ಅ. ಭಾ. ಸಪ್ತಾಹ..

ನ.14ಡ್ದ್ 20ತಾರೀಕುಮುಟ್ಟ 71ನೇ ಅ.ಭಾ. ಸಹಕಾರ ಸಪ್ತಾಹ – ಜಯಕರ ಶೆಟ್ಟಿ ಇಂದ್ರಾಳಿ
ಉಡುಪಿ

ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಳ, ಉಡುಪಿ ಜಿಲ್ಲಾ ಸಹಕಾರಿ ಯೂನಿಯನ್, ಸಹಕಾರ ಇಲಾಖೆ ಬೊಕ್ಕ ಜಿಲ್ಲೆದ  ಬೇತೆ ಬೇತೆ  ಸಹಕಾರ ಸಂಸ್ಥೆಲೆನ  ಸಹಯೋಗಡ್  ನ.14ಡ್ದ್  20ಮುಟ್ಟ  ಜಿಲ್ಲಾ ಮಟ್ಟದ ಬೊಕ್ಕ ರಾಜ್ಯ ಮಟ್ಟದ 71ನೇ ಅಖಿಲ ಭಾರತ ಸಹಕಾರ ಸಪ್ತಾಹ ನಡಪರೆಗುಂಡ್.
ಈ ಬಗ್ಗೆ ಮಂಗಳವಾರ ಜಿಲ್ಲಾ ಸಹಕಾರಿ ಯೂನಿಯನ್ ಅಧ್ಯಕ್ಷ ಬೊಕ್ಕ ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಳದ ನಿರ್ದೇಶಕ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಸುದ್ದಿಗೋಷ್ಠಿಡ್ ವಿವರಣೆ  ಕೊರಿಯೆರು.

ಈ ಬಾರಿ ”ವಿಕಸಿತ ಭಾರತ ನಿರ್ಮಾಣಡ್  ಸಹಕಾರ ಸಂಸ್ಥೆಲೆನ  ಪಾತ್ರ” ಪನ್ಪಿನ  ಮುಖ್ಯ ವಿಷಯಡ್ ಸಪ್ತಾಹನ್  ಆಚರಣೆ ಮಲ್ಪುಂಡ್.
14ಗ್  ಸಹಕಾರ ಸಪ್ತಾಹನ್ , ”ಸಹಕಾರ ಸಚಿವಾಲಯದ ಪೊಸ  ಪ್ರಯತ್ನದ  ಮೂಲಕ ಸಹಕಾರಿ ಚಳುವಳಿನ್ ಬಲಪಡಿಸಾವುನು’ ಪನ್ಪಿನ  ಕಾರ್ಯಕ್ರಮಡ್ ಕುಂದಾಪುರದ ಮಂದಾರ್ತಿದ  ಶ್ರೀ ದುರ್ಗಾ ಸಹಕಾರ ಸೌಧದ ಶ್ರೀ ಚಾಮುಂಡೇಶ್ವರಿ ಸಭಾಂಗಣಡ್ ಶಾಸಕ ಎ. ಕಿರಣ್ ಕುಮಾರ್ ಕೊಡ್ಗಿ ಉದ್ಘಾಟನೆ ಮಲ್ಪುವೆರ್. ಸಹಕಾರಿ ಯೂನಿಯನ್ ಅಧ್ಯಕ್ಷ ಜಯಕರ ಶೆಟ್ಟಿ ಇಂದ್ರಾಳಿ ಅದ್ಯಕ್ಷತೆಡುಪ್ಪುವೆರ್.

15ಗ್  ”ಸಹಕಾರ ಸಂಸ್ಥೆಲೆನ ಅನ್ವೇಷಣೆ, ತಾಂತ್ರಿಕತೆ ಬೊಕ್ಕ ಉತ್ತಮ ಆಡಳಿತ” ಪನ್ಪಿನ  ಕಾರ್ಯಕ್ರಮನ್ ಕಾರ್ಕಳದ ಜೋಡುರಸ್ತೆದ  ರಾಜಾಪುರ ಸಭಾಭವನಡ್ ದಕ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಅಧ್ಯಕ್ಷ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಉದ್ಘಾಟನೆ ಮಲ್ಪುವೆರ್. ರಾಜಪುರ ಸಾರಸ್ವತ ಸೊಸೈಟಿದ ಅಧ್ಯಕ್ಷ ಕಡಾರಿ ರವೀಂದ್ರ ಪ್ರಭು ಅಧ್ಯಕ್ಷತೆಡುಪ್ಪುವೆರ್.
16ಗ್  ”ಉದ್ಯಮಶೀಲತೆ, ಉದ್ಯೋಗ ಬೊಕ್ಕ ಕೌಶಲಾಭಿವೃದ್ಧಿನ್  ಉತ್ತೇಜನೆ ಮಲ್ಪುನ ಸಹಕಾರ ಸಂಸ್ಥೆಲೆನ ಪಾತ್ರ” ಪನ್ಪಿನ  ರಾಜ್ಯಮಟ್ಟದ ಕಾರ್ಯಕ್ರಮ ಮಂಗಳೂರುದ ಕರಾವಳಿ ಉತ್ಸವ ಮೈದಾನಡ್, ರಾಜ್ಯ ಸಹಕಾರಿ ಸಚಿವ ಕೆ.ಎನ್.ರಾಜಣ್ಣ ಉದ್ಘಾಟನೆ ಮಲ್ಪುವೆರ್. ವಿಧಾನಸಭಾಧ್ಯಕ್ಷ ಯು.ಟಿ.ಖಾದರ್, ದಕ ಜಿಲ್ಲಾ ಉಸ್ತುವಾರಿ ಸಚಿವ ದಿನೇಶ್ ಗುಂಡುರಾವ್ ಪಾಲ್ ಪಡೆಪೆರ್.

