ಪರ್ಯಾಯ ಅದಮಾರು ಶ್ರೀ ಕ್ಲೆನ ದೀಕ್ಷಾ ಸಮಾಪನ:ಡಿ.5ಡ್ದ್ 26‌ಮುಟ್ಟ “ವಿಶ್ವಾರ್ಪಣ”.

ಪರ್ಯಾಯ ಅದಮಾರು ಶ್ರೀ ಈಶಪ್ರಿಯ ತೀರ್ಥ ಶ್ರೀ ಪಾದೆರೆನ‌ ಸುರುತ್ತ ಪರ್ಯಾಯ ದೀಕ್ಷಾ ಸಮಾಪನ “ವಿಶ್ವಾರ್ಪಣ” ಕಾರ್ಯಕ್ರಮ ಡಿಸೆಂಬರ್ 5 ತಾರೀಕುಡ್ದ್ 26 ಮುಟ್ಟ ರಾಜಾಂಗಣೊಡ್ ಸಂಪನ್ನ ಆವರೆಗುಂಡ್. .ಕಾರ್ಯಕ್ರಮೊಡ್ ಸುಮಾರು 80 ಮಂದಿ ಸಾಧಕರೆನ್ ಮಾನಾದಿಗೆ ಮಲ್ಪರೆಗಿತ್ತುದ್,ವಿಶೇಷ ಸಂಪನ್ಮೂಲ ವ್ಯಕ್ತಿಲೆಡ್ದ್ ಉಪನ್ಯಾಸ ಕಾರ್ಯಕ್ರಮ ಏರ್ಪಡಿಸಾದೆರ್.
ಡಿಸೆಂಬರ್ 5 ಡ್ದ್ ಬೈಯಗ್ 4 ಗಂಟೆಗ್ ಅದಮಾರು ಮಠದ ಹಿರಿಯ ಯತಿಕುಲಾಯಿನ ಶ್ರೀ ವಿಶ್ವಪ್ರಿಯ ತೀರ್ಥ ಶ್ರೀ ಪಾದೆರು ಉದಿಪನ ಮಲ್ಪರೆಗುಲ್ಲೆರ್.,ಪರ್ಯಾಯ ಅದಮಾರು ಶ್ರೀ ಈಶಪ್ರಿಯ ತೀರ್ಥ ಶ್ರೀ ಪಾದೆರು ಅಧ್ಯಕ್ಷತೆಡಿಪ್ಪುವೆರ್.ಉಡುಪಿ ಶಾಸಕೆರಾಯಿನ ರಘುಪತಿ ಭಟ್,ಕರ್ನಾಟಕ ಬ್ಯಾಂಕ್ ಎಮ್.ಡಿ.ಮಹಾಬಲೇಶ್ವರ ಭಟ್ ಎಮ್.ಎಸ್., ಕೆನರಾ ಬ್ಯಾಂಕ್ ಕಾರ್ಯನಿರ್ವಾಹಕ ನಿರ್ದೇಶಕಿ ಮಣಿಮೇಖಲೈ,ಬೊಕ್ಕ ಸಾಮಾಜಿಕ ಚಿಂತಕೆರಾಯಿನ ಕಿರುತೆರೆ ನಟ ಎಸ್.ಎನ್.ಸೇತುರಾಮ್ ಪಾಲ್ ಪಡೆಯರೆಗುಲ್ಲೆರ್.ಆನಿ ಬೈಯಗ್ 7 ಗಂಟೆಗ್ ಸಾಂಸ್ಕೃತಿಕ ಕಾರ್ಯಕ್ರಮೊಡ್ ಪ್ರಸಿದ್ಧ ಹಿಂದೂಸ್ಥಾನಿ ಗಾಯಕೆರಾಯಿನ ಪಂಡಿತ್ ವೆಂಕಟೇಶ್ ಕುಮಾರ್ ಧಾರವಾಡ, ಮೆರೆನ ಹಿಂದೂಸ್ಥಾನಿ ಶಾಸ್ತ್ರೀಯ ಸಂಗೀತ ನಡಪರೆಗುಂಡ್.6 ತಾರೀಕಿಗ್ ಸೋಮವಾರ ಖ್ಯಾತ ಅಂಕಣಕಾರೆರಾಯಿನ ಚಕ್ರವರ್ತಿ ಸೂಲಿಬೆಲೆ ಮೇರು “ಹಿಂದೂ ಅಸ್ಮಿತೆ” ವಿಶೇಷ ಉಪನ್ಯಾಸ ಕೊರ್ರೆಗುಲ್ಲೆರ್. ಆ ಕಾರ್ಯಕ್ರಮೊಡ್ ಶ್ರೀ ಕ್ಷೇತ್ರ ಕಟೀಲುದ ಅನುವಂಶಿಕ ಮೊಕ್ತೇಸರರಾಯಿನ ಶ್ರೀ ವಾಸುದೇವ ಅಸ್ರಣ್ಣ ಬೊಕ್ಕ ಅನುವಂಶಿಕ ಅರ್ಚಕೆರಾಯಿನ ವೆಂಕಟರಮಣ ಅಸ್ರಣ್ಣ ಬೊಕ್ಕ ಸನತ್ ಕುಮಾರ್ ಶೆಟ್ಟಿ ಪಾಲ್ ಪಡೆಯರೆಗುಲ್ಲೆರ್.