ಚಿಕ್ಕಮಗಳೂರು: ಶ್ರೀರಾಮಸೇನೆದ ದತ್ತಾಮಲಾ ಅಭಿಯಾನದ ಹಿನ್ನಲೆಡ್ ನಗರದ ಮುಖ್ಯ ರಸ್ತೆಡ್ ಶೋಭಾಯಾತ್ರೆ ನಡತುಂಡ್. ನಗರದ ಮುಖ್ಯರಸ್ತೆದ ಶಂಕರ ಮಠಡ್ದ್ ಆರಂಭವಾಯಿನ ಶೋಭಯಾತ್ರೆ ಅಜಾದ್ ಪಾರ್ಕ್ ವೃತ್ತಡ್ ಸಮಾಪ್ತಿಯಾಂಡ್.
ರಾಜ್ಯದ ಬೇತೆ ಬೇತೆ ಜಿಲ್ಲೆಡ್ ಬತ್ತಿನ ಶ್ರೀರಾಮಸೇನೆದ ಕಾರ್ಯಕರ್ತೆರು ಬೊಕ್ಕ ದತ್ತ ಭಕ್ತೆರು ಶೋಭಯಾತ್ರೆಡ್ ಪಾಲ್ ಪಡೆಯೆರ್. ಯಾತ್ರೆದ ಉದ್ದಗುಲಾ ದತ್ತಾತ್ರೇಯ ನಾಮಸ್ಮರಣೆ, ಭಜನೆ, ಜೈಕಾರ ದೊಟ್ಟುಗ್ ಭಗವಾಧ್ವಜಕುಲು ರಾವೊಂದಿತ್ತುಂಡ್
ದತ್ತಾತ್ರೇಯ ಬೊಕ್ಜ ಪ್ರಮೋದ್ ಮುತಾಲಿಕ್ ರೆನ ಫೋಟೋಕುಲೆನ್ ಭಕ್ತೆರು ಪ್ರದರ್ಶಿಸಾವೊಂದಿತ್ತಿನ ದೃಶ್ಯ ತೋಜಿದ್ ಬತ್ತುಂಡ್.
ನಾಸಿಕ್ ಡೊಲ್ ಶಬ್ದೊಗ್ ಕಾರ್ಯಕರ್ತೆರು ಭಗವಾಧ್ವಜಕುಲೆನ್ ಬೀಜೊಂದ್ ಭಕ್ತಿತ್ಪೂರ್ವವಾದ್ ಪಜ್ಜೆ ಪಾಡಿಯೆರು. ಪುಷ್ಪಲಾಂಕೃತವಾದಿತ್ತಿನ ವಾಹನೊಲೆಡ್ ದತ್ತಾತ್ರೇಯ ವಿಗ್ರಹ ಬೊಕ್ಕ ಬಾಣೊಲೆನ್ ಬತ್ತಳಿಕೆನ್ ಪುಗ್ಗೆಲುಡು ದೀಯೊಂದ್, ಕೈಟ್ ಬಿಲ್ಲು ಬಾಣೊಲೆನ್ ಪತೊಂದು ಉಸುದಿತ್ತಿನ ಶ್ರೀರಾಮನ ಬ್ರಹತ್ ಮೂರ್ತಿ ತೂಪಿನಕ್ಲೆನ ಗಮನ ಒಯ್ತುಂಡ್.
ಶ್ರೀರಾಮಸೇನೆದ ರಾಷ್ಟ್ರೀಯ ಅಧ್ಯಕ್ಷ ಪ್ರಮೋದ್ ಮುತಾಲಿಕ್, ರಾಜ್ಯ ಅಧ್ಯಕ್ಷ ಗಂಗಾಧರ್ ಕುಲಕರ್ಣಿ, ಹರಿಯಾಣದ ವಿವೇಕಾನಂದ ಸ್ವಾಮೀಜಿ, ಶ್ರೀ ಶಿವಮೂರ್ತಿ ಸ್ವಾಮೀಜಿ ನಾಗಸಾಧುಲು, ಶ್ರೀರಾಮಸೇನೆದ ರಾಜ್ಯ ಬೊಕ್ಕ ಜಿಲ್ಲಾಧ್ಯಕ್ಷೆರು ಇತ್ತೆರು.
ಬಿಗಿ ಪೊಲೀಸ್ ಭದ್ರತೆ:
ಶ್ರೀರಾಮಸೇನೆಡ್ದ್ ಆಯೋಜನೆ ಮಲ್ದಿನ ದತ್ತಾಮಲಾ ಅಭಿಯಾನದ ಹಿನ್ನಲೆಡ್ ದತ್ತಪೀಠ ಸೇರಿನಂಚ ಚಿಕ್ಕಮಗಳೂರು ನಗರಡ್ ಬಿಗಿ ಪೊಲೀಸ್ ಭದ್ರತೆ ನಿಯೋಜನೆ ಮಲ್ದಿತ್ತೆರ್. ಭದ್ರತೆದ ನೇತೃತ್ವನ್ ಖುದ್ದು ಎಸ್ಪಿ ಡಾ. ವಿಕ್ರಂ ಅಮಟೆ ವಹಿಸಾದಿತ್ತೆರು.
by 