ಮೇಧಾ ನ್ಯಾಚುರಲ್ ಕೋಲಾ ಲೋಕಾರ್ಪಣೆ…

ಗಿಡಮೂಲಿಕೆಗಳ ಸತ್ವ ಉಳ್ಳ, ಮೇಡ್ ಇನ್ ಭಾರತ್, ಮೇಧಾ ನ್ಯಾಚುರಲ್ ಕೋಲಾ ಲೋಕಾರ್ಪಣೆ

ಇನಿತ ಯುವಜನತೆ ವಿದೇಶೀ ತಂಪು ಪಾನೀಯ ಬೊಕ್ಕ ಆಹಾರಪದ್ಧತಿಗ್ ಒಗ್ಗುದ್ ಪೋದ್ ಆರೋಗ್ಯ, ಜೀವನೋಲ್ಲಾಸನ್ ಕಳೆಯೊಂದುಂಡ್.. ಭಾರತೀಯ ಆಹಾರ ಸಂಸ್ಕೃತಿ, ಮುಲ್ಪದ ಗಿಡ ಮೂಲಿಕೆಲೆದ ಸತ್ವೊನ್ ಜನ ಮದತೇ ಬುಡ್ತೆರು. ಆಂಡ ಇತ್ತೆ ಭಾರತೀಯತೆ, ದೇಸೀತನದ ಮಿತ್ತ್ ಆಸಕ್ತಿ ಕುತೂಹಲ ಹೆಚ್ಚಾವೊಂದುಂಡ್. ಈ ನಿಟ್ಟುಡ್ ನಮ ಒವ್ವೇ ರಾಸಾಯನಿಕ ಉಪ್ಪಂದೆ, ಕೃತಕ ಬಣ್ಣಲಾ ಇಪ್ಪಂದೆ ಪ್ರಾಚೀನ ಕಾಲೊಡಿಂಚಿ ಬಳಸೊಂದಿತ್ತಿನ, ನಮ್ಮ ಆರೋಗ್ಯದ ಗುಟ್ಟಾದಿತ್ತಿನ ನೈಸರ್ಗಿಕ ಆಹಾರ ಪದಾರ್ಥೊಲು ಬೊಕ್ಕ ಆಯುರ್ವೇದ ಸತ್ವ ಉಪ್ಪುನ ಕೆಲವ್ ಗಿಡ ಮೂಲಿಕೆಲೆನ್ ಗಲಸುದ್ ಮನ್ವಂತರ ನ್ಯೂಟ್ರಾಸ್ಯುಟಿಕಲ್ಸ್ ಪ್ರೈ. ಲಿ., “ಮೇಧಾ ನ್ಯಾಚುರಲ್ ಕೋಲಾ” ತಯಾರಾವೊಂದುಂಡ್. ಆರೋಗ್ಯದ ಒಟ್ಟುಗ್ ನೈಸರ್ಗಿಕ ಶಕ್ತಿನುಲಾ , ಮನೋಲ್ಲಾಸನುಲಾ ಉಂದು ಜಾಸ್ತಿ ಮಲ್ಪುಂಡ್..

ಸೆಪ್ಟೆಂಬರ್ 17 ತಾರೀಕುಗ್ ಕಾಂಡೆ 9 ಗಂಟೆಗ್ ಅಂಬಾಗಿಲುದ ಅಮೃತ್ ಗಾರ್ಡನ್ ಡ್ ಗಿಡ ಮೂಲಿಕೆಲೆನ ಸತ್ವ ಉಳ್ಳ ಮೇಡ್ ಇನ್ ಭಾರತ್ ತಂಪು ಪಾನೀಯ ಮೇಧಾ ನ್ಯಾಚುರಲ್ ಕೋಲಾ ಲೋಕಾರ್ಪಣೆ ಆವರೆಗುಂಡ್. ಬೆಂಗಳೂರುದ ಶ್ರೀ ರಾಮದಾಸ ಆಶ್ರಮದ ಶ್ರೀ ಶ್ರೀ ಶ್ರೀ ಶಕ್ತಿಶಾಂತಾನಂದ ಮಹರ್ಷಿ ದೀಪ ಪ್ರಜ್ವಲನೆ ಬೊಕ್ಕ ಆಶಿರ್ವಚನ ಕೊರ್ರೆಗುಲ್ಲೆರ್ ಉಡುಪಿ ವಿಧಾನ ಸಭಾ ಕ್ಷೇತ್ರದ ಶಾಸಕ ಯಶಪಾಲ್ ಎ. ಸುವರ್ಣ ಲೋಕಾರ್ಪಣೆ ಮಲ್ಪುವೆರ್. ಅಕ್ವಾ ಐಸ್ ಬರ್ಗ್ ದ ಶ್ರೀ ಆನಂದ ಶೆಟ್ಟಿ ಅಧ್ಯಕ್ಷತೆಡಿಪ್ಪುವೆರ್. ಉಡುಪಿ ಜಿಲ್ಲಾ ಆರೋಗ್ಯಾಧಿಕಾರಿ ಡಾ. ನಾಗಭೂಷಣ ಉಡುಪ, ಕೊಡವೂರು ವಾರ್ಡಿನ ನಗರಸಭಾ ಸದಸ್ಯ ಕೆ. ವಿಜಯ ಕೊಡವೂರು, ಉಡುಪಿ ವರ್ತಕರ ಸಂಘದ ಅಧ್ಯಕ್ಷ ದಿವಾಕರ ಸನಿಲ್, ಉಡುಪಿ ಜಿಲ್ಲಾ ಬೇಕರಿ ಬೊಕ್ಕ ಖಾದ್ಯ ತಿನಸುಲೆನ ತಯಾರಕರ ಬೊಕ್ಕ ಮಾರಾಟಗಾರರ ಸಂಘದ ಅಧ್ಯಕ್ಷ ವಿಶ್ವನಾಥ ಕುಲಾಲ್ ಗೌರವ ಅತಿಥಿಲಾದ್ ಉಪ್ಪುವೆರ್.

ಪತ್ರಿಕಾಗೋಷ್ಠಿಡ್ ಶ್ರೀ ಶಕ್ತಿ ಶಾಂತಾನಂದ ಮಹರ್ಷಿ,ಉಡುಪಿ ನಗರ ಸಭಾ ಸದಸ್ಯರಾಯಿನ ವಿಜಯ ಕೊಡವೂರು,ಆನಂದ ಶೆಟ್ಟಿ, ಮನೋಹರ್ ಶೆಟ್ಟಿ ತೋನ್ಸೆ,ಬಾಲಕೃಷ್ಣ ಶೆಟ್ಟಿ, ರಾಧಾಕೃಷ್ಣ ಮೆಂಡನ್ ಉಪಸ್ಥಿತಿರಿತ್ತೆರ್.