17ಗ್ ”ಸಹಕಾರಿ ಉದ್ಯಮಲೆಡ್  ಪರಿವರ್ತನೆ” ಕಾರ್ಯಕ್ರಮ  ಬೈಂದೂರುದ  ಶ್ರೀ ಕೃಷ್ಣ ಲಲಿತಕಲಾ ಮಂದಿರಡ್  ನಡಪರೆಗಿತ್ತುದ್, ಶಾಸಕ ಗುರುರಾಜ ಗಂಟಿಹೊಳೆ ಉದ್ಘಾಟನೆ ಮಲ್ಪುವೆರ್. ಖಂಬದಕೋಣೆ ರೈತರ ಸೇವಾ ಸಹಕಾರಿ ಸಂಘದ ಅಧ್ಯಕ್ಷ ಎಸ್.ಪ್ರಕಾಶ್ಚಂದ್ರ ಶೆಟ್ಟಿ ಅಧ್ಯಕ್ಷತೆಡುಪ್ಪುವೆರ್.
18ಗ್  ”ಸಹಕಾರ ಸಂಸ್ಥೆಲೆನ ನಡುಟ್  ಸಹಕಾರನ್ಅ ಬಲ ಮಲ್ಪುನ್ ” ಪನ್ಪಿನ  ಕಾರ್ಯಕ್ರಮಡ್  ಕಾಪು ತಾಲೂಕೂದ  ಇನ್ನಂಜೆ ಸಹಕಾರ ಸೌರಭ ಸಭಾಂಗಣಡ್  ಆಯೋಜನೆ ಮಲ್ದಿತ್ತುದ್, ರಾಜ್ಯ ಸಹಕಾರ ಮರಾಟ ಮಹಾಮಂಡಳದ ನಿರ್ದೇಶಕ ದೇವಿಪ್ರಸಾದ್ ಶೆಟ್ಟಿ ಬೆಳಪು ಉದ್ಘಾಟನೆ ಮಲ್ಪುವೆರ್. ಜಯಕರ ಶೆಟ್ಟಿ ಇಂದ್ರಾಳಿ ಅಧ್ಯಕ್ಷತೆಡುಪ್ಪುವೆರ್.

19ಗ್ ‘ಮಹಿಳೆಯೆರು, ಯುವಕೆರು ಬೊಕ್ಕ ಅಬಲ ವರ್ಗಗಾದ್ ಸಹಾಕರ ಸಂಸ್ಥೆಲು” ಕಾರ್ಯಕ್ರಮ ಕುಂದಾಪುರದ ಬೆಳ್ವೆಯ ವಾಸುಕಿ ಸಭಾಭವನಡ್ ಶಾಸಕ ಕಿರಣ್ ಕುಮಾರ್ ಕೊಡ್ಗಿ ಉದ್ಘಾಟನೆ ಮಲ್ಪುವೆರ್.. ಬೆಳ್ವೆ ವ್ಯವಸಾಯ ಸೇವಾ ಸಹಕಾರ ಸಂಘದ ಅಧ್ಯಕ್ಷ ಎಸ್.ಜಯರಾಮ ಶೆಟ್ಟಿ ಅಧ್ಯಕ್ಷತೆಡುಪ್ಪುವೆರ್.
20ಗ್  ”ಸಪ್ತಾಹದ ಸಮಾರೋಪ ಸಮಾರಂಭ, ಉತ್ತಮ ‍ವಿಶ್ವ ನಿರ್ಮಾಣದ ಹಾದಿ” ಪನ್ಪಿನ ಕಾರ್ಯಕ್ರಮನ್ ಉಡುಪಿದ ಜಿಲ್ಲಾ ಕ್ರೀಡಾಂಗಣಡ್  ಆಯೋಜನೆ ಮಲ್ದಿತ್ತುದ್, ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಉದ್ಘಾಟನೆ ಮಲ್ಪುವೆರ್. ಜಯಕರ ಶೆಟ್ಟಿ ಅಧ್ಯಕ್ಷತೆಡಿತ್ತುದ್ ಸಂಸದ ಕೋಟ ಶ್ರೀನಿವಾಸ ಪೂಜಾರಿ, ಸಾಸಕ ಯಶಪಾಲ್ ಸುವರ್ಣ ಪಾಲ್ ಪಡೆವೆರ್.

ಸುದ್ದಿಗೋಷ್ಠಿಡ್  ಜಿಲ್ಲಾ ಸಹಕಾರಿ ಯೂನಿಯನ್ ನಿರ್ದೇಶಕೆರಾಯಿನ  ಕಟಪಾಡಿ ಶಂಕರ ಪೂಜಾರಿ, ಅಲೆವೂರು ಹರೀಶ್ ಕಿಣಿ, ಶ್ರೀಧರ್ ಬಿ.ಎಸ್. ಬೊಕ್ಕ ಸಿಇಓ ಅನುಷಾ ಕೋಟ್ಯಾನ್ ಉಪಸ್ಥಿತರಿತ್ತೆರು.