ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಅಂಬಾಗಿಲು ವತಿಡ್ದ್ ಉಂದುವೇ ಬರ್ಪಿನ ಸೆ. 7ಡ್ದ್ 9ತಾರೀಕುಮುಟ್ಟ 36ನೇ ವರ್ಷದ ಸಾರ್ವಜನಿಕ ಗಣೇಶೋತ್ಸವ ಗೌಜಿಡ್ ನಡಪರೆಗುಂಡ್.7ತಾರೀಕುದಾನಿ ಕಾಂಡೆ 10 ಗಂಟೆಗ್ ಧಾರ್ಮಿಕ ವಿಧಿವಿಧಾನದೊಟ್ಟುಗ್ ಗಣೇಶನ ಮೂರ್ತಿ ಪ್ರತಿಷ್ಠಾಪನೆ ಆಪುಂಡ್.ದಿನೊಲಾ ಮಧ್ಹಾಹ್ನ ಬೊಕ್ಕ ಬಯ್ಯಗ್ ಮಹಾಪೂಜೆ ನಡಪುಂಡ್. ಬಯ್ಯಗ್ ದಿನೊಲಾ ಸಾಂಸ್ಕ್ರತಿಕ ಕಜ್ಜೊಲು ನಡಪರೆಗುಂಡ್.
.
ಅಂಬಾಗಿಲು ಸುಜಾತ ಕಾಂಪ್ಲೆಕ್ಸ್ ದ ಎದುರು ನಡಪುನ ಗಣೇಶೋತ್ಸವದ ಪ್ರಯುಕ್ತ 7ತಾರೀಕುಗ್ ಕಾಂಡೆ 10ಗಂಟೆಗ್ ಗಣಪತಿನ್ ಮೆರವಣಿಗೆಡ್ ಕನತುದ್ ಪ್ರತಿಷ್ಠಾಪನೆ ಆಪುಂಡ್. ಮಹಾಪೂಜೆ ಮಧ್ಯಾಹ್ನ ನಡಪುಂಡ್. ರಾತ್ರೆಗ್ 8ಗಂಟೆಗ್ ಪೂಜೆ ಆಯಿಬೊಕ್ಕ ಪ್ರಸಾದ ವಿತರಣೆ ಆಪುಂಡ್. ಆನಿ ಬಯ್ಯಗ್ 6 ಗಂಟೆಗ್ ನವಶಕ್ತಿ ಭಜನಾ ಮಂಡಳಿ ಪಡ್ಲನೆರ್ಗಿ ಕೊಡವೂರುದಕ್ಲೆನ ಭಜನೆ ನಡಪರೆಗುಂಡ್.ಸಾಂಸ್ಕ್ರತಿಕ ಕಜ್ಜೊಡು ರಿದಂ ಮ್ಯೂಸಿಕ್ ಸತೀಶ್ ಬನ್ನಂಜೆ ತಂಡದಕ್ಲೆನ ಸಂಗೀತ ರಸಮಂಜರಿ ನಡಪರೆಗುಂಡ್.
ಐತಾರ 8 ತಾರೀಕುಗ್ 5.30 ಗ್ ಅಂಬಾಗಿಲು ಜನತಾ ವ್ಯಾಯಾಮ ಶಾಲೆದಕ್ಲೆನ ಭಜನೆ ನಡಪರೆಗಿತ್ತುದ್, ಆನಿ ಬಯ್ಯಗ್ 7 ಗಂಟೆಡ್ದ್ ನಡಪುನ ಸಭಾಕಜ್ಜೊಡ್ 10 ನೇ ಕ್ಲಾಸ್ ಡ್ ಹೆಚ್ಚ ಅಂಕೊ ಪಡೆಯಿನ ಆಹ್ವಾನಿತ ಕನ್ನಡ ಶಾಲೆದ ಕಲ್ಪಾರ್ತಿಲೆಗ್ ಪ್ರತಿಭಾ ಪುರಸ್ಕಾರ ಬೊಕ್ಕ ಸಾಧಕೆರೆಗ್ ಸನ್ಮಾನ ನಡಪರೆಗುಂಡ್. ಸಭಾಕಜ್ಜೊ ಆಯಿಬೊಕ್ಕ ತೆಲಿಕೆದ ಕಲಾವಿದೆರ್ ಕೊಯಿಲ ಮೊಕ್ಲೆಡ್ದ್ ಪಾರ್ದನ ಆಧಾರಿತ ನಾಟಕ ಗೆಂದಗಿಡಿ ನಡಪರೆಗುಂಡ್
ಸೋಮವಾರ 9ತಾರೀಕುಗ್ ಮಧ್ಯಾಹ್ನ 4ಗಂಟೆಗ್ ವಿಸರ್ಜನಾ ಪೂಜಾ ಕಾರ್ಯಕ್ರಮಗ್ ಚಾಲನೆ. ಬಯ್ಯಗ್ 5 ಗಂಟೆಗ್ ವಿಸರ್ಜನಾ ಮೆರವಣಿಗೆ. ವಿಶೇಷ ಆಕರ್ಷಣೆ : ಜನತಾ ವ್ಯಾಯಾಮ ಶಾಲೆ ಅಂಬಾಗಿಲುದಕ್ಲೆನ ತಾಲೀಮು ಪ್ರದರ್ಶನ, ಒಟ್ಟುಡ್ ಟ್ಯಾಬ್ಲೋಲು, ಚೆಂಡೆ, ಕೀಲುಕುದುರೆ, ಡೋಲು, ಸುಡುಮರ್ದು ಪ್ರದರ್ಶನ ನಡಪರೆಗುಂಡ್.
by 