ಬ್ರಹ್ಮಶ್ರೀ ನಾರಾಯಣ ಗುರುಕುಲೆನ 168ನೇ ಪುಟ್ಟು ದಿನಾಚರಣೆದ ಅಂಗವಾದ್ ಗುರುಕುಲೆನ ಸಂದೇಶೊಲೆನ್ ಪ್ರಸ್ತುತ ಮಲ್ಪುನ ಎಡ್ಡೆ ಉದ್ದೇಶಡಾದ್ ಉಡುಪಿ ಜಿಲ್ಲಾ ಬಿಲ್ಲವ ಯುವವೇದಿಕೆದ ನೇತ್ರತ್ವಡ್ ಜಿಲ್ಲೆದ ಬೇತೆ ಬೇತೆ ಸಂಘಸಂಸ್ಥೆಲೆನ ಸಹಭಾಗಿತ್ವಡ್ ಸೆ.11 ತಾರೀಕುದಾನಿ ಉಡುಪಿಡ್ ಗುರುಸಂದೇಶ ಜಾಥ ನಡತುಂಡ್.ಈ ಪೊರ್ತುಡ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆಯಿನ ನ ಕುದ್ರೋಳಿ ಗೋಕರ್ಣ ಕ್ಷೇತ್ರದ ಕೋಶಾಧಿಕಾರಿ ಪದ್ಮರಾಜ್ ಆರ್.ಪಾತೆರ್ದ್ ನಾರಾಯಣ ಗುರುಕುಲ್ ಸಮಾಜೊನ್ ಒಟ್ಟು ಮಲ್ದಿನ ರೀತಿನ್ ನಮ ಜೀವನೊಡ್ ಗಳಸೊಂದ್ ಎಡ್ಡೆ ರೀತಿದ ಬದುಕು ಮಲ್ಪೊಡ್ ಪಂಡೆರ್.ನಾರಾಯಣಗುರುಕುಲೆನ ತತ್ವೊನ್ ಪ್ರತೀ ಒರಿಲಾ ಜೀವನೊಡ್ ಆಳವಡಿಸಾವುನ ಅಗತ್ಯ ಉಂಡು ಪಂಡೆರ್.
ಕುಡೊರಿ ಮಲ್ಲ ಬಿನ್ನೆರಾಯಿನ ಅಂಬಲ್ಪಾಡಿ ಬಿಲ್ಲವ ಸಂಘದ ಅಧ್ಯಕ್ಷೆರಾಯಿನ ಗೋಪಾಲ್ ಸಿ.ಬಂಗೇರ ಪಾತೆರ್ದ್ ನಾರಾಯಣ ಗುರುಕುಲೆನ ಸಂದೇಶೊನ್ ಜಗತ್ತುಗ್ ತೆರಿಪಾವುನ ಅಗತ್ಯ ಉಂಡು ಪಂಡೆರ್.
ಬಿಲ್ಲವ ಯುವ ವೇದಿಕೆದ ಜಿಲ್ಲಾಧ್ಯಕ್ಷೆರಾಯಿನ ಪ್ರವೀಣ್ ಪೂಜಾರಿ ಅಧ್ಯಕ್ಷೀಯ ಪಾತೆರೊಡ್ ಒಂಜೇ ಮತ,ಒಂಜೇ ಜಾತಿ,ಒಂಜೇ ದೇವೆರ್ ಪನ್ಪಿನ ತತ್ವ ದೇಶೊಡ್ ಶಾಂತಿ ಕಾತೊನರೆಗ್ ಅನ್ವಯ ಆಪುಂಡ್.ಆ ನಿಟ್ಟುಡ್ ಗುರುಸಂದೇಶೊನ್ ಜನತೆಗ್ ಮುಟ್ಟಾವುನ ಗುರುಸಂದೇಶ ಜಾಥನ್ ವೇದಿಕೆದ ಮುಖೇನ ಮಲ್ತುದ.ಈ ಜಾಥಗ್ ಉಡುಪಿ ಜಿಲ್ಲೆದ ಮಾತಾ ಬಿಲ್ಲವ ಸಂಘಟನೆದಕುಲು ಸಹಕಾರ ಕೊರ್ತೆರ್ ಪಂಡುದ್ ಅಕ್ಲೆಗ್ ಸೊಲ್ಮೆ ಸಂದಾಯ್ತ ಮಲ್ತೆರ್.
