ಕೊಡವೂರು ಬ್ರಾಹ್ಮಣ ಮಹಾ ಸಭಾಟ್ ನಡತಿನ “ಋತು ಬಂಧ- ಬಂಧನವೋ ಬಿಡುಗಡೆಯೋ” ಕಾರ್ಯಾಗಾರ:
ಒಂಜಿ ಪೊಣ್ಣಗ್ ಜೀವನ ಚಕ್ರದ ಅವಿಭಾಜ್ಯ ಅಂಗವಾಯಿನ ಪಿದಯಿ ಆಪಿನ ತಿಂಗೊಲ್ದ ಮೂಜಿ ದಿನ ಅಲೆಗ್ ಬಂಧನದ ಭಾವನೆ ತೋಜಂದೆ ಬುಡುಗಡೆದ ಸಾದಿಯಾವೊಡ್.ಆ ದಿನೊಕ್ಲೆಡ್ ಅಲೆನ ಮಾನಸಿಕ ಬೊಕ್ಕ ದೈಹಿಕ ಕ್ಷಮತೆಗಾದ್ ಇಲ್ಲಡ್ ಮಾತೆರ್ಲಾ ಅಲೆನ್ ಎಡ್ಡೆ ಭಾವನೆಡ್ ತೂವೊಡ್.ಅಂಚ ಸಹಕಾರ ಮಲ್ತುಂಡ ಅಲೆಗ್ ಧನಾತ್ಮಕ ಭಾವನೆಲೆನ್ ಮುಖೇನ ನೆಮ್ಮದಿದ ವಾತಾವರಣ ಸೃಷ್ಟಿ ಮಲ್ಪೊಲಿ ಪಂಡುದ್ ಖ್ಯಾತ ಸ್ತ್ರೀ ರೋಗ ನಿವಾರಣಾ ವೈದ್ಯೆ,ಪ್ರಸೂತಿ ತಜ್ಞೆ ಡಾ.ರಾಜಲಕ್ಷ್ಮಿ ಅಭಿಪ್ರಾಯ ಪಟ್ಟೊಂಡೆರ್ .
ಕೊಡವೂರು ಬ್ರಾಹ್ಮಣ ಮಹಾ ಸಭಾ ತನ್ನ ರಜತ ಮಹೋತ್ಸವದ ಅಂಗವಾದ್ ಆಯೋಜನೆ ಮಲ್ದಿನ 26 ನೇ ಸರಣಿ ಕಾರ್ಯಕ್ರಮೊಡ್ ಪಾತೆರಿನ ಆರು ಅಲೌಕಿಕ ಬೊಕ್ಕ ಲೌಕಿಕವಾದ್ ಶಕ್ತಿಮಾತೆ ಬೊಕ್ಕ ನಮ್ಮ ಜನ್ಮದಾತೆನ್ ಪೂಜೆ ಮಲ್ಪುನ ವಿಶಿಷ್ಟ ಸಂಸ್ಕೃತಿದ ಭಾಗವಾದುಪ್ಪುನ ನಮ ದುರ್ಗಾಮಾತೆನ್ ಪೂಜೆ ಮಲ್ತಿನ ಈ ಸಂದರ್ಭೊಡ್ ನಮ್ಮ ಜನ್ಮದಾತೆನ ಬಗ್ಗೆ ಕಾಳಜಿ ದೆತೊಂದ್ ಆಯೋಜನೆ ಮಲ್ತಿನ ಈ ಕಾರ್ಯಾಗಾರ ಅರ್ಥಪೂರ್ಣ ಪಂಡುದ್ ಪುಗಾರಿಯೆರ್. ಕೊಡವೂರು ಬ್ರಾಹ್ಮಣ ಮಹಾ ಸಭಾದ ಅಧ್ಯಕ್ಷೆರಾಯಿನ ನಾರಾಯಣ ಬಲ್ಲಾಳ್,ರಜತ‌ಮಹೋತ್ಸವ ಸಮಿತಿದ ಕಾರ್ಯಾಧ್ಯಕ್ಷೆರಾಯಿನ ಮಂಜುನಾಥ ಭಟ್,ಪ್ರಧಾನ ಕಾರ್ಯ ದರ್ಶಿ ಚಂದ್ರಶೇಖರ್ ರಾವ್ , ಶ್ರೀಶ ಭಟ್ ,ನಿರ್ಮಲಾ ಮಂಜುನಾಥ್, ಪ್ರೇಮಾ ಬಾಯರಿ, ನಾಗರತ್ನ ಬಲ್ಲಾಳ್ ಉಪಸ್ಥಿತಿತರಿತ್ತುದ್ ಅರೆಗ್ ಮಾನಾದಿಗೆ ಮಲ್ತೆರ್. ಪೂರ್ಣಿಮಾ ಜನಾರ್ದನ್ ಸ್ವಾಗತ ಮಲ್ತುದ್ ಕಾರ್ಯಕ್ರಮದ ಮದಿಪು ಕೊರಿಯೆರ್.
by 