ಬಪ್ಪನಾಡುಡ್ ಪೂಜೆದ ಭಟ್ರೆಗ್ ಮಾನಾದಿಗೆ….

ಪರತಿರಿಡ್ ಪುಗಾರ್ತೆನ್ ಪಡೆಯಿನ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಡ್ ಸುಮಾರು 60 ವರ್ಷ ಪೂಜೆ ಮಲ್ತೊಂದಿತ್ತುದ್ ನಿವ್ರತ್ತಿ ಪಡೆಯಿನ ಶ್ರೀ ಕ್ರಷ್ಣದಾಸ್ ಭಟ್ ಮೆರೆಗ್ ಮಾನಾದಿಗೆ ನಡತುಂಡ್.

ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನದ ಸಭಾಂಗಣೊಡ್ ಜೂ.24 ತಾರೀಕಯದಾನಿ ಶ್ರೀ ಕೀರ್ತಿಶೇಷ ನರಸಿಂಹ ಉಪಾಧ್ಯಾಯ ಮೆರೆನ ಪುಣ್ಯಸ್ಮರಣೆದ ಪೊರ್ತುಡ್ ಈ ಮಾನಾದಿಗೆ ನಡತುಂಡ್.ಈ ಪೊರ್ತುಡ್ ಉಡುಪಿ ವಿಧಾನಸಭಾ ಕ್ಷೇತ್ರ ಬೊಕ್ಕ ಕಾಪು ಕ್ಷೇತ್ರದ ಶಾಸಕೆರಾದ್ ಆಯ್ಕೆ ಆಯಿನ ಸುರೇಶ್ ಶೆಟ್ಟಿ ಗುರ್ಮೆ ಬೊಕ್ಕ ಯಶ್ಪಾಲ್ ಸುವರ್ಣ ಮೆರೆಗುಲಾ ಮಾನಾದಿಗೆ ಮಲ್ತೆರ್.

ವೇದಿಕೆಡ್ ಈ ಪೊರ್ತುಡ್ ಜಿ.ಶಂಕರ್ ಫ್ಯಾಮಿಲಿ ಟ್ರಸ್ಟ್ ದ ಪ್ರವರ್ತೆಕೆರಾಯಿನ ನಾಡೋಜ ಡಾ.ಜಿ.ಶಂಕರ್, ಉಚ್ಚಿಲ ಮಹಾಲಕ್ಷ್ಮೀ ದೇವಸ್ಥಾನದ ಆಡಳಿತ ಸಮಿತಿದ ಅಧ್ಯಕ್ಷೆರಾಯಿನ ವಾಸುದೇವ ಸಾಲ್ಯಾನ್ ,ದ.ಕ.ಮೊಗವೀರ ಮಹಾಜನ ಸಂಘದ ಅಧ್ಯಕ್ಷರಾಯಿನ ,ಜಯ ಸಿ.ಕೋಟ್ಯಾನ್,ವಿನಯ್ ಕರ್ಕೇರ,ಉಚ್ಚಿಲ ಮಹಾಲಕ್ಷ್ಮೀ ದೇವಸ್ಥಾನದ ಪ್ರಧಾನ ಅರ್ಚಕೆರಾಯಿನ ಶ್ರೀ ರಾಘವೇಂದ್ರ ಉಪಾಧ್ಯಾಯ, ವಿಷ್ಣುಮೂರ್ತಿ ಉಪಾಧ್ಯಾಯ,ರಾಘವೇಂದ್ರ ತಂತ್ರಿ,ಮೊಕುಲು ಉಪಸ್ಥಿತರಿತ್ತೆರ್.