ಉಡುಪಿ ತಾಲೂಕು ಬ್ರಾಹ್ಮಣ ಮಹಾಸಭಾ (ರಿ) ನೆತ್ತ ರಜತ ಮಹೋತ್ಸವದ ಅಂಗವಾದ್ ಕರಂಬಳ್ಳಿ ವಲಯ ಬ್ರಾಹ್ಮಣ ಸಮಿತಿದ ನೇತೃತ್ವಡ್ ಕರಂಬಳ್ಳಿ ಶ್ರೀ ವೆಂಕಟರಮಣ ದೇವಸ್ಥಾನದ ಆಡಳಿತ ಮಂಡಳಿದ ಸಹಕಾರದೊಟ್ಟುಗ್ ಸಂಪನ್ಮೂಲ ವ್ಯಕ್ತಿಲಾಯಿನ ಶ್ರೀ ಶ್ರೀಕೃಷ್ಣ ಉಪಾಧ್ಯಾಯ, ಪುತ್ತೂರು ಬೊಕ್ಕ ಕುಮಾರಿ ಅಕ್ಷಯ ಗೋಖಲೆ, ಕಾರ್ಕಳ ಮೆರೆಡ್ದ್ ವಿಪ್ರ ಸಮಾಜದ ಸಂಸ್ಕೃತಿ, ಸಂಸ್ಕಾರ ,ಸಮಸ್ಯೆಲು ಬೊಕ್ಕ ಪರಿಹಾರ ಈ ವಿಷಯಡ್ ಉಪನ್ಯಾಸ ಬೊಕ್ಕ ಚರ್ಚೆ ಗೋಷ್ಠಿ ಸುಧೀರ್ಘವಾದ್ ನಡತುಂಡ್.
ಈ ಸಂದರ್ಭಡ್ ಉಪನ್ಯಾಸ ಕೊರಿನ ಗಣ್ಯೆರ್ , ರಕ್ಷಕೆರ್ ತನ್ನ ಜೋಕ್ಲೆಗ್ ಬಾಲ್ಯೊಡೇ ಎಡ್ಡೆ ಸಂಸ್ಕಾರ ಬೊಕ್ಕ ಸಂಸ್ಕೃತಿನ್ ಕೊರ್ಪಿನೇಟ್ ಸಫಲರಾಯೆರೆಡ ಇತ್ತೆ ವಿಪ್ರ ಸಮಾಜ ಎದುರಿಸಾವುನ ಲವ್ ಜಿಹಾದ್, ಮದಿಮೆದ ವಿಚ್ಛೇದನ ,ಅಂತರ್ಜಾತಿ ಮದಿಮೆ ಇಂಚಿನವ್ವೆನ್ ತಡೆಗಟ್ಟುನೇಟ್ ಸಂಶಯನೇ ಇಜ್ಜಿ ಪಂಡುದು ವಾದ ಮಂಡಿಸಾಯೆರ್.
ಮಲ್ಲ ಬಿನ್ನೆರಾದ್ ಉಡುಪಿದ ನಿಕಟ ಪೂರ್ವ ಶಾಸಕೆರಾಯಿನ ಶ್ರೀ ಕೆ ರಘುಪತಿ ಭಟ್ ಈ ಸಂದರ್ಭಡ್ ಶುಭ ಹಾರೈಸಾದ್ ವಿಪ್ರದ ಜವನೆರ್ ಹಿಂದೂ ಸಮಾಜ ಬುಲೆಪಾವರೆಗ್ ಸಹಕಾರ ಮಲ್ಪೊಡ್ ಅತ್ತಾವಂದೆ ರಾಜಕೀಯ ಕ್ಷೇತ್ರ ಬೊಕ್ಕ ಆಡಳಿತಾತ್ಮಕ ಸೇವೆಡುಲಾ ಆಸಕ್ತಿನ್ ತೋಜಾದ್ ದೇಶೊನ್ ದುಂಬು ಕನವರೆಗ್ ತಮ್ಮ ಕೌಶಲ್ಯತೆನ್ ತೋಜಾವೊಡ್ ಪಂಡೆರು.
ಉಡುಪಿ ತಾಲೂಕು ಬ್ರಾಹ್ಮಣ ಮಹಾಸಭಾ ಅಧ್ಯಕ್ಷ ಶ್ರೀ ಮಂಜುನಾಥ ಉಪಾಧ್ಯಾಯ, ಸಭೆತ್ತ ಗುರ್ಕಾರ್ಮೆಡಿತ್ತೆರ್.
ರಜತ ಮಹೋತ್ಸವದ ಕಾರ್ಯಧ್ಯಕ್ಷ ಎಂ. ಶ್ರೀ ಶ್ರೀನಿವಾಸ ಬಲ್ಲಾಳ್ ಕಾರ್ಯಕ್ರಮ ನಿರೂಪಣೆ ಮಲ್ತುದ್, ಪ್ರಸ್ತಾವನೆ ಮಲ್ತೆರ್.
ಕರಂಬಳ್ಳಿ ವಲಯ ಬ್ರಾಹ್ಮಣ ಸಮಿತಿ ಅಧ್ಯಕ್ಷ ಕೀಳಂಜೆ ಶ್ರೀ ಕೃಷ್ಣರಾಜ ಭಟ್ ಸ್ವಾಗತ ಮಲ್ತುದ್ , ಕಾರ್ಯದರ್ಶಿ ನಾಗರಾಜ ಭಟ್ ವಂದಿಸಾಯೆರ್.
ತಾಲೂಕು ಮಹಾಸಭಾದ ಪ್ರಧಾನ ಕಾರ್ಯದರ್ಶಿ ಶ್ರೀ ಸಂದೀಪ್ ಮಂಜ, ರಜತ ಮಹೋತ್ಸವದ ಕಾರ್ಯದರ್ಶಿ ಬೈಲೂರು ಜಯರಾಮ ಆಚಾರ್, ಶ್ರೀರಂಗನಾಥ ಸಾಮಗ, ಸಭೆಟ್ ಉಪಸ್ಥಿತರಿತ್ತೆರು.
by 