ಆಧಾರ್ ತಿದ್ದುಪಡಿ ಬೊಕ್ಕ ಪೊಸನೋಂದಣಿ
ಬೊಕ್ಕ
ಉಚಿತ ಆರೋಗ್ಯ ತಪಾಸಣಾ ಶಿಬಿರ.
ಉಡುಪಿದ ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿ ಬೊಕ್ಕ ಭಾರತೀಯ ಅಂಚೆ ಇಲಾಖೆ ಉಡುಪಿ ವಿಭಾಗದ ನೇತೃತ್ವಡ್ ಕ್ರಿಶ್ಚಿಯನ್ ಆಂಗ್ಲ ಮಾಧ್ಯಮ ಶಾಲೆ, ಕ್ರಿಶ್ಚಿಯನ್ ಪದವಿಪೂರ್ವ ಕಾಲೇಜಿದ ಸಹಭಾಗಿತ್ವಡ್ ಅಂಚೆ ಜನಸಂಪರ್ಕ ಅಭಿಯಾನ ನಿರೆಲುಡ್ ಆಧಾರ್ ತಿದ್ದುಪಡಿ ಬೊಕ್ಕ ಪೊಸ ನೋಂದಣಿ ಶಿಬಿರ ಅಂಚೆನೇ ಸಿ.ಎಸ್.ಐ ಲಂಬಾರ್ಡ್ ಮೆಮೋರಿಯಲ್ (ಮಿಷನ್ ಆಸ್ಪತ್ರೆ) ಸಹಕಾರದೊಟ್ಟುಗ್ ಉಚಿತ ಆರೋಗ್ಯ ತಪಾಸಣಾ ಶಿಬಿರ ಕ್ರಿಶ್ಚಿಯನ್ ಆಂಗ್ಲ ಮಾಧ್ಯಮ ಶಾಲಾ ವಠಾರಡ್ ನಡತುಂಡ್. ಉಡುಪಿ ವಿಭಾಗದ ಅಂಚೆ ಅಧೀಕ್ಷಕೆರಾಯಿನ ರಮೇಶ್ ಪ್ರಭು ಮೇರು ಕಾರ್ಯಕ್ರಮ ಉದ್ಘಾಟನೆ ಮಲ್ತೆರು. ಉದ್ಘಾಟನಾ ಸಮಾರಂಭ ಬಡಗಬೆಟ್ಟು ಸೊಸೈಟಿದ ಅಧ್ಯಕ್ಷೆರಾಯಿನ ಜಯಕರ ಶೆಟ್ಟಿ ಇಂದ್ರಾಳಿ ಮೆರೆನ ಅಧ್ಯಕ್ಷತೆಡ್ ನಡತುಂಡ್. ಮುಖ್ಯ ಅತಿಥಿಲಾದ್ ಉಡುಪಿ ನಗರಸಭೆತ್ತ ಸದಸ್ಯರಾಯಿನ ರಮೇಶ್ ಕಾಂಚನ್, ಉಡುಪಿ ದಕ್ಷಿಣ ಉಪ ವಿಭಾಗದ ಸಹಾಯಕ ಅಂಚೆ ಅಧೀಕ್ಷಕೆರಾಯಿನ ಕೃಷ್ಣರಾಜ ವಿಠ್ಠಲ ಭಟ್, ಮಿಷನ್ ಆಸ್ಪತ್ರೆಯ ಸೀನಿಯರ್ ಮೆಡಿಕಲ್ ಆಫೀಸರ್ ಡಾ. ಗಣೇಶ್ ಕಾಮತ್, ಕ್ರಿಶ್ಚಿಯನ್ ಆಂಗ್ಲ ಮಾಧ್ಯಮ ಶಾಲೆದ ಮುಖ್ಯೋಪಾಧ್ಯಾಯೆರಾಯಿನ ಹೆಲೆನ್ ವಿ ಸಾಲಿನ್ಸ್, ಕ್ರಿಶ್ಚಿಯನ್ ಪದವಿಪೂರ್ವ ಕಾಲೇಜಿದ ಪ್ರಾಂಶುಪಾಲೆರಾಯಿನ ಶ್ವೇತಾ ಶ್ರೀನಿವಾಸ್ ಉಪಸ್ಥಿತರಿತ್ತೆರು
. ವೇದಿಕೆಡ್ ಸೊಸೈಟಿದ ಉಪಾಧ್ಯಕ್ಷೆರಾಯಿನ ಜಾರ್ಜ್ ಸಾಮ್ಯುವೆಲ್ ಉಪಸ್ಥಿತರಿತ್ತೆರು. ಸೊಸೈಟಿದ ಪ್ರಧಾನ ವ್ಯವಸ್ಥಾಪಕೆರಾಯಿನ ರಾಜೇಶ್ ವಿ. ಶೇರಿಗಾರ್ ಸ್ವಾಗತ ಮಲ್ತುದ್, ಮಲ್ಪೆ ಶಾಖಾ ವ್ಯವಸ್ಥಾಪಕೆರಾಯಿನ ನವೀನ್ ಕೆ ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಸೊಸೈಟಿದ ಸಹಾಯಕ ಪ್ರಧಾನ ವ್ಯವಸ್ಥಾಪಕೆರಾಯಿನ ಪ್ರವೀಣ್ ಕುಮಾರ್ ಸೊಲ್ಮೆ ಸಂದಾಯ್ತ ಮಲ್ತೆರು.
by 