ಉಡುಪಿ ಜಿಲ್ಲಾ ಬಿಲ್ಲವ ಯುವವೇದಿಕೆದ ವತಿಡ್ದ್ ಗುರುಸಂದೇಶ ಜಾಥಾ

ಉಡುಪಿ ಜಿಲ್ಲಾ ಬಿಲ್ಲವ ಯುವವೇದಿಕೆದ ವತಿಡ್ದ್ ಗುರುಸಂದೇಶ ಜಾಥಾ
ಬ್ರಹ್ಮಶ್ರೀ ನಾರಾಯಣ ಗುರುಕುಲೆನ 168ನೇ ಜನ್ಮದಿನೊತ್ತ ಪ್ರಯುಕ್ತ ಉಡುಪಿ ಜಿಲ್ಲಾ ಬಿಲ್ಲವ ಯುವವೇದಿಕೆದ ನೇತೃತ್ವಡ್ ಸಮಾಜದ ಬಿಲ್ಲವ ಸಂಘಟನೆಲೆನ ಸಹಕಾರದೊಟ್ಟುಗ್ ಸೆಪ್ಟೆಂಬರ್ 11 ತಾರೀಕು ಐತಾರದಾನಿ ಮಧ್ಯಾಹ್ನ 2 ಗಂಟೆಗ್ ಗುರುಸಂದೇಶದ ವಾಹನಜಾಥಾ ನಡಪರೆಗುಂಡ್.ಬನ್ನಂಜೆ ಬಿಲ್ಲವ ಸೇವಾ ಸಂಘಡ್ದ್ ಬೇತೆ ಬೇತೆ ಸಂಘಸಂಸ್ಥೆಲೆನ ನಾರಾಯಣಗುರುಕುಲೆನ ಅನುಯಾಯಿಲೆನ &ಗರೋಡಿ ಪ್ರಮುಖೆರೆನ ಉಪಸ್ಥಿತಿಟ್ ನಾರಾಯಣಗುರುಕುಲೆಗ್ ಗುರುಮಂದಿರಡ್ ಪ್ರಾರ್ಥನೆ ಮಲ್ತುದ್ ಬೊಕ್ಕ ಖ್ಯಾತ ಉದ್ಯಮಿ,ಸಮಾಜದ ಹಿರಿಯೆರಾಯಿನ ವಿಶ್ವನಾಥ ಸನಿಲ್ ಮೇರ್ ಗುರುಸಂದೇಶ ಜಾಥಾ ರಥೊಕ್ ಚಾಲನೆ ಕೊರ್ಪಿನ ಮುಖೇನ ಉದಿಪನ ಮಲ್ಪರೆಗುಲ್ಲೆರ್.ಗುರುಸಂದೇಶ ಜಾಥದ ರಥ ಮಲ್ಲ ಜಾಥದ ಮುಖೇನ ಬನ್ನಂಜೆಡ್ದ್ ಪಿದಾಡ್ದ್ ಸಿಟಿಬಸ್ ಸ್ಟ್ಯಾಂಡ್ ಜೋಡುಕಟ್ಟೆ ಮಾಗರ್ೊಡಾದ್ ಅಂಬಲ್ಪಾಡಿ,ಕಿದಿಯೂರು,ಕಲ್ಮಾಡಿ,ಮಲ್ಪೆ ವ್ರತ್ತೊಗ್ ಸುತ್ತು ಪಾಡ್ದ್ ವಡಭಾಂಡೇಶ್ವರ ವ್ರತ್ತ,ಸಿಟಿಜನ್ ಸರ್ಕಲ್ಡ್ದ್ ಕೊಡವೂರು ಗರಡಿಮಜಲು ಮಾಗರ್ೊಡ್ದ್ ಸಂತೆಕಟ್ಟೆ ಜಂಕ್ಷನ್ ರಾಷ್ಟ್ರೀಯ ಸಾದಿಡ್ದ್ ಸಾಗೊಂದ್ ಬನ್ನಂಜೆಡ್ 5.30 ಗಂಟೆಗ್ ಗುರುಪೂಜೆದೊಟ್ಟುಗ್ ಮುಗಿಯುಂಡ್.ಪ್ರತೀ ವರ್ಷ ಗುರುಜಯಂತಿದ ಪ್ರಯುಕ್ತ ಕಾರ್ಯಕ್ರಮೊಲೆನ್ ಮಲ್ತೊಂದುಪ್ಪುನ ಉಡುಪಿ ಜಿಲ್ಲಾ ಯುವವೇದಿಕೆ ಈ ಸತರ್ಿ ಗುರುಸಂದೇಶ ಥೇರುನ್ ಆಯೋಜನೆ ಮಲ್ದುಂಡ್.ನಾರಾಯಣ ಗುರುಕುಲು ಸಮಾಜ ಸುಧಾರಣೆಗಾದ್ ಮಲ್ದಿನ ವಿಶೇಷ ಸಾಧನೆಡ್ದ್ ಜಗದ್ಗುರುವಾದಿತ್ತುದ್ ಅರೆನ ತತ್ವ ಸಂದೇಶೊಲ್ ಸರ್ವಕಾಲಿಕ ಯೋಗ್ಯವಾಯಿನವ್ವ್.ಈ ನಿಟ್ಟುಡ್ ಗುರು ಸಂದೇಶದ ಅರಿವು ಬೊಕ್ಕ ಜಾಗ್ರತಿ ಪುಟ್ಟಾವುನ ರೀತಿಡ್ ಜಾಥ ನಡಪುಂಡ್.ಬಿಲ್ಲವ ಸಂಘ ಸಂಸ್ಥೆಲೆನ,ನಾರಾಯಣ ಗುರುಕುಲೆನ ಅನುಯಾಯಿಲು ಬೊಕ್ಕ ಬಿಲ್ಲವ ಬಂಧುಲು ಹೆಚ್ಚಾದ್ ಪಾಲ್ ಪಡೆದ್ ಗುರುಸಂದೇಶ ಜಾಥೊನ್ ಯಶಸ್ವಿ ಮಲ್ತ್ ಕೊರೊಡ್ ಪಂಡುದ್ ಉಡುಪಿ ಜಿಲ್ಲಾ ಬಿಲ್ಲವ ಯುವವೇದಿಕೆದ ಅಧ್ಯಕ್ಷೆರಾಯಿನ ಪ್ರವೀಣ್ ಎಮ್.ಪೂಜಾರಿ ಬೊಕ್ಕ ಪದಾಧಿಕಾರಿಲು ಪತ್ರಿಕಾಮುಖೇನ ಬಿನ್ನಪ ಮಲ್ತುದೆರ್.