ಗೌಜಿದ ಉಚ್ಚಿಲ ದಸರಾ

ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನಡ್ ಈ ವರ್ಷ 3ನೇ ವರ್ಷದ “ಉಡುಪಿ ಉಚ್ಚಿಲ ದಸರಾ-2024″ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ, ಕರ್ನಾಟಕ ಸರಕಾರ ಬೊಕ್ಕ ಭಕ್ತಾಭಿಮಾನಿಲೆನ ಸಹಕಾರ- ಸಹಯೋಗದೊಟ್ಟುಗ್ ಶಾಸ್ರೋಕ್ತವಾದ್ , ಸಾಂಪ್ರದಾಯಿಕವಾದ್ ಅಂಚೆನೇ ಶಿಸ್ತುಬದ್ಧವಾದ್ ಆಚರಣೆ ಮಲ್ಪರೆಗ್ ಸಂಕಲ್ಪ ಮಲ್ದುಂಡ್. ಈ ಸರ್ತಿ ಚುನಾವಣಾ ನೀತಿ ಸಂಹಿತೆ ಜಾರಿಡುಪ್ಪುನೆಡ್ದಾವರ ಪೂರ್ವನಿಗದಿಯಾತಿನ ಈ ಕಾರ್ಯಕ್ರಮನ್ ನೀತಿಸಂಹಿತೆ ಉಲ್ಲಂಘನೆಯಾವಂದಿನ ರೀತಿಡ್ ನಡಪಾವರೆಗುಂಡ್. ಶ್ರೀ ಕ್ಷೇತ್ರದ ಬ್ರಹ್ಮಕಲಶ, ದಸರಾ ಉತ್ಸವ ಸೇರಿನಂಚ ಮಾತಾ ಕಾರ್ಯಕ್ರಮಲೆಗ್ ಸಹಕಾರ ಕೊರೊಂದು ಬರೊಂದುಪ್ಪುನ ಉಡುಪಿ ಜಿಲ್ಲಾಡಳಿತ,ಜಿಲ್ಲಾ ಪೋಲೀಸ್ ಇಲಾಖೆ ಬೊಕ್ಕ ಭಕ್ತಾದಿಲೆನ ಸಾಕಾರ ಕೊರೊಡು ಪಂಡುದ್ ದಸರಾ ಸಮಿತಿದ ಗೌರವಾಧ್ಯಕ್ಷೆರಾಯಿನ ನಾಡೋಜ ಡಾ. ಜಿ. ಶಂಕರ್ ಲೆಪ್ಪು ಕೊರ್ತೆರ್. ಉಚ್ಚಿಲದ ಮೊಗವೀರ ಸಭಾಭವನಡ್ ದಸರಾದ ಬಗೆಟ್ ನಡತಿನ ಪತ್ರಿಕಾಗೋಷ್ಠಿಡ್ ಆರು ಪಾತೆರಿಯೆರು.

ದಸರಾ ಕಾರ್ಯಕ್ರಮದ ವಿವರ ಇಂಚ ಉಂಡು.ವಿದ್ಯುದ್ದೀಪಾಲಂಕಾರ ಉದ್ಘಾಟನೆ: ತೇದಿ:02-10-2024 ಬಯ್ಯಗ್ 6.30 ಗಂಟೆಗ್ ಪಡುಬಿದ್ರಿಡ್ದ್ ಕಾಪು ಕಗಲಬರಿಮುಟ್ಟ ದೀಪಸ್ತಂಭಮುಟ್ಟ ವಿದ್ಯುದ್ದೀಪಾಲಂಕಾರದ ಉದಿಪನ ಗಣ್ಯೆರೆನ ಉಪಸ್ಥಿತಿಡ್ ನಡಪರೆಗುಂಡ್. ಈ ಕಜ್ಜೊನ್ ವಿದ್ಯದ್ದೀಪಾಲಂಕಾರದ ಪ್ರಾಯೋಜಕೆರಾಯಿನ
ಡಾ| ಕೆ. ಪ್ರಕಾಶ್ ಶೆಟ್ಟಿ (ಅಧ್ಯಕ್ಷೆರು MRG ಗ್ರೂಪ್) ಮೇರ್ ಉದಿಪನ ಮಲ್ಪರೆಗುಲ್ಲೆರ್.

