ಅಖಿಲ ಭಾರತೀಯ ಸಂತ ಸಮಿತಿ ರಚನೆ..ಧರ್ಮದ ಜಾಗ್ರತಿ ಪುಟ್ಟಾವುನ ಕಜ್ಜೊ..

ಅಖಿಲ ಭಾರತೀಯ ಸಂತ ಸಮಿತಿ ಕರ್ನಾಟಕ ಸಮಿತಿದ ದುಂಬುದ ಕಾರ್ಯಕ್ರಮ ಯೋಜನೆದ ಬಗ್ಗೆ ಮೇ 25 ತಾರೀಕುದಾನಿ ಬುಧವಾರ ಪತ್ರಿಕಾಗೋಷ್ಠಿ ಮಂಗಳೂರುದ ಪ್ರೆಸ್ ಕ್ಲಬ್ ಡ್ ನಡತುಂಡ್.

ಕರ್ನಾಟಕ ರಾಜ್ಯದ ಪ್ರತಿಯೊಂಜಿ ಜಿಲ್ಲೆಡುಪ್ಪುನ ಮಠ ಮಂದಿರಲೆನ್ ಒಟ್ಟು ಸೇರಾದ್ ಮಠಾಧೀಶೆರೆನ್ ಸೇರ್ಪಾದ್ ಸಮಿತಿ ಮಲ್ತುದ್ ಸಮಿತಿದ ಮುಖೇನ ದೇಶೊಡ್ ಧರ್ಮ ಜಾಗ್ರತಿ ಪುಟ್ಟಾವುನ ಕಜ್ಜೊನ್ ಮಲ್ಪುನ ತೀರ್ಮಾನೊನ್ ಸಮಿತಿ ದೆತೊಂದುಂಡ್ ಪಂಡುದ್ ಸಂತ ಸಮಿತಿದ ರಾಜ್ಯ ಪ್ರಮುಖೆರಾಯಿನ ಸ್ವಾಮಿ ಓಂ ಶ್ರೀ ವಿದ್ಯಾನಂದ ಸರಸ್ವತಿ ಮೇರ್ ಪತ್ರಿಕಾಗೋಷ್ಠಿಡ್ ತೆರಿಪಾಯೆರ್.

ಈ ಪೊರ್ತುಡ್ ಉಡುಪಿ ಶಂಕರಪುರ ದ್ವಾರಕಾಮಾಯಿ ಮಠತ ಮಠಾಧೀಶೆರಾಯಿನ ಸಾಯಿ ಈಶ್ವರ್ ಗುರೂಜಿ ಪಾತೆರ್ದ್ ಹಿಂದೂ ಧರ್ಮದ ಸಂಸ್ಕ್ರತಿ, ಸಂಪ್ರದಾಯದ ಬಗ್ಗೆ ಹಿಂದೂ ಧರ್ಮೀಯೆರೆಗ್ ವ್ಯಯಕ್ತಿಕವಾದ್ ತೆರಿಪಾವುನ ಬೇಲೆನ್ ಸಮಿತಿ ಮಲ್ತೊಂದುಂಡ್ ಪಂಡುದ್ ತೆರಿಪಾಯೆರ್.

ಪತ್ರಿಕಾಗೋಷ್ಠಿಡ್ ಓಂ ಶ್ರೀ ಮಠದ ಶಿವಜ್ಞಾನ ಮಹೀ ಮೂಡಬಿದ್ರೆ,ಶ್ರೀ ಜೈನ ಮಠಾಧೀಶೆರಾಯಿನ ಸ್ವಸ್ತಿ ಶ್ರೀ ಭಟ್ಟಾರಕ ಚಾರುಕೀರ್ತಿ ಪಂಡಿತಾಚಾರ್ಯ ವರ್ಯ ಸ್ವಾಮೀಜಿ, ಉಪಸ್ಥಿತರಿತ್ತೆರ್..