ಮಾನವೀಯ ಸಂಬಂಧ ನಾಶ ಆಪಿನ ಕಾಲಘಟ್ಟ..

ರಾಷ್ಟ್ರೀಯ ವೈದ್ಯರ ದಿನಾಚರಣೆ

ಸ್ವಸ್ಥರೆಡ್ದ್ ಸ್ವಾಸ್ಥತತನ್ ಕಾತೊಂದ್,
ರೋಗಿನ್ ಆರೋಗ್ಯದಂಚಿ ಕೊನೊದ್,
ಆಹಾರ ಔಷಧಿಲೆನ ನಡುಟು ಸಮತೋಲನ ಕನತುದು,
ನಮ್ಮ ಮಾತೆರೆನ ಆರೋಗ್ಯಕ್ಕಾದ್ ಶ್ರೀಗಂಧದ ಕೊರಡುದಲೆಕ್ಕ ಸವೆತುದು,
ಮನುಕುಲದ ಏಳಿಗೆಗ್ ಬದುಕುನ್ ಬಸೆತುದು ಸಮರ್ಪಿತ ವೈದ್ಯನ ಅಭಿನಂದಿಸಾದ್ ಆದರ ಮಲ್ಪುನ ದಿನ ಉಂದು.

ಮಾನವೀಯ ಸಂಬಂಧ ನಾಶ ಆಪಿನ ಕಾಲಘಟ್ಟ
ಹಸಿರು ಹಸಿವೆ ಉಸಿರು ಅರಿವೆ.. ಮಾತಲಾ ವ್ಯಾಪಾರಿಕರಣದ ಉತ್ತುಂಗದ ಮಟ್ಟ
ವೈದ್ಯನಡೇ ದೇವರೆನ್ ತೂಪಿನ ನಮ್ಮ ಪರಂಪರೆದ ಪುಟ
ವ್ಯಾಪಾರಿಕರಣನ್ ಮೀರ್ದ್ ಪೋತುಂಡ್ ಅಂತ ಕರ್ಣದ ನೋಟ?

ವೃತ್ತಿ ಧರ್ಮ ರಾಜಧರ್ಮ ಪಾಲನೆಡ್ ದೆಂಗುದುಂಡ್ ಮರ್ಮ
ವೃತ್ತಿ ಧರ್ಮ ಅವ್ವ್ ಕ್ರಿಯೆಗನುಗಣಿತ ,ರಾಜ ಧರ್ಮ.. ಕರ್ಮ ಅನುದಾನಿತ
ರೋಗಗನುಗುಣ ಚಿಕಿತ್ಸೆ…ವೃತ್ತಿ ಧರ್ಮದ ರೂವಾರಿ
ಧೈರ್ಯ ಆತ್ಮವಿಶ್ವಾಸ ಬೊಲ್ಪುನ್ ಅರ್ಲಾದ್ ಸ್ವಸ್ಥ ಸಮಾಜವ ಬುಲೆಪಾವುನ… ರಾಜ ಕರ್ಮದ ರಹದಾರಿ

ಇಂಚಿಜ ಸೇವೆನ್ ಸ್ಮರಿಸಾವುನ ದಿನ ಇನಿ.
ಕರ್ಮ ಯೋಗಿಲೆನ ಆದರ ಮಲ್ಪುನ ಕ್ಷಣ ಇನಿ.

ಡಾಕ್ಟರ್ ಚರಿಷ್ಮಾ ಶೆಟ್ಟಿ,ಬಿ.ಎ.ಎಮ್.ಎಸ್.ಎಮ್.ಎಸ್.ಸಿ.ಯೋಗ