ಆದಿಶಕ್ತಿ ಕ್ಷೇತ್ರೊಡ್ ಏಕಕಾಲ ಶ್ರೀಚಕ್ರ ಮಂಡಲಪೂಜೆ.

ಉಡುಪಿ ದೊಡ್ಡಣ್ಣ ಗುಡ್ಡೆದ ಶ್ರೀಚಕ್ರ ಪೀಠ ಸುರಪೂಜಿತೆ ಶ್ರೀ ದುರ್ಗಾ ಆದಿಶಕ್ತಿ ಕಾರಣಿಕ ಕ್ಷೇತ್ರೊಡ್ ಉಂದುವೇ ಸೆಪ್ಟೆಂಬರ್ ತಾರೀಕು 27 ಬುಧವಾರದಾನಿ ಏಕಕಾಲ ಶ್ರೀ ಚಕ್ರ ಮಂಡಲ ಪೂಜೆ ನಡಪರೆಗುಂಡ್.
ಕ್ಷೇತ್ರದ ಧರ್ಮದರ್ಶಿ ಶ್ರೀಯುತ ಶ್ರೀ ಶ್ರೀ ರಮಾನಂದ ಗುರೂಜಿ ಮಾರ್ಗದರ್ಶನೊಡ್ ಕೃಷ್ಣಮೂರ್ತಿ ತಂತ್ರಿಲೆನ ನೇತೃತ್ವಡ್ ನಡಪರೆಗುಂಡ್.
ಶ್ರೀ ಚಕ್ರ ಪೀಠ ಸುರಪೂಜಿತೆನ ಸನ್ನಿಧಾನೆ್ ಈ ಮಹಾನ್ ಪೂಜೆ ಬಯ್ಯಗ್ 5 ಗಂಟೆಗ್ ಸುರುವಾಪುಂಡ್.
ಪೂಜೆದ ಅಂಗವಾದ್ ಬ್ರಾಹ್ಮಣ ಸುವಾಸಿನಿ ಕನ್ನಿಕಾರಾದನೆ ನಡಪುಂಡ್.
ಬೇತೆ ಬೇತೆ ಪೂತ ಅಲಂಕೃತವಾಯಿನ ಮಂಟಪೊಡ್ ಕಾಂಡೆದ ಸುಮುಹೂರ್ತ ಡ್ ಚತುರ್ ವಿಂಷತಿ ನಾಳಿಕೇರ ಗಣ ಯಾಗ ಬೊಕ್ಕ ಶ್ರೀಚಕ್ರ ಮಂಡಲ ರಚನೆಗ್ ಬಿಂದು ಪ್ರಕ್ರಿಯೆ ನಡಪರೆಗುಂಡ್.
ಮಧ್ಯಾಹ್ನ ಬೊಕ್ಕ ರಾತ್ರೆಗ್ ಅನ್ನಪ್ರಸಾದ ವಿತರಣೆಯಾಪುಂಡ್.
ವಿಶೇಷ ಆಕರ್ಷಣೆಯಾದ್ ಅಷ್ಟಾವಧಾನ ಸೇವೆಡ್ ನೃತ್ಯ ಸೇವೆ ಬೊಕ್ಕ ಸುಬ್ರಮಣ್ಯಕಾರಂತ ಬೊಕ್ಕ ಬಳಗದಕ್ಲೆಡ್ದ್ ವೇದಪಾರಾಯಣ ಸಂಕೀರ್ತನೆ ನಾಗೇಂದ್ರ ಕುಡುಪು ಅರೆಡ್ದ್ ನಾದ ಸೇವೆ ಮುರಳಿದರ ಮುದ್ರಾಡಿ ಬೊಕ್ಕ ತಂಡದಕ್ಲೆಡ್ದ್ ನಾದಸ್ವರ ವಾದನ
ಸಂಪನ್ನ ಆವರೆಗುಂಡ್. ಪಂಡುದು ಕ್ಷೇತ್ರ ಉಸ್ತುವಾರಿ ಶ್ರೀಮತಿ ಕುಸುಮ ನಾಗರಾಜ ತೆರಿಪಾದೆರ್.