ಪರ್ಯಾಯ ವಿಶ್ವಾರ್ಪಣಮ್ ಕಜ್ಜೊಡ್ ಸಾಧಕೆರೆಗ್ ಮಾನಾದಿಗೆ.

ಉಡುಪಿ ಶ್ರೀ ಕೃಷ್ಣ ಮಠೊಟಗ್ ಪರ್ಯಾಯ ಶ್ರೀ ಅದಮಾರು ಮಠದ ಪರ್ಯಾಯ ಮಂಗಲೋತ್ಸವದ ‘ವಿಶ್ವಾರ್ಪಣಮ್’ ಸಮಾರಂಭಡ್ ,ಪರ್ಯಾಯ ಪೀಠಾಧೀಶೆರಾಯಿನ ಶ್ರೀ ಈಶಪ್ರಿಯತೀರ್ಥ ಶ್ರೀಪಾದೆರು, ಶ್ರೀಅದಮಾರು ಮಠದ ಶಿಕ್ಷಣ ಸಂಸ್ಥೆದ ಹಣಕಾಸು ಸಲಹೆಗಾರೆರಾಯಿನ ಪಿ.ಶ್ರೀನಿವಾಸ ರಾವ್,ಬೆಂಗಳೂರು, ಶ್ರೀಕೃಷ್ಣ ಮಠೊಟ್ ದೀರ್ಘ ಕಾಲ ಸೇವೆ ಸಲ್ಲಿಸಾವೊಂದುಪ್ಪುನ ಕೋಟೇಶ್ವರ ಕೆ.ಆರ್.ಪ್ರಸಾದ ಕಲ್ಕೂರ ಬೊಕ್ಕ ಅಂಚೆ ಪೇದೆಯಾದುಪ್ಪುನ ನರಸಿಂಹ ನಾಯಕ್ ರೆಗ್ ಮಾನಾದಿಗೆ ಮಲ್ತುದ್ ,ಜೀವನೊಡ್ ಪ್ರಯತ್ನ ಪನ್ಪಿನ ಮಥನೊನ್ ನಡಪಾಂಡ ಮಾತ್ರ ಸಾಧನೆ ಪನ್ಪಿನ ಅಮೃತತ್ವನ್ ಪಡೆಯೆರೆಗ್ ಸಾಧ್ಯ ಪಂಡುದ್ ಮಾತೆರ್ಲಾ ತೆರಿಯೊನೊಡ್ ಪಂಡುದ್ ಅನುಗ್ರಹ ಮಲ್ತೆರ್.ಶ್ರೀಸೋಲೂರು ಆರ್ಯ ಈಡಿಗ ಮಹಾಸಂಸ್ಥಾನದ ಶ್ರೀ ವಿಖ್ಯಾತಾನಂದ ಸ್ವಾಮೀಜಿ ಮೇರು ಮಾತೆರ್ಲಾ ಸಮಾನತೆನ್ ಸಾಧಿಸಾವೊಡ್ ಪಂಡುದ್ ಹಾರೈಸಿಯೆರ್.
ಖ್ಯಾತ ಅಂಕಣಕಾರೆರಾಯಿನ ರೋಹಿತ್ ಚಕ್ರತೀರ್ಥ ಮೇರು “ಶಿಕ್ಷಣ ವಿಮರ್ಶೆ,ಜೋಕ್ಲೆಗ್ ಇಂಚಿನ ಶಿಕ್ಷಣ ಕೊರೊಡ್ ಪನ್ಪಿನ ಬಗ್ಗೆ ವಿಶೇಷ ಉಪನ್ಯಾಸ ಕೊರಿಯೆರ್.ಅಭ್ಯಾಗತರ್ ಕಟೀಲು ಕ್ಷೇತ್ರದ ಅನುವಂಶಿಕ ಅರ್ಚಕೆರಾಯಿನ ಕಮಲಾದೇವಿಪ್ರಸಾದ ಅಸ್ರಣ್ಣ ಪಾಲ್ ಪಡೆದಿತ್ತೆರ್.