ಫೂಟ್ ಪಲ್ಸ್ ತೆರಪಿ

ಹಳೆವಿದ್ಯಾರ್ಥಿ ಸಂಘ, ಯುವಕ ಸಂಘ ಕೊಡವೂರು ಬೊಕ್ಕ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಬೊಕ್ಕ ಕಂಪಾನಿಯೋ ಕುಂದಾಪುರ ಮೊಕ್ಲೆನ ಸಂಯುಕ್ತಾಶ್ರಯಡ್ ಯುವಕ ಸಂಘದ ಕಾರ್ಯಾಲಯಡ್ ನಡತೊಂದುಪ್ಪುನ ಫೂಟ್ ಪಲ್ಸ್ ತೆರಪಿ ನಿರೀಕ್ಷೆಗುಲಾ ಮೀರ್ದ್ ಜನಸ್ಪಂದನೆನ್ ಪಡೆದ್ ಪದಿನೈನ್ ದಿನ ಈ ಶಿಬಿರಡ್ ಪತ್ತು ದಿನ ಇತ್ತೆನೇ ಮುಗಿದಿತ್ತುದ್ 225 ಕ್ಕು ಲಾ ಜಾಸ್ತಿ ಶಿಬಿರಾರ್ಥಿಲು ಪ್ರತಿದಿನ ಈ ತೆರಪಿದ ಪ್ರಯೋಜನನ್ ಪಡೆತೊಂದುಲ್ಲೆರ್.
ಕೊರೊನೋತ್ತರ ಈ ಕಾಲಘಟ್ಟಡ್ ಆರೋಗ್ಯದ ಬಗ್ಗೆ ಜನಕ್ಲೆಗ್ ಹೆಚ್ಚಿನ ಜಾಗೃತಿ ಮೂಡೊಂದಿತ್ತುದ್, ಅಯಿಟುಲಾ ಓವ್ವೇ ಔಷದ ಉಪ್ಪಂದೆ ಆರೋಗ್ಯನ್ ಕಾತೊನರೆಗ್ ಬಗ್ಗೆ ಗಮನ ಕೊರೊಂದುಪ್ಪುನ ನಿಟ್ಟುಡ್ ರಕ್ತಸಂಚಾರ ಬೊಕ್ಕ ನರ ಸಂಬಂಧಿತ ಕಾಯಿಲೆಗ್ ಎಡ್ಡೆ ಪರಿಹಾರ ಕೊರ್ಪಿನ ಈ ತೆರಪಿನ್ ದೆತೊಂದ್ ಸ್ಥಳೀಯ ಜನಕುಲ್ ಉತ್ಸುಕರಾತೆರ್ .ಅಂಚೆನೇ ಈ ಆರೋಗ್ಯ ಶಿಬಿರದ ಸಮಾರೋಪ ಸಮಾರಂಭ ಡಿ.4 ಗ್ ಕಾಂಡೆ 10.30ಗ್ ಕೊಡವೂರು ಯುವಕ ಸಂಘದ ಕಾರ್ಯಾಲಯದ ಅಂಗಣೊಡ್ ಕೈತಲುದ ಗಣ್ಯೆರೆನ ಉಪಸ್ಥಿತಿಡ್ ನಡಪರೆಗಿತ್ತುದ್,ಮಾತಾ ಶಿಬಿರಾರ್ಥಿಲೆಗ್ ಆನಿ ಮಧ್ಯಾಹ್ನ ಭೋಜನದ ವ್ಯವಸ್ಥೆನ್ ಮಲ್ಪುಂಡ್ ಪಂಡುದ್ ಸಂಸ್ಥೆದ ಪ್ರಕಟಣೆ ತೆರಿಪಾದುಂಡ್.