ಅತಿರುದ್ರಮಹಾಯಾಗ

ಶಿವಪಾಡಿ ಶ್ರೀ ಉಮಾಮಹೇಶ್ವರ ದೇವಸ್ಥಾನದ ಅಭಿವೃದ್ಧಿ ಟ್ರಸ್ಟ್ ಬೊಕ್ಕ ಅತಿರುದ್ರಮಹಾಯಾಗ ಸಮಿತಿದ ಜಂಟಿ ಆಶ್ರಯೊಡ್ ಫೆ.22 ಡ್ದ್ ಮಾ.5 ತಾರೀಕುಮುಟ್ಟ ಶ್ರಂಗೇರಿ ಶಾರದಾಪೀಠಾಧೀಶ್ವರ ಶ್ರೀ ಮಜ್ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ಭಾರತೀತೀರ್ಥ ಮಹಾಸ್ವಾಮಿಲೆನ ಆಶೀರ್ವಾದ ಬೊಕ್ಕ ನೇತ್ರತ್ವಡ್ “ಅತಿರುದ್ರ ಮಹಾಯಾಗ” ನಡಪರೆಗುಂಡ್ ಪಂಡುದ್ ಸಮಿತಿದ ಅಧ್ಯಕ್ಷೆರಾಯಿನ ಉಡುಪಿ ಶಾಸಕೆ ಕೆ.ರಘುಪತಿ ಭಟ್ ಮೇರ್ ತೆರಿಪಾಯೆರ್.

ಎಲ್ಲೆ ಕಾಂಡೆ 7.30 ಗಂಟೆಗ್ ಸಂಕಲ್ಪ ಆದ್, ಮಾ.5 ಮಧ್ಯಾಹ್ನ ಪೂರ್ಣಾಹುತಿದೊಟ್ಟುಗ್ ಸಮಾಪನೆ ಆವರೆಗುಂಡ್..
ಅತಿ ರುದ್ರ ಮಹಾಯಾಗ 121 ಋತ್ವಿಜೆರೆನ ನೇತ್ರತ್ವಡ್ 11 ಕುಂಡಡ್ 12 ದಿನ ನಿರಂತರವಾದ್ ನಡಪರೆಗುಂಡ್.ಈ ಯಾಗದ ವೇದಿಕೆ ಜಗದ್ಗುರು ಶಂಕರಾಚಾರ್ಯ ಯಾಗ ಮಂಟಪ ರಚನೆಯಾತುಂಡ್.
ಸಾಂಸ್ಕೃತಿಕ ಕಾರ್ಯಕ್ರಮದ ವೇದಿಕೆ ಸುಮಾರು 2000 ಜನ ಕುಲ್ಲರೆಗ್ ಭಾರತೀತೀರ್ಥ ಸಭಾಮಂಟಪ ರಚನೆಯಾತುಂಡ್.ಈ ಯಾಗಗ್ ಬರ್ಪಿನ 180 ಜನ ಋತ್ವಿಜೆರ್ ಕುಲ್ಲರೆಗ್ ಈಶಾವಾಸ್ಯಂ ವಸತಿ ಗ್ರಹ ತಯಾರಾತುಂಡ್.12 ದಿನ ನಡಪುನ ಯಾಗಡ್ ಪಾಲ್ ಪಡೆಯುನ 35,000 ಡ್ದ್ 1 ಲಕ್ಷ ಜನ ಭಕ್ತಾಧಿಲೆಗ್ ಅನ್ನಸಂತರ್ಪಣೆಗ್ ಬೋಡಾಪಿನ “ಸೀತಾರಸೂಯಿ” ಪಾಕಶಾಲೆ ,ಭೋಜನಶಾಲೆ,ಉಗ್ರಾಣ ತಯಾರಾತುಂಡ್.
: ಈ ಅತಿರುದ್ರ ಮಹಾಯಾಗಡ್ ಭಕ್ತಾದಿಲು ಹೆಚ್ಚಿನ ಸಂಖ್ಯೆಡ್ ಪಾಲ್ ಪಡೆದ್ ಯಾಗೊನ್ ಯಶಸ್ವಿ ಮಲ್ತ್ ಕೊರೊಡ್ ಪಂಡುದ್ ಆಯೋಜಕೆರ್ ಪತ್ರಿಕಾಗೋಷ್ಠಿಡ್ ಬಿನ್ನಪ ಮಲ್ತುದೆರ್.