ಅತಿರುದ್ರ ಮಹಾಯಾಗದ, ಆಜನೇ ದಿನ

ಶಿವಪಾಡಿದ ಶ್ರೀ ಉಮಾಮಹೇಶ್ವರ ದೇವಸ್ಥಾನಡ್ ಫೆಬ್ರವರಿ 22, 2023 ಡ್ದ್ ನಡತೊಂದುಪ್ಪುನ ಅತಿರುದ್ರ ಮಹಾಯಾಗದ, ಆಜನೇ ದಿನ ಫೆಬ್ರವರಿ 27, 2023 ಸೋಮವಾರದಾನಿ, ಕಾಂಡೆ ಅತಿರುದ್ರ ಯಾಗಮಂಟಪಡ್ ಋತ್ವಿಜೆರೆಡ್ದ್ ಮಹಾನ್ಯಾಸಪೂರ್ವಕ ಶ್ರೀ ರುದ್ರ ಪುರಶ್ಚರಣ ಬೊಕ್ಕ ದೇವಸ್ಥಾನದ ಪ್ರಾಂಗಣಡ್ ಋತ್ವಿಜರೆಡ್ದ್ ಸಪ್ತಶತೀ ಪಾರಾಯಣ, ಮಹಾಮೃತ್ಯುಂಜಯ ಹೋಮ ನಡತುಂಡ್

ಇನಿ ನಡತೊಂದುಪ್ಪುನ ಅತಿರುದ್ರ ಮಹಾಯಾಗದ ವಿಶೇಷ , ಕಾಂಡೆ ಸಚಿವೆರಾಯಿನ ವಿ. ಸುನೀಲ್ ಕುಮಾರ್ , ಮಧ್ಯಾಹ್ನ ತಮಿಳುನಾಡು ಬಿಜೆಪಿ ರಾಜ್ಯಾಧ್ಯಕ್ಷ ಅಣ್ಣಾಮಲೈ ಬೊಕ್ಕ ಬಿಜೆಪಿ ಯುವ ಮೋರ್ಚಾ ರಾಷ್ಟ್ರೀಯ ಅಧ್ಯಕ್ಷ ತೇಜಸ್ವಿ ಸೂರ್ಯ ಶ್ರೀ ಉಮಾಮಹೇಶ್ವರ ದೇವಸ್ಥಾನಗ್ ಬತ್ತೆರ್. ಶಿವಪಾಡಿದ ಕ್ಷೇತ್ರೊಗ್ ಬತ್ತಿನ ಅಕುಲು , ಅತಿರುದ್ರ ಮಹಾಯಾಗಡ್ ಪಾಲ್ ಪಡೆದ್ ಯಾಗಗ್ ಬೋಡಾಪಿನ ದ್ರವ್ಯಲೆನ್ ಅರ್ಪಿಸಾಯೆರ್. ಶ್ರೀ ಉಮಾಮಹೇಶ್ವರ ದೇವೆರೆಗ್ ಪೂಜೆನ್ ಕೊರ್ದ್ ಪ್ರಸಾದ ಸ್ವೀಕಾರ ಮಲ್ತೆರ್. ನಂತರ ಶಿವಪಾಡಿಯ ಅತಿರುದ್ರ ಮಹಾಯಾಗದ ಆಕರ್ಷಣೆಯಾದುಪ್ಪುನ ಪುಂಗನೂರು ತಳಿತ್ತ ಪೆತ್ತೊಲೆನ್ ತೂದ್ ಕುಷಿಟ್ ಒಂತೆ ಪೊರ್ತು ಅಲ್ಪನೇ ಇತ್ತೆರ್.

ಇನಿತ್ತ ವಿಶೇಷ ಪಂಡ ಉಡುಪಿ ಜನಕ್ಲೆನ ಉಡಲ್ ಗೆಂದುದಿನ ಅಣ್ಣಾಮಲೈ ಬೊಕ್ಕ ತೇಜಸ್ವಿ ಸೂರ್ಯ ಮೊಕುಲು ಸಾರ್ವಜನಿಕ ಅನ್ನಸಂತರ್ಪಣೆದಡೆಗ್ ಬತ್ತುದ್ ಅಲ್ಪ ಬತ್ತಿನ ಭಕ್ತೆರೆಗ್ ಒವ್ವೇ ಮುಲಾಜು ದಾಂತೆ ಅನ್ನಪ್ರಸಾದ ಬಲಸಿಯೆರ್..ಅಲ್ಪ ಬತ್ತಿನ ಭಕ್ತೆರ್ ಮೂಕವಿಸ್ಮಿತರಾದಿತ್ತೆರ್.