ಅಕ್ಟೋಬರ್ 3, ಗುರುವಾರ ಕಾಂಡೆ 10.00ಗಂಟೆಗ್ ಸರಿಯಾದ್ ದಸರಾ ಉಚ್ಚಯದ ಉದಿಪನ ಗಣ್ಯೆರು, ದಾನಿಲೆನ, ಉಪಸ್ಥಿತಿಡ್ ನಡಪರೆಗುಂಡ್.
ದಸರಾ ಪ್ರಯುಕ್ತ ಆಯೋಜನೆ ಮಲ್ದಿನ ಬೇತೆ ಬೇತೆ ಮೇಳ, ಮಾಯಿತಿ ಶಿಬಿರ ಬೊಕ್ಕ ವಸ್ತು ಪ್ರದರ್ಶನದ ಉದಿಪನ ಕಾಂಡೆ 10.30ಗಂಟೆಗ್ ನಡಪರೆಗುಂಡ್.
ಆನಿ ಕಾಂಡೆ , 10.45 ಗಂಟೆಗ್ ದ.ಕ. ಮೊಗವೀರ ಮಹಾಜನ ಸಂಘದ 100ನೇ ವರ್ಷದ ನೆಂಪುಗಾದ್ ಪೊಸ ಆಡಳಿತ ಕಛೇರಿದ ಶುಭಾರಂಭ ಆಪುಂಡ್.

ಅಕ್ಟೋಬರ್ 3ಡ್ದ್ 12ಮುಟ್ಟ “ಉಡುಪಿ ಉಚ್ಚಿಲ ದಸರಾ-2024″ ರ ಪ್ರಯುಕ್ತ ಪ್ರತೀದಿನ ನಡಪರೆಗುಪ್ಪುನ ಧಾರ್ಮಿಕ ಕಾರ್ಯಕ್ರಮೊಲು ಇಂಚ ಉಂಡು.ಚಂಡಿಕಾಹೋಮ,ಕಲ್ಪೋಕ್ತ ಪೂಜೆ,
ಅನ್ನಸಂತರ್ಪಣೆ,ಬಯ್ಯದ ಪೊರ್ತುಡ್ ಉಪಾಹಾರ,ಧಾರ್ಮಿಕ ಸಭೆ,
ಮಹಿಳೆಯರಿಂದ ಸಾಮೂಹಿಕ ಕುಂಕುಮಾರ್ಚನೆ.
ಪ್ರತೀದಿನ ನಡಪುನ ಸಾಂಸ್ಕೃತಿಕ ಕಾರ್ಯಕ್ರಮೊಲು–

ಸ್ಥಳೀಯ ಮಹಿಳೆಯೆರೆಡ್ದ್ ವೈವಿಧ್ಯಮಯ ಕಾರ್ಯಕ್ರಮ
ವಿವಿಧ ವೃತ್ತಿಪರ ತಂಡಲೆಡ್ದ್ ಜಾದೂ ಕಾರ್ಯಕ್ರಮ, ಯಕ್ಷಗಾನ, ಭರತನಾಟ್ಯ, ಹರಿಕಥೆ, ಜಾನಪದ ನೃತ್ಯ, ನೃತ್ಯ ರೂಪಕ ಹಾಗೂ ಸಂಗೀತ ಕಾರ್ಯಕ್ರಮಲು ನಡಪರೆಗುಂಡ್.
•”ಸಾಮೂಹಿಕ ಕುಣಿತ ಭಜನೆ: ಕರಾವಳಿ ಜಿಲ್ಲೆದ 40 ಕುಣಿತ ಭಜನಾ ತಂಡೊಲೆಡ್ದ್ ಏಕಕಾಲಡ್ ಕ್ಷೇತ್ರದ ರಥಬೀದಿದ ಸುತ್ತ ಕುಣಿತ ಭಜನೆ.
•ಸಾಮೂಹಿಕ ದಾಂಡಿಯಾ ನೃತ್ಯ : ದಾಂಡಿಯಾ ನೃತ್ಯ ಕಲಾವಿದೆರು ಬೊಕ್ಕ ಸಾರ್ವಜನಿಕೆರೆಡ್ದ್ ರಥಬೀದಿಯ ಸುತ್ತ ಸಾಮೂಹಿಕ ದಾಂಡಿಯಾ ನೃತ್ಯ ಕಾರ್ಯಕ್ರಮ.
ಶತವೀಣಾವಲ್ಲರಿ : ಏಕಕಾಲಡ್ 101 ವೀಣೆಲೆನ ವಾದನ ಕಾರ್ಯಕ್ರಮ.