ಬನ್ನಂಜೆ ಬಿಲ್ಲವ ಸೇವಾಸಂಘೊಡ್ ಗುರುಪ್ರಾರ್ಥನೆ ಮಲ್ತಿನೇಡ್ ಬೊಕ್ಕ ಸಮಾಜದ ಹಿರಿಯ ಗಣ್ಯೆರಾಯಿನ ವಿಶ್ವನಾಥ್ ಸನಿಲ್ ಗುರುಸಂದೇಶ ಜಾಥಗ್ ಚಾಲನೆ ಕೊರಿಯೆರ್.ವೇದಿಕೆದ ಜಿಲ್ಲಾಧ್ಯಕ್ಷೆರಾಯಿನ ಪ್ರವೀಣ್ ಎಮ್.ಪೂಜಾರಿ ಮೆರೆನ ನೇತ್ರತ್ವಡ್ ನಡತಿನ ಈ ಕಜ್ಜೊಡ್ ಮಲ್ಲ ಬಿನ್ನೆರಾದ್ ,ಕಾಪು ಬಿಲ್ಲವ ಸಂಘದ ಗೌರವಾಧ್ಯಕ್ಷೆರಾಯಿನ ಪ್ರಭಾಕರ ಪೂಜಾರಿ,ಪಡುಬಿದ್ರಿ ಬಿಲ್ಲವ ಸಂಘದ ಅಧ್ಯಕ್ಷೆರಾಯಿನ ವೈ.ಸುಧೀರ್,ಬನ್ನಂಜೆ ಬಿಲ್ಲವ ಸಂಘದ ಅಧ್ಯಕ್ಷೆರಾಯಿನ ಆನಂದ ಪೂಜಾರಿ,ನ್ಯಾಯವಾದಿ ಸಂಕಪ್ಪ ಎ.ಉಪಸ್ಥಿತರಿತ್ತೆರ್.
ಕಾರ್ಯಕ್ರಮೊಡ್ ಬೇತೆ ಬೇತೆ ಬಿಲ್ಲವ ಸಂಘದ ಗುರಿಕಾರೆ ಬೊಕ್ಕ ಪದಾಧಿಕಾರಿಲೆನ ಉಪಸ್ಥಿತಿ ಇತ್ತುಂಡ್.
ಸಂತೆಕಟ್ಟೆ ಬಿಲ್ಲವ ಸಂಘದ ಅಧ್ಯಕ್ಷೆರ್ ಶೇಕರ್ ಗುಜ್ಜರ್ ಬೆಟ್ಟು ,ಮಲ್ಪೆ ಬಿಲ್ಲವ ಸಂಘದ ಅಧ್ಯಕ್ಷೆರಾಯಿನ ಕ್ರಷ್ಣಪ್ಪ ಜತ್ತನ್,ಉದ್ಯಾವರ ಬಿಲ್ಲವ ಸಂಘದ ಸತೀಶ್ ಕೋಟ್ಯಾನ್,ಮೂಡುಬೆಟ್ಟುದ ರಮೇಶ್ ಬಂಗೇರ,ಹೂಡೆದ ಶಂಕರ್ ಆಂಚನ್,ಕಿದಿಯೂರುದ ಹರೀಶ್ ಎಮ್.ಕೆ.,ಕಡೆಕಾರ್ ದ ಶೇಖರ್ ಪಿ.ಅಮೀನ್,ಕುತ್ಪಾಡಿದ ಹರೀಶ್ ಸುವರ್ಣ,ಕಕ್ಕುಂಜೆದ ದಿನಕರ ಪೂಜಾರಿ,ಗರಡಿಮಜಲು ವೀರಮಾರುತಿ ಭಜನಾ ಮಂದಿರದ ಸತೀಶ್ ಪೂಜಾರಿ,ಕುತ್ಪಾಡಿ ಪಡುಕೆರೆ ನಾರಾಯಣ ಗುರು