ಉಡುಪಿ ಪರ್ಯಾಯೋತ್ಸವದ ಸಂದರ್ಭಡ್ ವಾಡಿಕೆದ ಪ್ರಕಾರ ಭಾವೀ ಪರ್ಯಾಯ ಮಠಾಧೀಶೆರು ಮಧ್ವಾಚಾರ್ಯರೆಡ್ದ್ ವಿಶೇಷವಾದ್ ಅನುಗ್ರಹ ಪಡೆಯಿನ ಅಂಬಲಪಾಡಿ ಬೂಡು ಬೊಕ್ಕ ಚಿಟ್ಪಾಡಿ ಬೂಡುದ ಬಲ್ಲಾಳೆರೆನ ಇಲ್ಲಗ್ ಭೇಟಿ ಕೊರೊಡು .
ಆ ಪ್ರಕಾರ ಶ್ರೀ ಕೃಷ್ಣಾಪುರ ಶ್ರೀ ವಿದ್ಯಾಸಾಗರತೀರ್ಥ ಶ್ರೀಪಾದೆರು ಶುಕ್ರವಾರ ಬೈಯಗ್ ಅಂಬಲಪಾಡಿ ಶ್ರೀ ಜನಾರ್ದನ ಮಹಾಕಾಳಿ ದೇವಳಗ್ ಭೇಟಿ ಕೊರಿನೆಡ್ದ್ ಬೊಕ್ಕ ಬಲ್ಲಾಳೆರೆನ ಬೂಡುದ ಇಲ್ಲಗ್ ಪೋದ್ ಮಧ್ವಾಚಾರ್ಯೆರು ಪೂಜೆ ಮಲ್ತುದ್ ಕೊರ್ತಿನ ಗೋಪಾಲಕೃಷ್ಣ , ಶ್ರೀ ವಾದಿರಾಜ ಸ್ವಾಮಿಲು ಕೊರ್ತಿನ . ಶ್ರೀ ಹಯಗ್ರೀವ ದೇವೆರು ಶ್ರೀ ಪರಶುರಾಮದೇವರು , ಶ್ರೀ ವಾದಿರಾಜ ಸ್ವಾಮಿಲೆಡ್ದ್ ಪ್ರತಿಷ್ಠಾಪನೆ ಆತಿನ ಹನುಮ ಭೀಮ ಮಧ್ವರ ಏಕಶಿಲಾ ವಿಗ್ರಹ ಸನ್ನಿಧಿ ಬೊಕ್ಕ ಭೂತರಾಜೆರೆನ ಸನ್ನಿಧಿದ ದರ್ಶನ ಮಲ್ತೆರ್.
ಬೂಡುದ ಡಾ ನಿ ಬೀ ವಿಜಯ ಬಲ್ಲಾಳೆರು ಬೊಕ್ಕ ಕುಟುಂಬದಕುಲು ಶ್ರೀಪಾದೆರೆಗ್ ಗುರುಪೂಜೆ ಸಲ್ಲಿಸಾಯೆರ್ . ಬೂಡುದ ಬಲ್ಲಾಳೆರೆಗ್ ಶ್ರೀಪಾದೆರು ಪರ್ಯಾಯಗ್ ಆಮಂತ್ರಣ ಕೊರ್ದ್ ಆಶೀರ್ವಚನ ಮಲ್ತೆರ್.
ಅವ್ವೆಡ್ ಬೊಕ್ಕ ಶ್ರೀಕುಳು ವಿದ್ಯಾವಾಚಸ್ಪತಿ ಬನ್ನಂಜೆ ಗೋವಿಂದಾಚಾರ್ಯೆರೆನ ಈಶಾವಾಸ್ಯಂ ಇಲ್ಲಗ್ ಪೋದ್ ಶ್ರೀ ಗುರುರಾಯೆರೆನ ವೃಂದಾವನ ಸನ್ನಿಧಿದ ದರ್ಶನ ಪಡೆತುದ್ ಮಂಗಳಾರತಿ ಬೆಳಗಾಯೆರ್.
ವಿನಯಭೂಷಣ ಆಚಾರ್ಯ ದಂಪತಿಲು ಶ್ರೀಕುಲೆಗ್ ಗುರುಪೂಜೆ ಸಲ್ಲಿಸಾಯೆರ್.ಯಾಸ್ಕ ಆಚಾರ್ಯ , ವಾಸುದೇವ ಭಟ್ ಪೆರಂಪಳ್ಳಿ ವಿಘ್ನೇಶ್ ,ನರಸಿಂಹ ಭಟ್ ಉಪಸ್ಥಿತರಿತ್ತೆರ್ .
by 