‌ಧ.ಗ್ರಾ.ಯೋಜನೆದ ವತಿಡ್ದ್ ನಡತಿನ ಮದ್ಯವರ್ಜನ ಶಿಬಿರ..

1601ನೇ ಮದ್ಯ ವರ್ಜನ ಶಿಬಿರದ ಸಮಾರೋಪ ಸಮಾರಂಭಡ್ ಶ್ರೀ ತಿಮ್ಮಯ್ಯ ನಾಯಕ್ ಯೋಜನಾಧಿಕಾರಿ ಜನಜಾಗ್ರತಿ ವೇದಿಕೆ ಉಡುಪಿ ಪ್ರಾದೇಶಿಕ ಕಚೇರಿ ಮೇರ್ ಶಿಬಿರರ್ಥಿಲೆಗ್ ಕುಟುಂಬಡ್ ಕಂಡನಿ ಬುಡೆದಿನ ಪಾತ್ರ ಎಂಚ ಉಪ್ಪೊಡ್ ಇಲ್ಲದ ವಾತಾವರಣ ಬೆನ್ಪುನ ಆಂಜೊವುಗ್ ಇಲ್ಲದ ಪರಿಸರ ನೆಮ್ಮದಿಡ್ ಇಪ್ಪುನ ಲೆಕ್ಕ ತೂವೊನೊಡ್ ಪಂಡುದ್ ಮಾಹಿತಿ ಕೊರಿಯೆರ್. ಸಮಾರೋಪ ಸಮಾರಂಭಡ್ ಕರಾವಳಿ ಪ್ರಾದೇಶಿಕ ಕಚೇರಿದ ಪ್ರಾದೇಶಿಕ ನಿರ್ದೇಶಕೆರು ಆದುಪ್ಪುನ ವಸಂತ್ ಸಾಲಿಯಾನ್ ಮೇರ್ ಧರ್ಮಸ್ಥಳದ ಧರ್ಮಧಿಕಾರಿಲಾಯಿನ ಖಾವಂದೆರು ದುರ್ಬಲ ವರ್ಗದ ಕುಟುಂಬದ ಬದುಕುಗ್ ಆಶಾಕಿರಣ ತೋಜಾವುನ ಬೊಲ್ಪುದಲೆಕ್ಕ ಚಿಂತನೆ ನಡಪಾವೆರ್ .ಇಂಚಿನ ಚಿಂತನೆಡ್ ಪಾನಮುಕ್ತ ಜೀವನ ನಡಪಾವರೆಗ್ ಜನಕ್ಲೆಗ್ ಅರಿವು ಮೂಡಿಸಾವುನ ಕಾರ್ಯಕ್ರಮ ಮಲ್ತೊಂದ್ ಬರೊಂದುಲ್ಲೆರ್. ಇಂಚಿನ ಮದ್ಯ ವರ್ಜನ ಶಿಬಿರದ ಮುಖೇನ ಸಾರ ಕುಟುಂಬೊಲು ಪೊಸ ಬದುಕು ಕಟ್ಟೊಂದುಂಡ್ ಪಂಡುದ್ ಪಂಡೆರ್. ಡಾ!ಪಿ. ವಿ ಭಂಡಾರಿ ಮನೋರೋಗ ತಜ್ಞೆರು ಬೊಕ್ಕ ಅಖಿಲ ಕರ್ನಾಟಕ ಜನಜಾಗ್ರತಿ ವೇದಿಕೆದ ಟ್ರಷ್ಟಿ ಆದುಪ್ಪುನ ಮೇರ್ ಸಮಾರೋಪ ಸಮಾರಂಭಡ್ ಮನುಷ್ಯ ಜಾಸ್ತಿ ಚಿಂತೆ, ಮಾನಸಿಕ ವಾದ್ ಕುಗ್ಗಿಯೆಡ ವ್ಯಕ್ತಿ ದುಶ್ಚಟಲೆಗ್ ಪೋಪೆ.. ಇಂಚಿನ ಸಂದರ್ಭಡ್ ಕುಟುಂಬದ ಸದಸ್ಯೆರು ಇಲ್ಲದ ಆಂಜೊವುನೊಟ್ಟುಗ್ ಸ್ನೇಹ ಸಹಬಾಳ್ವೆ ಡ್ ತೂವೊನೊಡ್. ಪುರುಷೆರು ಅಮಲು ಪದಾರ್ಥನ್ ಸೇವನೆ ಮಲ್ಪರೆಗ್ ಕುಟುಂಬದಕುಲು ಮುಖ್ಯ ಕಾರಣ ರಾಪೆರ್. ಇಲ್ಲದ ಸದಸ್ಯೆರು ಪ್ರೀತಿ ವಿಸ್ವಾಸ ತೋಜಾಂಡ ಒವ್ವ್ ಚಟಲಾ ಎರೆಡಲಾ ಉಪ್ಪುಜಿ ಪಂಡುದ್ ಪಂಡೆರ್.

