ಎ ಉಡುಪಿ ವಲಯಾಧ್ಯಕ್ಷ ಜನಾರ್ಧನ ಕೊಡವೂರು,ರಾಜೇಶ್ ತೊಕ್ಕೊಟ್ಟು ಉಪಸ್ಥಿತರಿತ್ತೆರು. ಎಸ್ ಕೆಪಿಎ ಉಡುಪಿ ವಲಯದ ಅಧ್ಯಕ್ಷ ಜನಾರ್ಧನ ಕೊಡವೂರು ಎದ್ಕೊನುಂದ್,. ರಾಘವೇಂದ್ರ ಶೇರಿಗಾರ್ ಕಜ್ಜೊದ ಮದಿಪು ಕೊರಿಯೆರ್.
ಕ್ರೀಡಾ ಕಾರ್ಯಂತೆರಾಯಿನ ಶ್ರೀನಿವಾಸ ಐತಾಳ್ ಕಾಪು ಸೊಲ್ಮೆ ಸಂದಾಯ್ತ ಮಲ್ತೆರ್.