ಆಯುರ್ವೇದ ಬೊಕ್ಕ ಯೋಗಗ್ ಇತ್ತೆ ಎಡ್ಡೆ ಮಾನ್ಯತೆ ಬೈದುಂಡ್.ಅಂಚಾದ್ ಜನಸಾಮಾನ್ಯೆರೆಗ್ ಆಯುರ್ವೇದ ಚಿಕಿತ್ಸೆದ ಮಹತ್ವನ್ ಮನವರಿಕೆ ಮಲ್ಪೊಡ್.ಆಯುವರ್ೇದ ಕಡೆತ್ತ ಆಯ್ಕೆ ಅತ್ತ್,ಸುರುತ್ತ ಆಯ್ಕೆ ಆವೊಡ್.ಕಾಯಿಲೆ ಬರಂದಿಲೆಕ್ಕ ಆರೋಗ್ಯವಾದುಪ್ಪುನವ್ ಬಾರೀ ಮುಖ್ಯ.ಆಯುರ್ವೇದ ನರಮಾನಿನ್ ಬಹಿರಂಗವಾದ್ ಮಾತ್ರ ಅತ್ತ್ ಮಾನಸಿಕವಾದ್ ತಯಾರ್ ಮಲ್ಪುನ ಚಿಕಿತ್ಸೆ.ಪಂಡುದ್ ಎಸ್.ಡಿ.ಎಮ್.ಎಜುಕೇಶನಲ್ ಟ್ರಸ್ಟ್ ಉಜಿರೆದ ಅಧ್ಯಕ್ಷೆರಾಯಿನ ಡಾ.ಡಿ.ವೀರೇಂದ್ರ ಹೆಗ್ಗಡೆ ಪಂಡೆರ್.
ಆರು ಸೆಪ್ಟೆಂಬರ್ 25ತಾರೀಕುದಾನಿ ಉಡುಪಿ ಕುತ್ಪಾಡಿದ ಎಸ್.ಡಿ.ಎಮ್.ಆಯುರ್ವೇದ ಆಸ್ಪತ್ರೆದ “ರತ್ನಶ್ರೀ” ಆರೋಗ್ಯಧಾಮ ಕಟ್ಟಡ ಉದಿಪನದ ಸಭಾ ಕಜ್ಜೊಡ್ ಗುರ್ಕಾರ್ಮೆದ ನಿಲೆಟ್ ಪಾತೆರಿಯೆರ್.
ಮಲ್ಲ ಬಿನ್ನೆರಾದ್ ಬಂದರು,ಶಿಪ್ಪಿಂಗ್,ಜಲಸಾರಿಗೆ ಬೊಕ್ಕ ಆಯುಷ್ ಇಲಾಖೆದ ಕೇಂದ್ರ ಸಚಿವೆರಾಯಿನ ಸರ್ಬಾನಂದ ಸೋನೋವಾಲ್ “ರತ್ನಶ್ರೀ” ಆರೋಗ್ಯಧಾಮೊನ್ ಉದಿಪನ ಮಲ್ತುದ್ ಆಯುಷ್ ಇಲಾಖೆಡ್ ದೇಶದ ಮೂಲೆ ಮೂಲೆಡ್ ಉಪ್ಪುನ ವೈದ್ಯಕೀಯ ಪದ್ದತಿದ ಬಗ್ಗೆ ಅಧ್ಯಯನ ಮಲ್ತುದ್ ವೈಜ್ಞಾನಿಕವಾಯಿನ ರೂಪುರೇಷೆ ಕೊರ್ಪುನ ಅಗತ್ಯ ಉಂಡು ಪಂಡೆರ್.
ಕೇಂದ್ರ ಕೃಷಿ ಸಚಿವೆರಾಯಿನ ಶೋಭಾ ಕರಂದ್ಲಾಜೆ, ಸಮಾಜ ಕಲ್ಯಾಣ ಸಚಿವೆರಾಯಿನ ಕೋಟ ಶ್ರೀನಿವಾಸ ಪೂಜಾರಿ,ಉಡುಪಿ ಶಾಸಕೆರಾಯಿನ ರಘುಪತಿ ಭಟ್,ಮಾಜಿ ಸಚಿವೆರಾಯಿನ ಪ್ರಮೋದ್ ಮಧ್ವರಾಜ್,ಎಸ್.ಡಿ.ಎಮ್.ಶಿಕ್ಷಣ ಸಂಸ್ಥೆದ ಉಪಾಧ್ಯಕ್ಷೆರಾಯಿನ ಡಿ.ಸುರೇಂದ್ರ ಕುಮಾರ್,ಕಾರ್ಯದಶರ್ಿ ಡಿ.ಹಷರ್ೇಂದ್ರ ಕುಮಾರ್ ಉಪಸ್ಥಿತರಿತ್ತೆರ್.ಆಯುವರ್ೇದ ಕಾಲೇಜಿದ ಪ್ರಾಂಶುಪಾಲೆರಾಯಿನ ಡಾ. ಮಮತಾ ಕೆ.ವಿ. ಸ್ವಾಗತ ಮಲ್ತುದ್,ಆಸ್ಪತ್ರೆದ ವೈದ್ಯಕೀಯ ಅಧೀಕ್ಷಕೆರಾಯಿನ ಡಾ.ನಾಗರಾಜ್ ಧನ್ಯವಾದ ಮಲ್ತೆರ್.
ವೇದಿಕೆಡ್ ಕಟ್ಟಡ ನಿಮರ್ಾಣ ಗುತ್ತಿಗೆದಾರೆರಾಯಿನ ಎಮ್.ಬಿ.ಗಣೇಶ್ ಬೊಕ್ಕ ಕಟ್ಟಡ ವಿನ್ಯಾಸೆಗಾರೆರಾಯಿನ ಗೋಪಾಲ್ ಭಟ್ ಮೊಕ್ಲೆನ್ ಮಾನಾದಿಗೆ ಮಲ್ತೆರ್.
by 