ಅಯೋಧ್ಯೆ ದಿಗ್ವಿಜಯ ರಥಯಾತ್ರೆದ ಉಡುಪಿ ಜಿಲ್ಲಾ ಕಚೇರಿ ಉದಿಪನ..

ಅಯೋಧ್ಯೆ ಪ್ರಭು ಶ್ರೀ ರಾಮಚಂದ್ರ ದೇವರೆನ ದಿಗ್ವಿಜಯ ರಥಯಾತ್ರೆದ ಉಡುಪಿ ಜಿಲ್ಲಾ ಕಾರ್ಯಾಲಯ ಸಂತೆಕಟ್ಟೆ ಪರ ಡೈಲಿ ನೀಡ್ಸ್ ಕಟ್ಟಡದ ಸುರುತ್ತ ಮಹಡಿಡ್ ಐತಾರದಾನಿ ಕಾಂಡೆ 10.30 ಗಂಟೆಗ್ ಉದಿಪನ ಆಂಡ್.
ಸಮಿತಿದ ಗೌರವಾಧ್ಯಕ್ಷೆರಾಯಿನ ಶ್ರೀ ಹರಿಯಪ್ಪ ಕೋಟ್ಯಾನ್ ತುಡರ್ ಅರ್ಲಾದ್ ಕಾರ್ಯಾಲಯನ್ ಉದಿಪನ ಮಲ್ತುದ್ ಕಾರ್ಯಕ್ರಮಗ್ ಎಡ್ಡೆಪ್ಪು ಬಯಕಿಯೆರ್..ಕಾರ್ಯಕ್ರಮಡ್ ಮಲ್ಲ ಬಿನ್ನೆರಾದ್ ಉಪಸ್ಥಿತರಿತ್ತಿನ ಸಮಾಜಸೇವಕೆರು ಉದ್ಯಮಿ ಮುನಿಯಾಲು ಉದಯ್ ಕುಮಾರ್ ಶೆಟ್ಟಿ ಪಾತೆರ್ದ್ ಮಸ್ತ್ ವರ್ಷಡ್ದ್ ರಾಮ ಮಂದಿರ ಆವೊಡ್ ಅವ್ವೆನ್ ನಮ ಮಾತೆರ್ಲಾ ತೂವೊಡ್ ಪನ್ಪಿನ ನಮ್ಮ ಮಾತೆರೆನ ಆಶಯ.ಅಡೆಗ್ ನಮಕ್ ಪೋರೆಗಾಯಿಜಿಡಲಾ ಇಡೆಗ್ ಬರ್ಪಿನ ದಿಗ್ವಿಜಯ ಯಾತ್ರೆಡ್ ಪಾಲ್ ಪಡೆಯುನವ್ವೇ ನಮ್ಮ ಭಾಗ್ಯ ಪಂಡೆರ್.ಕಾಸ್ ದ ಪಿರಾವುಡ್ ಬಲಿಪುನ ಯುಗಟ್ ನಮ ಉಲ್ಲಾ.ಇಂಚಿನ ಧಾರ್ಮಿಕ ಕಾರ್ಯಕ್ರಮ ಮಲ್ಪುನ ಮುಖೇನ ಪೊ ಸ ಪೀಳಿಗೆಗ್ ಜಾಗ್ರತಿ ಪುಟ್ಟಾವುನ ಕೆಲಸ ಆವಡ್ ಪಂಡೆರು.ಈ ಸಂದರ್ಭಡ್ ಉಪಸ್ಥಿತರಿತ್ತಿನ ಸಮಿತಿಯ ಗೌರವಾಧ್ಯಕ್ಷೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಮೇರು ಪಾತೆರ್ದ್ ತುಳುನಾಡುದ ಜನತೆ ಧಾರ್ಮಿಕ ಕ್ಷೇತ್ರಗ್ ತನ್ನನೇ ಆಯಿನ ಕೊಡುಗೆನ್ ಕೊರ್ತೆರ್.ದೈವ ದೇವೆರು ಒವ್ವೇ ಒಂಜಿ ಪಕ್ಷಗ್ ಆವಡ್ ಒಂಜಿ ಜಾತಿಗಾವಡ್ ಸೀಮಿತ ಅತ್ತ್. .ಮಾತಾ ಪಕ್ಷದಕುಲು ಮಾತಾ ಜಾತಿದಕುಲು ಒಗ್ಗಟ್ಟಾದ್ ಮಲ್ಪುನ ಒಂಜಿ ಶಕ್ತಿ..ಈ ನಿಟ್ಟುಡ್ ನವೆಂಬರ್ 7‌ತಾರೀಕುದಾನಿ ನಡಪುನ ಶ್ರೀರಾಮನ ದಿಗ್ವಿಜಯ ಯಾತ್ರೆಡ್ ಮಾತೆರ್ಲಾ ಸಮಾನತೆಡ್ ಪಾಲ್ ಪಡೆದ್ ಕಾರ್ಯಕ್ರಮನ್ ಯಶಸ್ವಿ ಮಲ್ಪೊಡ್ ಪಂಡೆರು

.ಸಮಿತಿದ ಅಧ್ಯಕ್ಷೆರಾಯಿನ ಆನಂದ ಶೆಟ್ಟಿ ಅಧ್ಯಕ್ಷತೆಡಿತ್ತೆರ್.
ವೇದಿಕೆಡ್ ಮಹಿಳಾ ಪ್ರಮುಖರಾಯಿನ ತಾರ ಉಮೇಶ್ ಆಚಾರ್ಯ,ಮನೋಹರ್ ಶೆಟ್ಟಿ ತೋನ್ಸೆ,ಕ್ರಷ್ಣ ದೇವಾಡಿಗ ಕಲ್ಯಾಣಪುರ,ಕರುಣಾಕರ್ ಸಾಲ್ಯಾನ್, ಪ್ರಭಾಕರ ಪೂಜಾರಿ,ಗೀತಾ ರವಿ ಶೇಟ್,ಸಂಧ್ಯಾ ರಮೇಶ್,ರಾಮ ಪೂಜಾರಿ ಉಪಸ್ಥಿತರಿತ್ತೆರ್.

ಸಮಿತಿದ ಪ್ರಧಾನ ಕಾರ್ಯದರ್ಶಿ ವಿಜಯ ಕೊಡವೂರು ಪ್ರಾಸ್ತಾವಿಕ ಪಾತೆರ್ದ್ ,ಸಂಘಟನಾ ಕಾರ್ಯದರ್ಶಿ ರಾಧಕ್ರಷ್ಣ ಮೆಂಡನ್ ನಿರೂಪಣೆ ಮಲ್ತೆರ್.

ಈ ಪೊರ್ತುಡ್ ಸೇರ್ದಿನ ಮಾತೆರ್ಲಾ ಭಾರತಿ ಅಪ್ಪೆನ ಚಿತ್ರೊಗ್ ಪುರ್ಪ ಪಾಡುದ್ ಮಾನಾದಿಗೆ ಸಂದಾಯ್ತ ಮಲ್ತೆರ್.