ಕೊಡವೂರು: ಫೂಟ್ ಪಲ್ಸ್ ತೆರಪಿ

ಹಳೆವಿದ್ಯಾರ್ಥಿ ಸಂಘ,ಯುವಕ ಸಂಘ ಕೊಡವೂರು. ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಬೊಕೂ ಕಂಪಾನಿಯೋ ಸಂಸ್ಥೆದ ಸಂಯುಕ್ತಾಶ್ರಯಡ್ ಕರಿನ 15 ದಿನಡಿಂಚಿ ನಡತೊಂದುಪ್ಪುನ ಫೂಟ್ ಪಲ್ಸ್ ತೆರಪಿದ ಸಮಾರೋಪ ಸಮಾರಂಭ ಡಿ.4 ತಾರೀಕುಗ್ ಯುವಕ ಸಂಘಡ್ ನಡತುಂಡ್.
ಮುಖ್ಯ ಅತಿಥಿ ಕನ್ಸಲ್ಟಿಂಗ್ ಇಂಜಿನಿಯರ್ & ಕಂಟ್ರಾಕ್ಟರ್ ಸದಾನಂದ ಸಾಲ್ಯಾನ್ ಪಾತೆರ್ದ್ ಮೀರ್ದ್ ದೆತೊನಂದೆ ನಿರಂತರ ಪ್ರಯತ್ನಡ್ ಆರೋಗ್ಯನ್ ಕಾತೊಂಬಿನ ಬಗೆಟ್ ಜಾಗೃತಿ ಪುಟ್ಟಾವುನ ಇಂಚಿನ ಆರೋಗ್ಯ ‌ಶಿಬಿರೊಲು ಸಹಕಾರಿಯಾದುಂಡ್.ಆರೋಗ್ಯವಂತ ಪ್ರಜೆಕುಲೇ ದೇಶದ ಮಲ್ಲ ಸಂಪತ್ತು ಪಂಡೆರು.ಅಂಚೆನೇ ಯುವ ಜನತೆ ಮಾದಕ ದ್ರವ್ಯ ವ್ಯಸನಗ್ ಬಲಿಯಾವಂದಿಲೆಕ್ಕ ತೂವೊಂಬಿನವ್ ನಮ್ಮ ಹೊಣೆಗಾರಿಕೆ ಪಂಡೆರು.
ಕಂಪಾನಿಯೋ ಸಂಸ್ಥೆದ ದಕ್ಷಿಣ ಭಾರತದ ಮುಖ್ಯಸ್ಥ ಸೀತಾರಾಮ ಶೆಟ್ಟಿಯವರು ಪಾತೆರ್ದ್ ವೈದ್ಯಕೀಯ ವಿಜ್ಞಾನಡ್ ಸೂಕ್ತವಾಯಿನ ಮರ್ದ್ ಉಪ್ಪಂದೆ ಕೆಲವ್ ಕಾಯಿಲೆನ್ ಫೂಟ್ ಪಲ್ಸ್ ತೆರಪಿಡ್ ಸರಿ ಮಲ್ಪೊಲಿ ಪಂಡೆರು. ಸಾಮಾಜಿಕ ಮುಂದಾಳು ಹಿರಿಯಣ್ಣ ಕಾಂಚನ್ ಅಧ್ಯಕ್ಷತೆಡಿತ್ತೆರು.ನಗರಸಭಾ ಸದಸ್ಯ ವಿಜಯ ಕೊಡವೂರು, ಮತ್ಸ್ಯೋದ್ಯಮಿ ಸುಧಾಕರ್ ಕುಂದರ್ , ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಅಧ್ಯಕ್ಷ ಕೃಷ್ಣ ದೇವಾಡಿಗ, ಹಳೆವಿದ್ಯಾರ್ಥಿ ಸಂಘದ ಅಧ್ಯಕ್ಷ ಸತೀಶ್ ಕೊಡವೂರು ಉಪಸ್ಥಿತರಿತ್ತೆರು.
ಯುವಕ ಸಂಘದ ಅಧ್ಯಕ್ಷ ಪ್ರಭಾತ್ ಕೋಟ್ಯಾನ್ ಸ್ವಾಗತ ಮಲ್ತೆರು.ಕಂಪಾನಿಯೋ ಸಂಸ್ಥೆದ ಜಯಪ್ರಕಾಶ್ ನಿರೂಪಣೆ ಮಲ್ತುದ್ ವಂದಿಸಾಯೆರು.
,