ಕೆವಿಜಿ  ಆಯುರ್ವೇದ ಕಾಲೇಜಿಡ್ ಯೋಗ ದಿನ.

ಸುಳ್ಯದ ಕೆ ವಿ ಜಿ ಆಯುರ್ವೇದ ಕಾಲೇಜಿಡ್ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ

ಕೆ ವಿ ಜಿ ಆಯುರ್ವೇದ ಮೆಡಿಕಲ್ ಕಾಲೇಜು ಬೊಕ್ಕ ಆಸ್ಪತ್ರೆಯಳದ  ಸ್ವಸ್ಥವೃತ ವಿಭಾಗ ಬೊಕ್ಕ ಆಯುಷ್ ಇಲಾಖೆ ಮಂಗಳೂರುದ  ಸಹಯೋಗದೊಟ್ಟುಗ್,10 ನೇ ವರ್ಷದ ಅಂತರ್ ರಾಷ್ಟ್ರೀಯ ಯೋಗ ದಿನಾಚರಣೆನ್ ಜೂ 21 ಗ್ ಆಚರಣೆ ಮಲ್ತೆರ್. ಅಕಾಡೆಮಿ ಆಫ್ ಲಿಬರಲ್ ಎಜ್ಯುಕೇಶನ್ (ರಿ) ಸುಳ್ಯದ  ಅಧ್ಯಕ್ಷೆರಾಯಿನ ಡಾ. ಕೆ ವಿ ಚಿದಾನಂದ ಮೇರು ತುಡರ್ ಅರ್ಲಾದ್ ಉದಿಪನ ಮಲ್ತುದ್ ಶುಭ ಹಾರೈಸಿಯೆರು.

ಕಾರ್ಯಕ್ರಮಡ್  ಕೌನ್ಸಿಲ್ ಸದಸ್ಯ ಜಗಧೀಶ್ ಅಡ್ತಲೆ, ಮುಖ್ಯ ಅತಿಥಿಯಾದಿತ್ತೆರು. ವೇದಿಕೆಡ್  ಪ್ರಿನ್ಸಿಪಾಲ್ ರಾಯಿನ ಡಾ. ಲೀಲಾದರ್ ಡಿ. ವಿ, ಡಾ ಹರ್ಷಿತಾ ಎಂ, ಡಾ ಕವಿತಾ, ಸ್ವಸ್ಥವೃತ ವಿಭಾಗ ಪ್ರಾದ್ಯಪಕೆರಾಯಿನ ಡಾ ಜಯವಾಣಿ ಲೀಲಾಧರ್, ಉಪಸ್ಥಿತರಿತ್ತೆರು.

ಸಭಾ ಕಾರ್ಯಕ್ರಮದ ಬೊಕ್ಕ ಪ್ರಾಂಶುಪಾಲೆರಾಯಿನ ಡಾ ಲೀಲಾಧರ್, NSS ಯೋಜನಾಧಿಕಾರಿ ಡಾ ಪ್ರಮೋದ್ ಪಿ ಎ, ಸಂಸ್ಥೆದ  ಭೋದಕ, ಭೋದಕೇತರ ಸಿಬ್ಬಂದಿಲೆಡ್ದ್, ವಿದ್ಯಾರ್ಥಿಲೆಡ್ದ್  ಕಾಲೆಜಿದ ಅಂಗಣೊಡ್ ಯೋಗ ಪ್ರಾತ್ಯಕ್ಷಿತೆ ನಡತುಂಡ್.

ಅಂತರ್ ರಾಷ್ಟ್ರೀಯ ಯೋಗ ದಿನಾಚರಣೆದ  ಪ್ರಯುಕ್ತ ಸಂಸ್ಥೆದ  ಬೊಕ್ಕ  ಕೆ ವಿ ಜಿ ಸಮೂಹ ವಿದ್ಯಾಸಂಸ್ಥೆಲೆನ ವಿದ್ಯಾರ್ಥಿಲೆಗ್ ಬೇತೆ ಬೇತೆ ಪಂತೊಲೆನ್  ಆಯೋಜನೆ ಮಲ್ದುಂಡ್. ವಿಜೇತೆರೆಗ್  ಇನಾಮುನ್  ಕೊರಿಯೆರ್.
ಈ ಸಂದರ್ಭಡ್  ಕಾಲೇಜಿದ  ಮಾತಾ  ವಿಭಾಗದ ಮುಖ್ಯಸ್ಥೆರು, ಪ್ರಾದ್ಯಾಪಕೆರು, ಸಹ ಪ್ರಾದ್ಯಾಪಕೆರು, ಭೋದಕೇತರ ಸಿಬ್ಬಂದಿ ವರ್ಗ, ಸ್ನಾತಕೋತ್ತರ ವಿದ್ಯಾರ್ಥಿಲು, ಕಲಿಕಾ ವೈದ್ಯೆರುನಕುಲು, ವಿದ್ಯಾರ್ಥಿಲು ಉಪಸ್ಥಿತರಿತ್ತೆರು.
ಕಾರ್ಯಕ್ರಮನ್  ಡಾ. ಅನುಷಾ ಎಂ ನಿರೂಪಣೆ ಮಲ್ತೆರು.