ಸಭೆತ್ತ ಅಧ್ಯಕ್ಷತೆನ್ 1601ನೇ ಮಧ್ಯವರ್ಜನಾ ಶಿಬಿರದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರು ಆಯಿನ ಶ್ರೀ. ಪ್ರಸಾದ ರಾವ್ ವಹಿಸಾದಿತ್ತೆರ್. ಸಭೆಟ್ ಶ್ರೀ ಸಿದ್ದರಾಜು ಗೌರವ ಅಧ್ಯಕ್ಷೆರು. ಮದ್ಯ ವರ್ಜನ ಶಿಬಿರದ ವ್ಯವಸ್ಥಾಪನ ಸಮಿತಿ. ಶ್ರೀ ದೇವದಾಸ ಹೆಬ್ಬಾರ್ ನಿಕಟ ಪೂರ್ವ ರಾಜ್ಯ ಅಧ್ಯಕ್ಷೆರು ಅಖಿಲ ಕರ್ನಾಟಕ ಜನಜಾಗ್ರತಿ ವೇದಿಕೆ ಬೆಳ್ತಂಗಡಿ. ಶ್ರೀಶಿವರಾಯ ಪ್ರಭು ನಿರ್ದೇಶಕೆರು ದ ಗ್ರಾ ಯೋ ಉಡುಪಿ ಜಿಲ್ಲೆ ಶ್ರೀ ನವೀನ್ ಅಮೀನ್ ಅಧ್ಯಕ್ಷೆರು ಜನಜಾಗ್ರತಿ ವೇದಿಕೆ ಉಡುಪಿ ಜಿಲ್ಲೆ. ಶ್ರೀ ಬಾಲಕೃಷ್ಣ ಶೆಟ್ಟಿ ಅಧ್ಯಕ್ಷೆರು ಸ್ಥಾಯಿ ಸಮಿತಿ ನಗರ ಸಭೆ ಉಡುಪಿ ಕೃಷ್ಣ ಮೂರ್ತಿ ಭಟ್ ಅನ್ನುವಂಶಿಕ ಮೊಕ್ತೆಸರೆರು ಭಗವತಿ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ಪುತ್ತುರು. ಶ್ರೀ ಶಂಕರ ಪಿ ಶೆಟ್ಟಿ ಅಧ್ಯಕ್ಷೆರು ಜೀರ್ಣೋದ್ದಾರ ಸಮಿತಿ ಭಗವತಿ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ಪುತ್ತುರು. ನಗರ ಸಭಾ ಸದಸ್ಯೆರು ಆಯಿನ ಸುಂದರ ಜೆ ಕಲ್ಮಡಿ. ಶ್ರೀಮತಿ ಜಯಂತಿ ಪೂಜಾರಿ ಸುಬ್ರಹ್ಮಣ್ಯ ನಗರ. ಶ್ರೀ ಹರೀಶ್ ಕೋಟ್ಯಾನ್ ವಲಯ ಅಧ್ಯಕ್ಷೆರು ಜನ ಜಾಗ್ರತಿ ವೇದಿಕೆ ಅಂಬಾಗಿಲು ಶ್ರೀ ಶಿವಕುಮಾರ್ ವಲಯ ಅಧ್ಯಕ್ಷೆರು ಜನಜಾಗ್ರತಿ ವೇದಿಕೆ ಉಡುಪಿ. ಪ್ರಶಾಂತ್ ಸಾಲಿಯಾನ್ ವಲಯ ಅಧ್ಯಕ್ಷೆರು ಜನಜಾಗ್ರತಿ ವೇದಿಕೆ ಮಲ್ಪೆ. ಶ್ರೀ ಬಾಲಕೃಷ್ಣ ಶೆಟ್ಟಿ ಅಧ್ಯಕ್ಷೆರು ಭಜನಾ ಪರಿಷತ್ ಉಡುಪಿ ತಾಲ್ಲೂಕು. ಶ್ರೀ ಕೃಷ್ಣ ಶೆಟ್ಟಿ ಮಾಜಿ ಅಧ್ಯಕ್ಷೆರು ಗ್ರಾಮ ಪಂಚಾಯತ್ ತೆಂಕನಿಡಿಯೂರು.ಶ್ರೀ ಮಂಜುನಾಥ ವಲಯ ಅಧ್ಯಕ್ಷರು ಪ್ರಗತಿ ಬಂದು ಸ್ವ ಸಹಾಯ ಸಂಘಗಳ ಒಕ್ಕೂಟ ಅಂಬಾಗಿಲು. ಶ್ರೀಮತಿ ಪಲ್ಲವಿ ಪ್ರಸಾದ್ ರಾವ್. ಶ್ರೀಮತಿ ಕಮಲ ಸಿದ್ದರಾಜು. ವ್ಯವಸ್ಥಾಪನ ಸಮಿತಿದ ಮಾತಾ ಸದಸ್ಯೆರು ಉಪಸ್ಥಿತ ರಿತ್ತೆರ್.

ಶ್ರೀಮತಿ ಜಯಂತಿ ಯೋಜನಾಧಿಕಾರಿ ಕಾಪು ಕಾರ್ಯಕ್ರಮ ನಿರೂಪಣೆ ಮಲ್ತುದ್, ಶ್ರೀ ರಾಮ ಎಂ ಯೋಜನಾಧಿಕಾರಿ ಸ್ವಾಗತ ಮಲ್ತೆರ್. ಶ್ರೀಮತಿ ಮೂಕಾಂಬಿಕಾ ವಂದನಾರ್ಪಣೆ ಮಲ್ತೆರ್….