ತುಳುನಾಡ್ದ ರಾಜಧಾನಿಯಾದಿತ್ತಿನ ಬಾರ್ಕೂರುಡ್ ದೇವಾಲಯೊಲು ನಾಶ ಆವೊಂದುಂಡ್: ಡಾ.ಆಕಾಶ್ ರಾಜ್ ಜೈನ್

ಒಂಜಿ ಕಾಲೊಡ್ ತುಳುನಾಡ್ದ ರಾಜಧಾನಿಯಾದಿತ್ತಿನ ಬಾರ್ಕೂರುಡುಪ್ಪುನ 1100 ವರ್ಷ ಪಿರಾಕುದ ಶ್ರೀ ಆದಿಪರಮೇಶ್ವರ ಬಸದಿ ಬೊಕ್ಕ ಶ್ರೀ ಪಾಶ್ವನಾಥ ಪದ್ಮಾವತಿ ದೇವಿ ಬಸದಿಲು ಅಲ್ಪದ ಕೈತಲುದಕ್ಲೆಡ ಅತಿಕ್ರಮಣವಾದಿತ್ತುದ್ ದೇವೆರೆನ ಜಾಗೆ ಬೊಕ್ಕ ತಾಣೊನ್ ಮಸ್ತ್ ಕೀಳುಮಟ್ಟೊಡ್ ಗಳಸೊಂದಿತ್ತುದ್ 2020 ಅಕ್ಟೋಬರ್‌ ತಿಂಗೊಲುಡ್ ಈ ದೇವಳದ ರಕ್ಷಣೆಗಾದ್ ಆನಿದ ತಹಶೀಲ್ದಾರ್ ಮುಖೇನ ಸರ್ವೆ ಮಲ್ತುದ್,ಜಿಲ್ಲಾಧಿಕಾರಿಗ್ ಮನವಿ ಕೊರ್ತುಂಡ್.ಈ ದೆರವಸ್ಥಾನೊಲು ರಾಷ್ಟ್ರದ ಸಂಪತ್ತ್ ಆಯಿನೆಡ್ದಾವರ ಸರ್ಕಾರ ಮನಸ್ಸ್ ಮಲ್ತಿಜಿಡ ಅಲ್ಪ ಬೇಲಿ ಪಾಡಗೆರಾಂಡಲಾ ಅನುಮತಿ ಕೊರೊಡ್ ಪಂಡುದ್ ತಹಶೀಲ್ದಾರೆರೆಗ್ ಮನವಿ ಕೊರ್ದ್ ಜಿಲ್ಲಾಧಿಕಾರಿಲೆಗ್ ಲಾ ಮನವಿ ಕೊರ್ತುಂಡ್.ಆಂಡ ಇನಿಮುಟ್ಟ ಒವ್ವೇ ರೀತಿದ ಪ್ರತ್ಯುತ್ತರ ಬೈದುಜಿ.ಪ್ರತೀ ಸರ್ತಿ ಸಂಪರ್ಕ ಮಲ್ತಿನಪಗಲಾ ಅನುಮತಿ ಕೊರ್ತುಂಡ್ ಪನ್ಪೆರ್.
ತುಳುನಾಡ್ದ ರಾಜಧಾನಿ ಬಾರ್ಕೂರುದ ಮಸ್ತ್ ದೇವಾಲಯೊಲ್ ನಾಶ ಆತುಂಡ್.ಇತ್ತಿನ ದೇವಾಲಯೊನಾಂಡಲಾ ಒರಿಪಾವುನ ನಿಟ್ಟುಡ್ ನೆಕ್ಕ್ ಸಂಬಂಧ ಪಟ್ಟಿನಕುಲು ಗಮನ ಕೊರೊಡ್ ಪಂಡುದ್ ಆಳುಪ ವಂಶಸ್ಥೆರಾಯಿನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಪದುಕೆರಾಯಿನ ಡಾ.ಆಕಾಶ್ ರಾಜ್ ಜೈನ್ ಬಿನ್ನಪ ಮಲ್ದೆರ್.