ಮಟ್ಟು ಶ್ರೀ ನಿತ್ಯಾನಂದ ರಾಮ ಭಜನಾ ಮಂದಿರದ ಶತಮಾನೋತ್ಸವದ ಗೌಜಿ..

ಮಟ್ಟು ಕಟಪಾಡಿ ಶ್ರೀ ನಿತ್ಯಾನಂದ ರಾಮ ಭಜನಾ ಮಂದಿರದ ಶತಮಾನೋತ್ಸವ ಸಂಭ್ರಮ ಉಂದುವೇ ಮೇ.20 ತಾರೀಕುಡ್ದ್ 22 ತಾರೀಕುಮುಟ್ಟ ನಡಪರೆಗುಂಡ್.ಮೇ 20 ತಾರೀಕುದಾನಿ ಮಧ್ಯಾಹ್ನ 2‌ಗಂಟೆಡ್ದ್ ಪೊಲಿಪು ಲಕ್ಷ್ಮೀನಾರಾಯಣ ಭಜನಾ ಮಂದಿರಡ್ದ್ ಪುದೆಕಾಣಿಕೆ ಮೆರವಣಿಗೆ ನಡಪರೆಗುಂಡ್. ಬಯ್ಯಗ್ 6 ಗಂಟೆಗ್ ಚಪ್ಪರ,ತೋರಣ,ಉಗ್ರಾಣ ಮುಹೂರ್ತ ,ಸಾಮೂಹಿಕ ಪ್ರಾರ್ಥನೆ,ರಾಕ್ಷೋಘ್ನ ಹೋಮ,ಸುದರ್ಶನ ಹೋಮ ಸೇರಿನಂಚ ಬೇತೆ ಬೇತೆ ಧಾರ್ಮಿಕ ವಿಧಿ ವಿಧಾನೊಲು ನಡಪರೆಗುಂಡ್‌

21 ತಾರೀಕುದಾನಿ ಕಾಂಡೆ 7.15 ಗ್ ವ್ರಷಭ ಲಗ್ನೊಡ್ ಬಿಂಬ ಪ್ರತಿಷ್ಠಾಪನೆ,ಕಲಶಾಭಿಷೇಕ,ಬ್ರಹ್ಮಕುಂಭಾಭಿಷೇಕ,ಶಿಖರಪ್ರತಿಷ್ಠೆ,ಅಲಂಕಾರ ಪೂಜೆ,ಶ್ರೀ ಸತ್ಯನಾರಾಯಣ ಪೂಜೆ,ಮಹಾಪೂಜೆ,ಪಲ್ಲಪೂಜೆ,ಸಾರ್ವಜನಿಕ ಮಹಾಅನ್ನಸಂತರ್ಪಣೆ,ನಡಪರೆಗುಂಡ್.ಮಧ್ಯಾಹ್ನ ಶ್ರೀ ಕಸ್ತೂರಿ ಮಹಾಲಕ್ಷ್ಮೀ ಮಂದಿರ ಮಟ್ಟು ಮೊಕ್ಕೆಡ್ದ್ ಭಜನಾ ಸಂಕೀರ್ತನೆ ನಡಪರೆಗುಂಡ್.ಬಯ್ಯಗ್ 5 ಗಂಟೆಗ್ ಭಜನಾ ಮಂದಿರದ ಉದ್ಘಾಟನೆ,ದೀಪ ಪ್ರಜ್ವಲನೆ, ನಡಪರೆಗುಂಡ್ ಬಯ್ಯಗ್ 6.45 ಗ್ ವಾರ್ಷಿಕ ಮಂಗಳೋತ್ಸವದ ಕಲಶ ಪ್ರತಿಷ್ಠೆ,ಮಂದಿರದ ಸದಸ್ಯೆರೆಡ್ದ್ ಬೊಕ್ಕ ಊರ,ಪರವೂರ್ದ ಭಜನಾ ತಂಡದಕ್ಲೆಡ್ದ್ ಭಜನಾ ಸಂಕೀರ್ತನೆ ನಡಪರೆಗುಂಡ್.22 ತಾರೀಕುದಾನಿ ಕಾಂಡೆ ಸೂರ್ಯೋದಯಗ್ ಭಜನಾ ಮಂಗಲೋತ್ಸವ ನಡಪರೆಗುಂಡ್.

ಆನಿ ಬಯ್ಯಗ್ 6 ಗಂಟೆಗ್ ಕೈತಲುದ ಜೋಕುಲೆಡ್ದ್ ನ್ರತ್ಯ ವೈವಿಧ್ಯ ನಡಪರೆಗುಂಡ್.7 ಗಂಟೆಗ್ ಧಾರ್ಮಿಕ, ಸಾಂಸ್ಕೃತಿಕ ಸಭಾ ಕಜ್ಜೊ ,ಶತಮಾನೋತ್ಸವ ಸಂಭ್ರಮ- 2023 ತ್ತ ಉದ್ಘಾಟನೆ ನಡಪರೆಗುಂಡ್.ರಾತ್ರೆ 9 ಗಂಟೆಗ್ ಸಾಂಸಾರಿಕ ತುಳುಹಾಸ್ಯ ನಾಟಕ ಲಯನ್ ಶ್ರೀ ಕಿಶೋರ್ ಡಿ.ಶೆಟ್ಟಿ ನಿರ್ಮಾಣ,ನಿರ್ದೇಶನದ ಅವುದಾಲಾಪುಜಿ ನಾಟಕ ನಡಪರೆಗುಂಡ್.ಈ ಮಾತಾ ಧಾರ್ಮಿಕ ಸಾಂಸ್ಕೃತಿಕ ಕಜ್ಜೊಲೆಡ್ ಭಕ್ತಾಧಿಲು ಪಾಲ್ ಪಡೆದ್ ಶ್ರೀ ರಾಮ ನಿತ್ಯಾನಂದ ದೇವೆರೆನ ಕ್ರಪೆಕ್ ಪಾತ್ರರಾವೊಡ್ ಪಂಡುದ್ ಮಂದಿರದ ಆಡಳಿತ ಸಮಿತಿ,ಜೀರ್ಣೋದ್ಧಾರ ಸಮಿತಿ,ಮಹಿಳಾ ಸಮಿತಿದಕುಲು ಬಿನ್ನಪ ಮಲ್ತುದೆರ್.