ಭಜನಾ ಮಂದಿರದ ಪ್ರದೀಪ್ ಪಾಲನ್,ಮಟ್ಟು ತೆಂಕು ಕೊಪ್ಪ ನಾರಾಯಣ ಗುರು ಮಂದಿರದ ರಮೇಶ್ ಸುವರ್ಣ,ಇಂದಿರಾನಗರದ ಗೋಪಾಲ ಪೂಜಾರಿ,ಶ್ರೀ ಬ್ರಹ್ಮಬೈದರ್ಕಳ ಪಂಚ ಧೂಮಾವತಿ ಗರಡಿ(ರಿ),ಬಿಲ್ಲವ ಒಕ್ಕೂಟ (ರಿ) ತೋನ್ಸೆ,ಮಂಚಿ ಯುವವಾಹಿನಿ ಉಡುಪಿದ ಪ್ರವೀಣ್ ಡಿ.ಪೂಜಾರಿ, ಕಟಪಾಡಿ ಯುವವಾಹಿನಿದ ಸುನೀಲ್ ಡಿ.ಬಂಗೇರ,ಕೊಡವೂರು ನಾರಾಯಣ ಗುರು ಬಳಗದ ಬಾಲಕ್ರಷ್ಣ ಕೊಡವೂರು,ನಮ ಬಿರುವೆರ್ ಹಿರಿಯಡಕದ ರವೀಂದ್ರ ಪೂಜಾರಿ,ಪಂಚಶಕ್ತಿ ಭಜನಾ ಮಂಡಳಿ,ಕಾಪು,ಶ್ರೀದೇವಿ ಮಹಿಳಾ ಘಟಕ ಹೂಡೆ,ಬಿಲ್ಲವ ಸಮಾಜದ ಇತ್ತೆದ ಬೊಕ್ಕ ಮಾಜಿ ನಗರಸಭೆ & ಗ್ರಾಮಪಂಚಾಯತ್ ಸದಸ್ಯೆರ್,ಶ್ರಮಿಕ ತರುಣೆರೆನ ತಂಡದ ಸಂತೋಷ್ ಬೈರಂಪಳ್ಳಿ ಪಾಲ್ ಪಡೆಯೆರ್.
ವೇದಿಕೆದ ಗೌರವ ಸಲಹೆಗಾರೆರಾಯಿನ ಪಾಂಗಾಳಗುಡ್ಡೆ ಗರಡಿಮನೆ ಸುಧಾಕರ್ ಡಿ.ಅಮೀನ್,ಮಾಧವ ಆರ್.ಪಾಲನ್ ಕಾಪು,ಓಬು ಪೂಜಾರಿ,ಶೇಖರ ಪೂಜಾರಿ ಗರಡಿಮನೆ ಮಾರ್ಪಳ್ಳಿ,ರಾಮಪೂಜಾರಿ ಕುತ್ಪಾಡಿ,ರಘುನಾಥ್ ಮಾಬಿಯಾನ್ ಕೊಡಂಕೂರು,ಶೇಖರ ಪೂಜಾರಿ ಅಂಜಾರು,ಉಪಸ್ಥಿತರಿತ್ತುದ್ ಜಾಥಗ್ ಮಾರ್ಗದರ್ಶನ ಕೊರಿಯೆರ್.
ವೇದಿಕೆದ ಉಪಾಧ್ಯಕ್ಷೆರಾಯಿನ ಮಹೇಶ್ ಕುಮಾರ್ ಸ್ವಾಗತ ಮಲ್ತುದ್,ಗೌರವಾಧ್ಯಕ್ಷೆರಾಯಿನ ದಿವಾಕರ್ ಎಮ್.ಸನಿಲ್ ಪ್ರಾಸ್ತಾವಿಕ ಪಾತೆರಿಯೆರ್.
by 