ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವ್ರದ್ಧಿ ಯೋಜನೆ ಬಿಸಿ ಟ್ರಸ್ಟ್‌ (ರಿ) ಉಡುಪಿ ತಾಲೂಕು ಮಲ್ಪೆ ವಲಯದ ವತಿಡ್ದ್ ಸರಕಾರಿ ಪದವಿ ಪೂರ್ವ ಕಾಲೇಜ್ ಪ್ರೌಢಶಾಲಾ ವಿಭಾಗ ಮಲ್ಪೆಡ್ ಅಂತರಾಷ್ಟ್ರೀಯ ಯೋಗ ದಿನಾಚರಣೆನ್ ಮಾನ್ಯ ಜಿಲ್ಲಾ ಹಿರಿಯ ನಿರ್ದೇಶಕೆರಾಯಿನ ಶಿವರಾಯ ಪ್ರಭು ಮೇರ್ ಉದಿಪನ ಮಲ್ತೆರ್..
ಈ ಪೊರ್ತುಡ್ ಪಾತೆರಿನ ಆರ್ ಜೂನ್ 21 ತಾರೀಕುದಾನಿ ಯೋಗ ದಿನಾಚರಣೆ ದಾಯೆಗ್ ಆಚರಣೆ ಮಲ್ಪುವೆರ ಪಂಡ ಈ ದಿನ ಉತ್ತರ ಗೋಲಾರ್ಧದ ಉದ್ದದ ದಿನ.ದಕ್ಷಿಣ ಗೋಲಾರ್ಧದ ಕಿನ್ನ ದಿನ.ಈ ದಿನೊನ್ ಅರೆಗೋಲದ ಆಯಾನ ಸಂಕ್ರಾಂದಿ ಪನ್ಪೆರ್.ದಾಯೆಗ್ ಪಂಡ ಇನಿತ ದಿನ ಇಡೀ ವರ್ಸೊಡ್ದ್ಲಾ ಪಗೆಲ್ ಮಲ್ಲ ಉಪ್ಪುಂಡ್..ಪಂಡುದ್ ಆರ್ ತೆರಿಪಾಯೆರ್.
ಕಜ್ಜೊಡ್ ಪಾಂಡುರಂಗ ಮಲ್ಪೆ ಅಧ್ಯಕ್ಷತೆಡಿತ್ತುದ್,ಮಾನಸಿಕ,ದೈಹಿಕ ಬೊಕ್ಕ ಸೌಂದರ್ಯಗಾದ್ ಹೆಚ್ಚಿನಕುಲು ಯೋಗದ ಅಭ್ಯಾಸ ಮಲ್ಪುವೆರ್ ಪಂಡೆರ್.ಕಜ್ಜೊಡ್ ಉಡುಪಿ ನಗರಸಭೆತ್ತ ಕಲ್ಮಾಡಿ ವಾರ್ಡ್ ದ ಸದಸ್ಯೆರಾಯಿನ ಸುಂದರ ಜೆ.ಕಲ್ಮಾಡಿ,ಶ್ರೀ ಕ್ಷೇತ್ರ ಧ.ಗ್ರಾ.ಯೋಜನೆದ ಉಡುಪಿ ತಾಲೂಕುದ ಯೋಜಾನಾಧಿಕಾರಿ ರಾಮ ಎಮ್,ಮಧ್ವನಗರದ ಯೋಗಶಿಕ್ಷಕೆರಾಯಿನ ರಂಜಿತ್,ಉದಯ ಕಲಾ ಯುವಕ ಮಂಡಲದ ಗೌರವಾಧ್ಯಕ್ಷೆರಾಯಿನ ಮನೋಜ್ ಕಲ್ಮಾಡಿ,ಸರಕಾರಿ ಪದವಿ ಪೂರ್ವ ಕಾಲೇಜ್ ಪ್ರೌಢಶಾಲಾ ವಿಭಾಗದ ಮುಖ್ಯೋಪಾಧ್ಯಾಯೆರಾಯಿನ ಶ್ರೀಮತಿ ಸಂಧ್ಯಾ,ಮಲ್ಪೆ ವಲಯದ ಮೇಲ್ವಿಚಾರಕಿ ಮೂಕಾಂಬಿಕಾ, ಶಾಲೆದ ಶಿಕ್ಷಕೆರ್,ಸೇವಾಪ್ರತಿನಿಧಿ,ಒಕ್ಕೂಟದ ಕಾರ್ಯದರ್ಶಿ ರಾಜೇಶ್,ಪದಾಧಿಕಾರಿಲು,ಸದಸ್ಯೆರ್,ಬೊಕ್ಕ ಶಾಲೆದ ಜೋಕುಲು ಉಪಸ್ಥಿತರಿತ್ತೆರ್.
by 