ದೇಶಾದ್ಯಂತ ಪ್ಲಾಸ್ಟಿಕ್ ಮುಕ್ತ ಮಲ್ಪುನೇಟ್ ಸರ್ಕಾರ ಎಚ್ಚರಿಕೆ ಕೊರೊಂದಿತ್ತುದ್,ಮಾತಾ ಕಡೆಟ್, ಸಾರ್ವಜನಿಕ ಸಂಘಸಂಸ್ಥೆಲು ಈ ನಿಟ್ಟುಡ್ ವಿಶೇಷ ಕಾಳಜಿ ದೆತೊಂದ್ ಪ್ಲಾಸ್ಟಿಕ್ ಮುಕ್ತ ಮಲ್ಪುನ ಪ್ರಯತ್ನ ಮಲ್ತೊಂದುಂಡ್.
ಬಾರ್ಕೂರು ಬೆಣ್ಣೆಕುದ್ರು ಶ್ರೀ ಕುಲಮಹಾಸ್ತ್ರೀ ಅಮ್ಮನವರ ದೇವಸ್ಥಾನಡ್ ಡಿಸೆಂಬರ್ 16 ತಾರೀಕುಡ್ದ್ ಡಿಸೆಂಬರ್ 20 ಮುಟ್ಟ ನಡತೊಂದುಪ್ಪುನ ವಾರ್ಷಿಕ ಜಾತ್ರಾ ಮಹೋತ್ಸವದ ಪೊರ್ತುಗ್ ದೇವಸ್ಥಾನಗ್ ಬರ್ಪಿನ ಭಕ್ತಾದಿಲು ಕನಪಿನ ಪ್ಲಾಸ್ಟಿಕ್ ಚೀಲೊನ್ ದೆತೊಂದ್ ಅಯಿತ್ತ ಬದಲುಗ್ ಕುಂಟುದ ಚೀಲೊನ್ ಕೊರ್ದು ದೇವಸ್ಥಾನಡ್ ಪ್ಲಾಸ್ಟಿಕ್ ಮುಕ್ತ ಮಲ್ಪುನ ಮುಖೇನ ದೇಶೊಗ್ ಮಾದರಿಯಾವೊಂದುಲ್ಲೆರ್.
ಈ ಅಭಿಯಾನಗ್ ಕೋಟ ಗೀತಾನಂದ ಫೌಂಡೇಶನ್ ದ ಮುಖ್ಯಸ್ಥೆರಾಯಿನ ಆನಂದ ಸಿ.ಕುಂದರ್ ಮೇರ್ ಸುಮಾರು 5000 ಕುಂಟುದ ಚೀಲೊನ್ ಪ್ರಾಯೋಜಕತ್ವ ಮಲ್ತುದ್ ಈ ಎಡ್ಡೆ ಕಾರ್ಯೊಗ್ ಸಹಕಾರ ಕೊರ್ತೆರ್.
ದೇವಸ್ಥಾನದ ಈ ಕಾರ್ಯೊಗ್ ಬತ್ತಿನ ಭಕ್ತಾದಿಲು ಬೆಂಬಲ ಕೊರೊಂದುಪ್ಪುನ ಒಟ್ಟುಗ್ ಮೆಚ್ಚುಗೆ ತೋಜಾವೊಂದುಲ್ಲೆರ್.
ಬಾರ್ಕೂರು ಮೊಗವೀರ ಸಂಯುಕ್ತ ಸಭಾ ಬೆಣ್ಣೆಕುದ್ರು ನೇತೃತ್ವಡ್ ಈ ಕಾರ್ಯಕ್ರಮ ನಡತೊಂದುಂಡ್.
by 