ಸಾಸ್ ಕಾರ್ಯಕಾರಿಣಿ ಸಭೆ

“ಸ್ವಾಮಿ ಶರಣಂ ”  11/08/2024ದಾನಿ  ಐತಾರ  ಶಬರಿಮಲೆ ಅಯ್ಯಪ್ಪ ಸೇವಾ ಸಮಾಜಂ ಜಿಲ್ಲಾ ಕಾರ್ಯಕಾರಿಣಿ ಸಭೆ ಜಿಲ್ಲಾಧ್ಯಕ್ಷೆರಾಯಿನ  ರಾಧಾಕೃಷ್ಣ ಮೆಂಡನ್ ಮೆರೆನ  ಗುರ್ಕಾರ್ಮೆಡ್  ಜಗದ್ಗುರು ಶ್ರೀ ನಿತ್ಯಾನಂದ ಮಂದಿರಡ್  ನಡತುಂಡ್. ಮಾನಾದಿಗೆದ ಗುರ್ಕಾರೆರಾಯಿನ  ಹರಿಯಪ್ಪ ಕೋಟ್ಯಾನ್ ಬೊಕ್ಕ ಗೌರವ ಸಲಹೆಗಾರೆರಾಯಿನ  ಶ್ರೀಯುತ ದಿವಾಕರ್ ಶೆಟ್ಟಿ ಕಜ್ಜೊನ್  ಉದಿಪನ ಮಲ್ತೆರು ಜಿಲ್ಲಾ ಉಪಾಧ್ಯಕ್ಷೆರಾಯಿನ  ವಿಜಯ್ ಕೊಡವೂರು ಪ್ರಾಸ್ತಾವಿಕವಾದ್  ಪಾತೆರಿಯೆರು.  ಜಿಲ್ಲಾ ಗೌರವ ಸಲಹೆಗಾರೆರಾಯಿನ ದಿವಾಕರ್ ಶೆಟ್ಟಿ ಮಹಿಳಾ ಸಾಸ್ ಜಿಲ್ಲಾಧ್ಯಕ್ಷೆರಾಯಿನ ಶ್ರೀಮತಿ ತಾರಾ ಯು ಆಚಾರ್ಯ ಮೆರೆನ್  ಮಾನಾದಿಗೆ ಮಲ್ತೆರ್. ಜಿಲ್ಲಾ ಬೊಕ್ಕ ತಾಲ್ಲೂಕು ಪದಾಧಿಕಾರಿಲು  ವಾರ್ಷಿಕ ವರದಿಲೆನ್  ಓದಿಯೆರು. ಕೋಶಾಧಿಕಾರಿ ಗಣೇಶ್ ಕೋಟ ವಾರ್ಷಿಕ ಲೆಕ್ಕ ಪತ್ರ ಮಂಡಿ ಸಾಯೆರು. ಆಕಸ್ಮಿಕವಾದ್ ಅಗತಿನ ಮಹಿಳಾ ಸಾಸ್ ಜಿಲ್ಲಾ ಕಾರ್ಯದರ್ಶಿಯಾದಿತ್ತಿನ  ಅಶ್ವಿನಿ ಶೆಟ್ಟಿ ದಂಪತಿಲೆಗ್   ಆತ್ಮಗ್ ಶಾಂತಿ ಸಿಕ್ಕರೆಗ್  ಒಂಜಿ ನಿಮಿಷದ ಮೌನ ಪ್ರಾರ್ಥನೆ ಮಲ್ತೆರ್.  25/08/2024 ಗ್  ಉಚ್ಚಿಲ ಡ್ ನಡಪರೆಗುಪ್ಪುನ  ರಾಜ್ಯ ಕಾರಿಣಿದ ಪೂರ್ವ ಸಿದ್ಧತೆದ  ಬಗ್ಗೆ ಚರ್ಚಿಸಾದ್  ಜವಾಬ್ದಾರಿಲೆನ್  ಪಟ್ಟಿಯೆರ್. ಸಾಸ್ ಸಂಘಟನೆದ  ತಾಲೂಕು ವಲಯಲೆನ್ ಬಲಪಡಿಸಾವುನ  ದಿಟ್ಟಿಡ್  ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ಸಾಸ್ ಸದಸ್ಯೆರುನಕುಲು ಸೇವಾ ಮನೋಭಾವಡ್  ಸಂಘಟನೆನ್  ಬಲ ಮಲ್ಪುನ ಕೆಲಸ ಮಲ್ಪೊಡಾತುಂಡ್ ಪಂಡೆರು.ಜಿಲ್ಲಾ ವಲಯದ ಉಪಾಧ್ಯಕ್ಷೆರು ಬೊಕ್ಕ ಪದಾಧಿಕಾರಿಲೆಗ್  ಜವಾಬ್ದಾರಿ ಕೊರಿಯೆರ್. ಈ ಸಂದರ್ಭಡ್  ಜಿಲ್ಲಾ ಉಪಾಧ್ಯಕ್ಷೆರಾಯಿನ ಗೋಪಾಲ್ ಗುರುಸ್ವಾಮಿ ಸುಂದರ್ ಗುರುಸ್ವಾಮಿ ರಾಜು ಗುರುಸ್ವಾಮಿ ವೇದಿಕೆಡ್   ಉಪಸ್ಥಿತರಿತ್ತೆರು ಜಿಲ್ಲಾ ಗೌರವಧ್ಯಕ್ಷೆರಾಯಿನ ಹರಿಯಪ್ಪ ಕೋಟ್ಯಾನ್ ಗೌರವ ಸಲಹೆಗಾರೆರಾಯಿನ ದಿವಾಕರ್ ಶೆಟ್ಟಿ ಮೊಕುಲು  ಉಪಯುಕ್ತ ಸಲಹೆ ಸೂಚನೆಲೆನ್  ಕೊರಿಯೆರು.  ಕಾರ್ಯದರ್ಶಿ ರಂಜಿತ್ ಸೊಲ್ಮೆ ಸಂದಾಯ್ತ ಮಲ್ತೆರು.