•ಲೇಸರ್ ಶೋ : ಪ್ರತೀದಿನ ರಾತ್ರೆಗ್ 8.00ಗಂಟೆಡ್ದ್ ದಸರಾ ಮಹೋತ್ಸವ ಬೊಕ್ಕ ಶ್ರೀ ಕ್ಷೇತ್ರದ ಮಹತ್ವದ ಬಗೆಟ್ ವಿಶೇಷ ಲೇಸರ್ ಶೋ ನಡಪರೆಗುಂಡ್.

. • ಡೋನ್ ಮೂಲಕ ಮಷ್ಪಾರ್ಚನೆ: ನವದುರ್ಗೆರೆಗ್ ಶಾರದಾ ಮಾತೆ ಬೊಕ್ಕ ಅಂಬಾರಿ ತುಂಬೊಂದಿನ ಆನೆಗ್ ಡೋನ್ ಮೂಲಕ ಪುಷ್ಪಾರ್ಚನೆ ಮಲ್ಪುನ ಕಾರ್ಯಕ್ರಮಲಾ ವಿಶೇಷವಾದ್ ವ್ಯವಸ್ಥೆ ಮಲ್ದುಂಡ್.

•ದಸರಾ ಪ್ರಯುಕ್ತ ನಡಪರೆಗುಪ್ಪುನ ಸ್ಪರ್ಧೆಲು; ನೃತ್ಯ ಸ್ಪರ್ಧೆ, ಜೋಕ್ಲೆಗಾದ್ ಶ್ರೀಶಾರದಾ ಮಾತೆನ ಛದ್ಮವೇಷ ಸ್ಪರ್ಧೆ, ಪೊಣ್ಣುಜೋಕ್ಲೆನ ಪಿಲಿನಲಿಕೆ ಸ್ಪರ್ಧೆ, ಚಿತ್ರಕಲಾ ಸ್ಪರ್ಧೆ, ರಂಗೋಲಿ ಸ್ಪರ್ಧೆ,ಕುಸ್ತಿ ಸ್ಪರ್ಧೆ, ದೇಹದಾಡ್ಯ ಪಂತೊಲು ನಡಪರೆಗುಂಡ್.

ಶೋಭಾಯಾತ್ರೆ: ಅಕ್ಟೋಬರ್ 12, ಶನಿವಾರ, ಮಧ್ಯಾಹ್ನ 3.00ಗಂಟೆಗ್

ಶ್ರೀ ಕ್ಷೇತ್ರಡ್ದ್ ಶೋಭಾಯಾತ್ರೆ ನಡಪುನ ಮಾರ್ಗ : ರಾಷ್ಟ್ರೀಯ ಹೆದ್ದಾರಿ -66 ಮೂಲಕ ಶ್ರೀ ಕ್ಷೇತ್ರ ಉಚ್ಚಿಲ- ಎರ್ಮಾಳ್- ಉಚ್ಚಿಲ-ಮೂಳೂರು-ಕಾಪು ಬೀಚ್ (ದೀಪಸ್ತಂಭ).

· ಈ ಪೊರ್ತುಗ್ ಕಾಪು ದೀಪಸ್ತಂಭದ ಕೈತಲುಡ್ ಬೋಟುಲೆಡ್ ಕಡಲುದ ನಡುಟು ಭವ್ಯವಾಯಿನ ವಿದ್ಯುದ್ದೀಪಾಲಂಕಾರ, ಲೇಸರ್ ಶೋ, ಆಕರ್ಷಕ ಸುಡುಮದ್ದು ಪ್ರದರ್ಶನ, ಸುಮಂಗಲೆಯರೆಡ್ದ್ ಸಾಮೂಹಿಕ ಮಂಗಳಾರತಿ, ಅರ್ಚಕರೆಡ್ದ್ ನವದುರ್ಗೆಯೆರು, ಶಾರದಾಮಾತೆ ಬೊಕ್ಕ ಸಮುದ್ರರಾಜಗ್ ಗಂಗಾರತಿ ಕಾರ್ಯಕ್ರಮ ಆಯೋಜನೆ ಮಲ್ದುಂಡ್.