ಡಿಸೆಂಬರ್ 12‌ ಡ್ದ್ 14 ಮುಟ್ಟ ರಾಜ್ಯಮಟ್ಟದ ದೇಶೀ ಗೋಪಾಲಕ, ಕ್ರಷಿಕ ಬೊಕ್ಕ ಗೋಉತ್ಪನ್ನ ತಯಾರಕೆರೆನ ಸಮ್ಮೇಳನ ರಾಜಾಂಗಣದ ಶ್ರೀ ನರಹರಿತೀರ್ಥ ವೇದಿಕೆಡ್ ನಡಪರೆಗುಂಡ್.ಕರ್ನಾಟಕ ಸರಕಾರದ ಪಶುಸಂಗೋಪನಾ ಸಚಿವೆರಾಯಿನ ಶ್ರೀ ಪ್ರಭು ಚವ್ಹಾಣ್ ಮೇರು ಸಮ್ಮೇಳನದ ಉದ್ಘಾಟನೆ ಮಲ್ಪರೆಗುಲ್ಲೆರ್.ಶ್ರೀ ಶ್ರೀ ಈಶಪ್ರಿಯತೀರ್ಥ ಶ್ರೀ ಪಾದೆರೆನ ಅಧ್ಯಕ್ಷತೆಡ್ ನಡಪುನ ಈ ಕಾರ್ಯಕ್ರಮೊಡ್ ಶಾಸಕರಾಯಿನ ರಘುಪತಿ ಭಟ್,ಶ್ರೀ ಶ್ರೀನಿವಾಸ ಮಾನೆ,ಉದ್ಯಮಿಲಾಯಿನ ಡಾ| ಜಿ.ಶಂಕರ್,ದ.ಕ.ಜಿಲ್ಲಾ ಹಾಲು ಉತ್ಪಾದಕರ ಮಹಾಮಂಡಲದ ಅಧ್ಯಕ್ಷರಾಯಿನ ರವಿರಾಜ ಹೆಗ್ಡೆ, ತಿರುಪತಿ ತಿರುಮಲ ದೇವಸ್ಥಾನದ ನಿವ್ರತ್ತ ಸದಸ್ಯೆರಾಯಿನ ಶ್ರೀ ಕೋಳಿ ಶೆಟ್ಟಿ ಶಿವಕುಮಾರ್, ಗೋಸೇವಾ ಗತಿವಿಧಿತ ಕರ್ನಾಟಕ ಪ್ರಾಂತ ಸಂಯೋಜಕೆರಾಯಿನ ಶ್ರೀ ಪ್ರವೀಣ ಸರಳಾಯ,ಶಕ್ತಿ ದರ್ಶನ ಯೋಗಾಶ್ರಮ ಕಿನ್ನಿಗೋಳಿದ ಯೋಗಾಚಾರ್ಯ ಶ್ರೀ ಪ್ರವೀಣ ಸರಳಾಯರು ಬೊಕ್ಕ ಶ್ರೀ ಬಿ.ದೇವದಾಸ ರಾವ್ ಮುಖ್ಯ ಅತಿಥಿಲಾದುಪ್ಪುವೆರ್.
ಮಧ್ಯಾಹ್ನ 10.30‌ ಡ್ದ್ 11.30 ಮುಟ್ಟ ಗೋಚಿಕಿತ್ಸೆದ ಬಗ್ಗೆ ಕರ್ನಾಟಕ ಉತ್ತರ ಪ್ರಾಂತ ಗೋಚಿಕಿತ್ಸಾ ಪ್ರಮುಖ್ ಶ್ರೀ ರಾಮು ಗಟ್ಕೋಡಿ ಬೊಕ್ಕ ದಕ್ಷಿಣ ಪ್ರಾಂತ ಗೋಚಿಕಿತ್ಸಾ ಪ್ರಮುಖ್ ಶ್ರೀ ಈಶ್ವರ ನಂಜನಗೂಡು ಉಪನ್ಯಾಸ ಕೊರ್ಪೆರ್. 2.30‌ ಗಂಟೆಡ್ದ್ 3.30 ಮುಟ್ಟ ದೇಶಿ ಗೋತಳಿ ,ಗೋಪಾಲನೆ ಸಂವರ್ಧನೆ ಬೊಕ್ಕ ಆಯುರ್ವೇದ ಡ್ ಪಂಚಗವ್ಯದ ಬಗ್ಗೆ ಗುಂಪು ಚರ್ಚೆ ನಡಪರೆಗುಂಡ್.
ಡಿಸೆಂಬರ್ 13‌ ತಾರೀಕುಡ್ದ್ ಸೋಮವಾರ ಗೋಪಾಲಕರ ಸಮಾವೇಶ ನಡಪರೆಗುಂಡ್. 14‌ ತಾರೀಕುಡ್ದ್ 26‌ ಮುಟ್ಟ ವಿಶೇಷ ಕಾರ್ಯಕ್ರಮೊಲು, ಆರೋಗ್ಯ ಶಿಬಿರೊಲು,ಸಾಂಸ್ಕ್ರತಿಕ ವೈವಿಧ್ಯ,ಭರತನಾಟ್ಯ, ಯಕ್ಷಗಾನ ನಡಪರೆಗಿತ್ತುದ್,26 ತಾರೀಕುದಾನಿ ಸಮಾರೋಪ ಕಾರ್ಯಕ್ರಮ ನಡಪರೆಗುಂಡ್ ಪಂಡುದ್ ಪರ್ಯಾಯ ಕ್ರಷ್ಣ ಮಠದ ವ್ಯವಸ್ಥಾಪಕರಾಯಿನ ಗೋವಿಂದರಾಜು ಸುದ್ದಿಗೋಷ್ಠಿಡ್ ತೆರಿಪಾದೆರ್.