ಅತಿರುದ್ರ ಮಹಾಯಾಗ,

ಶಿವಪಾಡಿ ಶ್ರೀ ಉಮಾಮಹೇಶ್ವರ ದೇವಸ್ಥಾನಡ್ ಫೆಬ್ರವರಿ 22, 2023 ಬುಧವಾರದಾನಿ ಋತ್ವಿಜರೆಡ್ದ್ ಪೂಜೆದೊಟ್ಟುಗ್ ಶುಭಾರಂಭ ಆಯಿನ ಅತಿರುದ್ರ ಮಹಾಯಾಗ, ಕಾಂಡೆದ ಪೊರ್ತುಡ್ ಅತಿರುದ್ರ ಯಾಗಮಂಟಪೊಡ್ ಋತ್ವಿಜೆರೆಡ್ದ್ ಮಹಾನ್ಯಾಸಪೂರ್ವಕ ಶ್ರೀ ರುದ್ರ ಪುರಶ್ಚರಣ ಬೊಕ್ಕ ದೇವಸ್ಥಾನದ ಪ್ರಾಂಗಣಡ್ ಫಲನ್ಯಾಸಪೂರ್ವಕ ಪ್ರಾರ್ಥನೆ, ಅರಣೀ ಮಥನಪೂರ್ವಕ ಅಗ್ನಿ ಜನನ, ಸಪರಿವಾರ ಶ್ರೀ ಉಮಾಮಹೇಶ್ವರ ದೇವರೆಗ್ ನವಕಪ್ರಧಾನ ಹೋಮಪುರಸ್ಸರ ನವಕಲಶ ಅಭಿಷೇಕ, ಪ್ರಸನ್ನಪೂಜೆ, ಮಹಾಪೂಜೆ ನಡತುಂಡ್.
ಮಧ್ಯಾಹ್ನ ಬೇತೆ ಬೇತೆ ಭಜನಾ ಮಂಡಳಿಲೆಡ್ದ್ “ಭಕ್ತಿ ಮಾಧುರ್ಯ” ಸಾಂಸ್ಕೃತಿಕ ಕಾರ್ಯಕ್ರಮದೊಟ್ಟುಗ್ ಶ್ರೀ ಉಮಾಮಹೇಶ್ವರ ಸನ್ನಿಧಾನಡ್ ನಡತೊಂದುಪ್ಪುನ ಅತಿರುದ್ರ ಮಹಾಯಾಗಗ್ ಬತ್ತಿನ ಸಾರಸಾರ ಭಕ್ತಾದಿಲು ಶ್ರೀ ದೇವೆರೆನ ದರ್ಶನ ಮಲ್ತುದ್ ಮಹಾಯಾಗಡ್ ಪಾಲ್ ಪಡೆದ್ ಮಧ್ಯಾಹ್ನ ನಡತಿನ ಮಹಾಅನ್ನಸಂತರ್ಪಣೆ ಪ್ರಸಾದನ್ ಸ್ವೀಕಾರ ಮಲ್ತುದ್ ಧನ್ಯೆರಾಯೆರ್.
ಊರ ಪರವೂರ ಭಕ್ತೆರು ಹೆಚ್ಚಿನ ಸಂಖ್ಯೆಡ್ ಬತ್ತುದ್ ಅಪರೂಪದ “ಅತಿರುದ್ರ ಮಹಾಯಾಗ”ಗ್ ಸಾಕ್ಷಿ ಆವೊಂದುಲ್ಲೆರ್. ಶೃಂಗೇರಿ ಶಾರದಾ ಪೀಠಾಧೀಶ್ವರ ಶ್ರೀಮಜ್ಜಗದ್ಗುರು ಶಂಕರಾಚಾರ್ಯ ಶ್ರೀ ಭಾರತೀತೀರ್ಥ ಮಹಾಸ್ವಾಮಿಲೆನ ಆಶೀರ್ವಾದ ಬೊಕ್ಕ ನೇತೃತ್ವದೊಟ್ಟುಗ್ ಫೆಬ್ರವರಿ 22, 2023 ದಾನಿ ಸುರುವಾಯಿನ ಅತಿರುದ್ರ ಮಹಾಯಾಗ ಮಾರ್ಚ್ 05, 2023 ಮುಟ್ಟ ನಡಪರೆಗುಂಡ್. 121 ಋತ್ವಿಜೆರೆನ ನೇತೃತ್ವಡ್ 11 ಕುಂಡಲೆಡ್ ನಿರಂತರವಾದ್ ಯಾಗ ನಡಪರೆಗುಂಡ್.