ಶೋಭಾಯಾತ್ರೆ ಸಾಗುದ್ ಬರ್ಪಿನ ಸಾದಿಡ್ ವಿದ್ಯುದ್ದೀಪ ಬೊಕ್ಕ ತಳಿರು ತೋರಣಲೆಡ್ದ್ ತಮ್ಮ ಮನೆ, ಅಂಗಡಿ, ಮಳಿಗೆಲೆಗ್ ಕರಿನ ಸರ್ತಿದಲೆಕ್ಕ ಈ ಸರ್ತಿಲಾ ಐತಾವರೆಗ್ ವಿನಂತಿ ಮಲ್ತುದೆರ್..
ದಸರಾ ಸಂದರ್ಭಡ್ ಶ್ರೀ ಕ್ಷೇತ್ರಗ್ ಬರ್ಪಿನ ಭಕ್ತಾದಿಲೆಗ್ ಸಮರ್ಪಕವಾಯಿನ ಪಾರ್ಕಿಂಗ್ ವ್ಯವಸ್ಥೆ, ಸುಲಭವಾದ್ ದೇವೆರೆನ ದರ್ಶನ ಮಲ್ಪರೆಗ್ ಅವಕಾಶ, ಮಹಾಅನ್ನಸಂತರ್ಪಣೆ ಬೇಲೆಗ್ ಸಹಕಾರ ಮಲ್ಪರೆಗ್ ದಿನೊಲಾ 1500 ಸ್ವಯಂಸೇವಕೆರು, ಸೌಟ್ಸ್ ಬೊಕ್ಕ ಗೈಡ್ಸ್‌ ದ ವಿದ್ಯಾರ್ಥಿಲು ಸಹಕಾರ ಮಲ್ಪರೆಗುಲ್ಲೆರ್. ಅಂಚಾದ್ 10 ದಿನೊಲಾ ಉಚ್ಚಯಡ್ ಭಕ್ತಾದಿಲು ಹೆಚ್ಚಿಗೆ ಸಂಖ್ಯೆಡ್ ಪಾಲ್ ಪಡೆತುದ್ ಶ್ರೀ ಮಹಾಲಕ್ಷ್ಮೀ ಅಪ್ಪೆನ ಅನುಗ್ರಹೊನ್ ಪಡೆತೊನೊಡು ಪಂಡುದ್ ತೆರಿಪಾಯೆರ್.
ಪತ್ರಿಕಾಗೋಷ್ಠಿಡ್ ದ. ಕ. ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರಾಯಿನ ಜಯ ಸಿ. ಕೋಟ್ಯಾನ್ ಬೆಳ್ಳಂಪಳ್ಳಿ, ಕ್ಷೇತ್ರಾಡಳಿತ ಸಮಿತಿದ ಅಧ್ಯಕ್ಷೆರಾಯಿನ ಗಿರಿಧರ್ ಎಸ್. ಸುವರ್ಣ, ದಸರಾ ಉತ್ಸವ ಸಮಿತಿದ ಅಧ್ಯಕ್ಷೆರಾಯಿನ ವಿನಯ ಕರ್ಕೇರ, ಪ್ರಧಾನ ಕಾರ್ಯಂತೆರಾಯಿನ ಶರಣ್ ಕುಮಾರ್ ಮಟ್ಟು, ಕೋಶಾಧಿಕಾರಿ ರತ್ನಾಕರ್ ಸಾಲ್ಯಾನ್, ಒತ್ತು ಕಾರ್ಯಂತೆರಾಯಿನ ಸುಜಿತ್ ಎಸ್. ಸಾಲ್ಯಾನ್, ಸತೀಶ್ ಅಮೀನ್ ಪಡುಕೆರೆ ಉಪಸ್ಥಿತರಿತ್ತೆರ್.