ಏಡ್ಸ್ ಕಾಯಿಲೆದ ಬಗೆಟ್ ಜವನೆರೆಗ್ ತೆರಿಪಾವುನ ಅಗತ್ಯ ಉಂಡು:ಡಿಸಿ

ಒಡಿಪು: ಏಡ್ಸ್ ಕಾಯಿಲೆದ ಬಗ್ಗೆ ಇತ್ತೆದ ಜವನೆರೆಗ್ ತೆರಿಪಾವುನ ಅಗತ್ಯ ಉಂಡು ಪಂದ್ ಒಡಿಪುದ ಡಿಸಿ ಆಯಿನಾ ಡಾ. ವಿದ್ಯಾಕುಮಾರಿ ಅಭಿಪ್ರಾಯ ಪಟ್ಟುದೆರ್.
ಬೇತೆ ಬೇತೆ ಸಂಘ ಸಂಸ್ಥೆದ ಸಂಯುಕ್ತಾಶ್ರಯೊಡ್ ಅಂಬಲಪಾಡಿದ ಪ್ರಗತಿ ಸೌಧೊಡ್ ಇನಿ ನಡತಿನ ವಿಶ್ವ ಏಡ್ಸ್ ದಿನಾಚರಣೆ, ಜಾಥಾ ಬೊಕ್ಕ ಜಾಗೃತಿ ಕಾರ್ಯಕ್ರಮೊನು ಉದ್ದೀಪನ ಮಲ್ತುದ್ ಪಾತೆರಿಯೆರ್.
ಈ ಸಂದರ್ಭಡ್ ಜಿಲ್ಲೆಡ್ ಏಡ್ಸ್ ನಿಯಂತ್ರಣ ಮಲ್ಪುನ ದಿಸೆಟ್ ಸೇವೆ ಮಲ್ದಿನ ಪತ್ ಜನ ಸಾಧಕೆರೆನ್ ಮಾನಾದಿಗೆ ಮಲ್ತೆರ್.
ಜಿ.ಪಂ ಸಿಇಒ ಪ್ರಸನ್ನ ಎಚ್ ಲೇಸ್ ದ ಗುರಿಕಾರೆ ಅದಿತ್ತೆರ್. ಹಿರಿಯ ಸಿವಿಲ್ ನ್ಯಾಯಾಧೀಶೆ ಶರ್ಮಿಳಾ ಎಸ್, ಜಿಲ್ಲಾ ಆರೋಗ್ಯಾಧಿಕಾರಿ ಡಾ. ಐ.ಪಿ ಗಡಾಧ್, ಜಿಲ್ಲಾ ಸರ್ಜನ್ ಡಾ. ವೀಣಾ ಕುಮಾರಿ, ಆಸರೆ ಚಾರಿಟೇಬಲ್ ಟ್ರಸ್ಟ್ ದ ಗುರಿಕಾರೆ ಸಂಜೀವ ವಂಡ್ಸೆ, ಜಿಲ್ಲಾ ಏಡ್ಸ್ ನಿಯಂತ್ರಣಾಧಿಕಾರಿ ಡಾ. ಚಿದಾನಂದ ಸಂಜು ಉಪಸ್ಥಿತರಿತ್ತೆರ್.