ದತ್ತಮಾಲ ಅಭಿಯಾನ.

ಚಿಕ್ಕಮಗಳೂರು ದತ್ತಪೀಠದ ಮುಕ್ತಿಗಾದ್ ಸಂಪೂರ್ಣ ಹಿಂದೂ ಪೀಠಗಾದ್ ನಡಪುನ ದತ್ತಮಾಲಾ ಅಭಿಯಾನಡ್ ಉಡುಪಿಡ್ದ್ 500 ಕಾರ್ಯಕರ್ತೆರು ಪಾಲ್ ಪಡೆಯರೆಗುಲ್ಲೆರ್ ಪಂಡುದ್ ಶ್ರೀರಾಮಸೇನೆ ಉಡುಪಿ ಜಿಲ್ಲಾಧ್ಯಕ್ಷೆರಾಯಿನ ಸುದರ್ಶನ್ ಪೂಜಾರಿ ಪಂಡೆರು. ಆರು ಉಡುಪಿ ಪ್ರೆಸ್ ಕ್ಲಬ್ ಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿಯೆರು.

ಚಿಕ್ಕಮಗಳೂರುದ ಚಂದ್ರದ್ರೋಣ ಪರ್ವತದ ಬಾರೀ ಪೊರ್ಲುದ ರಮಣೀಯ ದತ್ತ ಪೀಠ ಇಸ್ಲಾಮಿಕ್ ಅತಿಕ್ರಮಣ ಮೂಲಕ ಹಿಂದೂಲೆನ ಭಾವನೆಗ್ ಧಕ್ಕೆ ಕನಪಿನ ಪ್ರಯತ್ನ ನಡತೊಂದೇ ಉಂಡು. ನೆತ್ತ ವಿರುದ್ಧ ಕರಿನ 20 ವರ್ಷಡಿಂಚಿ ಶ್ರೀರಾಮಸೇನೆದ ಹೋರಾಟ, ರಥಯಾತ್ರೆ, ಶೋಭಾಯಾತ್ರೆ, ಕಾನೂನು ಹೋರಾಟ, ಧರ್ಮ ಸಭೆ, ಸಾಮೂಹಿಕ ದತ್ತಜಪ ಮೂಲಕ ನಮ್ಮ ಹಕ್ಕುನ್ ಪಡೆಯರೆಗ್ ನಿರಂತರ ಪ್ರಯತ್ನ ನಡತಂದೇ ಉಂಡು..

ಪ್ರತಿವರ್ಷದಂಚ ಈ ವರ್ಷಲಾ ದತ್ತಮಾಲಾ ಅಭಿಯಾನ ನವೆಂಬರ್ 4 ಡ್ದ್ ನವೆಂಬರ್ 10 ಮುಟ್ಟ ನಡಪರೆಗುಂಡ್. ನವೆಂಬರ್ 4ಗ್ ದತ್ತಮಾಲಾಧಾರಣೆ ದೊಟ್ಟುಗ್ ಪ್ರಾರಂಭವಾದ್,
ದತ್ತ ದಿಪೋತ್ಸವ, ಪಡಿಸಂಗ್ರಹ (ಭೀಕ್ಷಾಟನೆ) ದೊಟ್ಟುಗ್
ನವೆಂಬರ್ 10 ಗ್ ಚಿಕ್ಕಮಗಳೂರು ನಗರಡ್ ಧರ್ಮಸಭೆ, ಶೋಭಯಾತ್ರೆ, ಬೊಕ್ಕ ದತ್ತಪೀಠಡ್ ಹೋಮ, ಹವನ. ಪ್ರಸಾದ ವಿತರಣೆದೊಟ್ಟುಗ್ ಸಮಾಪ್ತಿ ಆವರೆಗುಂಡ್.

