ಪರ್ಯಾಯ ಪೀಠೊಡ್ ಜತ್ತಿನ ಬೆರಿಕೇ ಸಾಮಾಜಿಕ ಸ್ಪಂದನೆಗ್ ಪಿದಾಡಿನ ಅದಮಾರು ಶ್ರೀ..

ಪರ್ಯಾಯದ ಬೆರಿಕೇ ಪರಿವರ್ತನೆ…
ಪರ್ಯಾಯ ಪೀಠಾರೋಹಣ ಮಲ್ತುದ್ ಕರಿನ 2 ವರ್ಷ ಕಾಲ ಉಡುಪಿ ಶ್ರೀಕೃಷ್ಣನ ಪೂಜಾ ಕೈಂಕರ್ಯದ ಒಟ್ಡುಗ್ ಸಮಾಜ ಜಾಗೃತಿ ಬೊಕ್ಕ ಸಾಮಾಜಿಕ ಸೇವಾ ಚಟುವಟಿಕೆಲೆಡ್ ಮಗ್ನರಾತೆರ್ ಅದಮಾರು ಮಠದ ಕಿರಿಯ ಯತಿಕುಲಾಯಿನ ಶ್ರೀ ಶ್ರೀ ಈಶಪ್ರೀಯ ತೀರ್ಥೆರು. ಇನಿ ಜನವರಿ 18 ತಾರೀಕುದಸನಿ ಪುಲ್ಯೆರೆ ಶ್ರೀಕೃಷ್ಣನ ಪೂಜೆಡ್ ಬೊಕ್ಕ ಪರಂಪರೆದಲೆಕ್ಕ ಕೃಷ್ಣಾಪುರ ಮಠದ ಯತಿಕುಲೆಗ್ ಪೂಜಾದಿ ಮಠದ ಜಬಾದಾರಿನ್ ಹಸ್ತಾಂತರ ಮಲ್ತುದ್ ಸಮಾಜದ ಪ್ರತ್ಯಕ್ಷ ಕಾರ್ಯೊಗ್ ಜತ್ತುದಿನ ವಿಶೇಷ.

ಇನಿ ಮಧ್ಯಾಹ್ನ ಮಣಿಪಾಲದ ಕೈತಲುದ ನೇತಾಜಿ ನಗರದ ಉಪೇಕ್ಷಿತ ಕಾಲೋನಿಗ್ ಭೇಟಿ ಕೊರ್ದ್ ಮಾತಾ ಭಗಿನಿಯೆರು. ಸಜ್ಜನ ಬಂಧುಲು ಬೊಕ್ಕ ಜೋಕ್ಲೆನ ಯೋಗಕ್ಷೇಮ ವಿಚಾರ ಮಲ್ತೆರ್. ಶ್ರೀಕೃಷ್ಣನ ನಾಮ ಜಪದ ಬೋಧನೆ ಬೊಕ್ಕ ಧಾರ್ಮಿಕ ಪ್ರವಚನ ಕೊರ್ದ್, ಶ್ರೀಕೃಷ್ಣನ ಪ್ರಸಾದ ಕೊರಿಯೆರ್.
ಇಲ್ಲ ಇಲ್ಲಗ್ ಭೇಟಿ ಕೊರ್ದ್ ಯೋಗಕ್ಷೇಮ ವಿಚಾರಣೆ ಮಲ್ತೆರ್.
ಈ ಮೂಲಕ ಉಡುಪಿ ಶ್ರೀ ಕೃಷ್ಣ ಮಠದ ಸಾಮಾಜಿಕ ಸ್ಪಂದನೆದ 500 ವರ್ಷದ ಸಂಪ್ರದಾಯಗ್ ಸಾಕ್ಷಿಯಾಯೆರ್.
ಜಿಲ್ಲಾ ಸಂಘಚಾಲಕೆರಾಯಿನ ಡಾ. ನಾರಾಯಣ ಶೆಣೈ, ಜಿಲ್ಲಾ ಸಾಮರಸ್ಯ ಪ್ರಮುಖೆರಾಯಿನ ಶ್ರೀ ರವಿ ಅಲೆವೂರು, ಧರ್ಮ ಜಾಗರಣ ಪ್ರಮುಖೆರಾಯಿನ ಆಶೋಕ ಪರ್ಕಳ, ಸೇವಾ ಪ್ರಮುಖೆರಾಯಿನ ಭಾಸ್ಕರ್ ಮಣಿಪಾಲ ಉಪಸ್ಥಿತರಿತ್ತೆರ್.