ಅತಿರುದ್ರ ಮಹಾಯಾಗದ, ನಾಲನೇ ದಿನ

ಶಿವಪಾಡಿದ ಶ್ರೀ ಉಮಾಮಹೇಶ್ವರ ದೇವಸ್ಥಾನಡ್ ಫೆಬ್ರವರಿ 22, 2023 ಡ್ದ್ ನಡತೊಂದುಪ್ಪುನ ಅತಿರುದ್ರ ಮಹಾಯಾಗದ, ನಾಲನೇ ದಿನ ಫೆಬ್ರ ವರಿ 25, 2023 ಶನಿವಾರದಾನಿ ಕಾಂಡೆ ಅತಿರುದ್ರ ಯಾಗಮಂಟಪಡ್ ಋತ್ವಿಜೆರೆಡ್ದ್ ಮಹಾನ್ಯಾಸಪೂರ್ವಕ ಶ್ರೀ ರುದ್ರ ಪುರಶ್ಚರಣ ನಡತುಂಡ್.

ಅಷ್ಟೋತ್ತರಸಹಸ್ರ ನಾಳಿಕೇರ ಗಣಯಾಗ ಸುರುವಾದಿತ್ತುದ್, ಗಣಯಾಗದ ಪೂರ್ಣಾಹುತಿ, ಬ್ರಹ್ಮಚಾರಿ ಆರಾಧನೆ, ಕನ್ನಿಕಾ ಆರಾಧನೆ, ದಂಪತಿ ಪೂಜೆ, ಆಚಾರ್ಯ ಪೂಜೆ, ಶ್ರೀ ದೇವರೆಗ್ ಮಹಾಪೂಜೆ, ಮಹಾಸಂತರ್ಪಣೆ ನಡಪರೆಗುಂಡ್. ಈ ಸಂದರ್ಭಡ್ ಅತಿರುದ್ರ ಮಹಾಯಾಗ ಸಮಿತಿದ ಅಧ್ಯಕ್ಷೆರಾಯಿನ ಶಾಸಕ ಕೆ. ರಘುಪತಿ ಭಟ್ ಬೊಕ್ಕ ಶಿವಪಾಡಿ ಶ್ರೀ ಉಮಾಮಹೇಶ್ವರ ದೇವಸ್ಥಾನ ಅಭಿವೃದ್ಧಿ ಟ್ರಸ್ಟ್ ದ ಅಧ್ಯಕ್ಷೆರಾಯಿನ ಮಹೇಶ್ ಠಾಕೂರ್ ಉಪಸ್ಥಿತರಿತ್ತೆರು. ಕಾಂಡೆಡ್ದ್ ಸಾರ ಭಕ್ತಾದಿಲು ದೇವಸ್ಥಾನಗ್ ಬತ್ತುದ್, ಅತಿರುದ್ರ ಮಹಾಯಾಗಡ್ ಪಾಲ್ ಪಡೆಯೊಂದುಲ್ಲೆರ್.

ಶೃಂಗೇರಿ ಶಾರದಾ ಪೀಠಾಧೀಶ್ವರ ಶ್ರೀಮಜ್ಜಗದ್ಗುರು ಶಂಕರಾಚಾರ್ಯ ಶ್ರೀ ಭಾರತೀತೀರ್ಥ ಮಹಾಸ್ವಾಮಿಲೆನ ಆಶೀರ್ವಾದ ಬೊಕ್ಕ ನೇತೃತ್ವದೊಟ್ಟುಗ್ ಫೆಬ್ರವರಿ 22, 2023 ದಾನಿ ಸುರುವಾಯಿನ ಅತಿರುದ್ರ ಮಹಾಯಾಗ ಮಾರ್ಚ್ 05, 2023 ಮುಟ್ಟ ನಡಪರೆಗುಂಡ್. 121 ಋತ್ವಿಜರ ನೇತೃತ್ವಡ್ 11 ಕುಂಡಲೆಡ್ ನಿರಂತರವಾದ್ ಯಾಗ ನಡಪರೆಗುಂಡ್.