ಶ್ರೀರಾಮಸೇನೆದ ರಾಷ್ಟ್ರೀಯ ಅಧ್ಯಕ್ಷ ಶ್ರೀ ಪ್ರಮೋದ್ ಮುತಾಲಿಕ್ ನೇತೃತ್ವಡ್ ನವೆಂಬರ್ 10 ಗ್ ನಡಪುನ ಧರ್ಮ ಸಭೆಟ್ ಮುಖ್ಯ ಅತಿಥಿಯಾದ್ ಹಿಂದೂ ಸಿಂಹಿಣಿ, ಪ್ರಖರ ಹಿಂದುತ್ವವಾದಿ, ಹೇದರಾಬಾದ್ ಭಾಜಪಾ ನಾಯಕಿ ಶ್ರೀಮತಿ ಮಾಧವಿ ಲತಾ, ವಿಧಾನ ಪರಿಷತ್ ಸದಸ್ಯ, ಶ್ರೀ ಸಿ.ಟಿ.ರವಿ, ಮಾಜಿ ಸಂಸದ, ಲೇಖಕ, ಹಿಂದುತ್ವವಾದಿ ಪ್ರತಾಪ್ ಸಿಂಹ ಪಾಲ್ ಪಡೆಯರೆಗುಲ್ಲೆರ್.

,ಸರ್ಕಾರಗ್ ನಮ್ಮ ಪ್ರಮುಖ ಬೇಡಿಕೆಲು:

ದತ್ತ ಪೀಠಡುಪ್ಪುನ ಅನಧಿಕೃತ ಇಸ್ಲಾಮಿಕ್ ಕುರುಹುಲೆನ್ ಮೂಲ ದರ್ಗಾ ನಾಗೇನಹಳ್ಳಿಗ್ ಸ್ಥಳಾಂತರ ಮಲ್ಪೊಡು.
ಕೇವಲ ಹಿಂದೂ ಅರ್ಚಕೆರು ಮಾತ್ರ ಇಪ್ಪೊಡು.
ದತ್ತ ಭಕ್ತರೆಗ್ ಮಹಾ ಪ್ರಸಾದ ಬೊಕ್ಕ ವಸತಿ ವ್ಯವಸ್ಥೆ ಆವೊಡು..
ನಿತ್ಯ ಗಾಣಗಪುರಡ್ದ್ ದತ್ತ ಪೀಠಗ್ ಬಸ್ ಸೇವೆ ಪ್ರಾರಂಭ ಆವೊಡು.. ಈತ್ ವರ್ಷದ ನಮ್ಮ ಹೋರಾಟದ ಫಲ:
ದತ್ತಪೀಠಡ್ ನಮಾಜ್, ಮಾಂಸಹಾರ, ಗೊರಿಲು, ಹಸಿರುಹೊದಿಕೆ ಮುಕ್ತ ಆತುಂಡ್. ಅರ್ಚಕೆರೆನ ನೇಮಕ. ದತ್ತಪೀಠದ ಆಸ್ತಿ ಕಬಳಿಸಾಯೀನಕ್ಲೆಗ್ ನೋಟೀಸ್. ಇಂಚ ಹಂತಹಂತವಾದ್ ಯಶಸ್ಸು ಪಡೆತುದ.
ಈ ಬಾರಿ ನಡಪುನ ದತ್ತಮಾಲಾ ಅಭಿಯಾನಡ್ ರಾಜ್ಯದ ಬೇತೆ ಬೇತೆ ಜಿಲ್ಲೆಡ್ ಸುಮಾರು 50000 ಕ್ಕುಲಾ ಜಾಸ್ತಿ ಕಾರ್ಯಕರ್ತೆರು ಪಾಲ್ ಪಡೆಯರೆಗುಲ್ಲೆರ್. ಬೊಕ್ಕ ಉಡುಪಿಡ್ದ್ 1000 ಕಾರ್ಯಕರ್ತೆರು ಪಾಲ್ ಪಡೆಯರೆಗುಲ್ಲೆರ್.ಪತ್ರಿಕಾ ಗೋಷ್ಠಿಡ್ ಶ್ರೀರಾಮಸೇನೆ ಮಂಗಳೂರು ವಿಭಾಗದ ಕಾರ್ಯಾಧ್ಯಕ್ಷೆರಾಯಿನ ಜಯರಾಮ್ ಅಂಬೆಕಲ್ಲು, ಉಡುಪಿ ಜಿಲ್ಲಾ ಕಾರ್ಯಾಧ್ಯಕ್ಷೆರಾಯಿನ ಶರತ್ ಮಣಿಪಾಲ, ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ಸುದೀಪ್ ನಿಟ್ಟೂರು, ಜಿಲ್ಲಾ ಸಂಪರ್ಕ್ ಪ್ರಮುಖ್ ಸುಜಿತ್ ಉಪಸ್ಥಿತರಿತ್ತೆರ್.