ದತ್ತ ಜಯಂತಿ ಉತ್ಸವ

16ನೇ ವರ್ಷದ ದತ್ತಜಯಂತಿ ಉತ್ಸವ

ಕುಂದಾಪುರ ತಾಲೂಕು, ಮಚಟ್ಟು ಚಿತ್ತೇರಿದ ಶ್ರೀ ದತ್ತ ಪಾದುಕಾ ಮಂದಿರ ಬೊಕ್ಕ ಸತ್ಯಮ್ಮ ಕಾಳಮ್ಮ ಕಲ್ಕುಡ ಸಹ ಪರಿವಾರ ದೈವಸ್ಥಾನಡ್ ದತ್ತಜಯಂತಿ ಉತ್ಸವ 20.12.23 ಡ್ದ್ 27.12.23 ರ ಮುಟ ನಡಪರೆಗುಂಡ್.

ಕಾರ್ಯಕ್ರಮ 20.12.23 ಗ್ ಗುರು ಚರಿತ್ರೆ ಪಾರಾಯಣ, ಮಹಾ ಮಂಗಳಾರತಿಡ್ ಪ್ರಾರಂಭವಾದ್, ಬಿಂಭ ಶುದ್ದಿ, ನವಕ ಪ್ರಧಾನ ಹೋಮ, ಸಾನಿಧ್ಯ ಹವನ, ಪಾರಾಯಣ ಮಂಗಳ, ಅತ್ತಿ ವೃಕ್ಷಕ್ಕೆ ಪೂಜೆ ನಡತುದು, 27.12.23 ಬುಧವಾರ ಕಾಂಡೆ 8.00 ಗ್ ಶ್ರೀ ದತ್ತಾತ್ರೇಯ ಹೋಮ ಸಂಕಲ್ಪ, 11.30 ಗ್ ಪೂರ್ಣಾಹುತಿ, ಮದ್ಯಾಹ್ನ 12 ಡ್ದ್ ಅನ್ನಸಂತರ್ಪಣೆ ನಡಪರೆಗುಂಡ್.
ಈ ಮಾತಾ ಕಾರ್ಯಕ್ರಮಡ್ ಅಯೋಧ್ಯ ಚಾರು ಚೌಕದ ಶ್ರೀ ಶ್ರೀ ಶ್ರೀ ತ್ಯಾಗಿ ಕೇಶವದಾಸ ಮಹಾರಾಜರ ದಿವ್ಯ ಉಪಸ್ಥಿತಿ ಇಪ್ಪುಂಡ್.

ಡಾಂಬಿಕ ಭಕ್ತೆರು ಸ್ಥಿರ ಇಪ್ಪಂದಿನ ಭೋಗ ಐಶ್ವರ್ಯಲೆನ್ ನಟ್ಟೊಂದ್ ಭಜನೆ ಮಲ್ತೊಂದ್ ವೇದಾಂತಿಲೆಕ್ಕ ನಟನೆ ಮಲ್ತೊಂದ್ ಶಾಸ್ತ್ರೊಲೆನೇ ಮಾರುವೆರ್. ಈ ರೀತಿದ ಅನರ್ಥ ಅಭ್ಯಾಸಲೆಗ್ ಬಲಿಯಾದ್ ಮೂಡೆರಾಪೆರ್. ಆಂಡ ದತ್ತನ್ ಭಜನೆ ಮಲ್ಪುನಕುಲ್ ಉಂದೆನ್ ಮೀರುದ್ ಆತ್ಮಸುಖಟ್ ತಲ್ಲೀನರಾದಿತ್ತುದ್ದು, ದತ್ತ ನಾಮದ ಅಮೃತನ್ ಸವಿಯೊಂದಿತ್ತುದ್ ಕಲಿಯುಗಡ್ ಗುರು ನಾಮಸ್ಮರಣೆನ್ ಮೋಕ್ಷ ಪನ್ಪಿನವ್ವೆ ಗುರುವಾಣಿ.
ಅಂಚಾದ್ ಈ ದತ್ತಯಜ್ಞ ಕಾರ್ಯಕ್ರಮಡ್ ಧಾರ್ಮಿಕತೆದ ಅಭಿಮಾನಿಲು ಕಾಯ, ವಾಚ, ಮನಸಾ ಕೈ ಜೋಡಿಸಾವುನ ಮೂಲಕ ಈ ದತ್ತ ಜಯಂತಿ ಉತ್ಸವಗ್ ಸಂಪೂರ್ಣ ಸಹಕಾರ ಕೊರ್ದ್, ಶ್ರೀ ದತ್ತಾತ್ರೇಯ ಗುರುಕುಲೆನ ಅನುಗ್ರಹಗ್ ಪಾತ್ರರಾವೊಡುಂದ್
ಮಚ್ಚಟ್ಟು ದತ್ತ ಸೇವಾ ಬಳಗದ ಅಧ್ಯಕ್ಷ ವಿಕ್ರಂ ಬಾಳಿಗ ಪ್ರಕಟಣೆಡ್ ತೆರಿಪಾದೆರ್.