ಮಲ್ಪೆ ಕಡಲಬರಿತ್ತ ಜ್ಞಾನ ಜ್ಯೋತಿ ಭಜನಾಮಂದಿರಡ್ ಡಿ.28 ಗ್ ಅಖಂಡ ಭಜನಾ ಸಪ್ತಾಹದ ಪೂರ್ವಭಾವಿಯಾದ್ ಇಲ್ಲ ಇಲ್ಲಡ್ ಭಜನೆದ ಉದಿಪನ..

ಶ್ರೀ ಜ್ಞಾನ ಜ್ಯೋತಿ ಭಜನಾ ಮಂದಿರ ಕಡಲಬರಿ ಮಲ್ಪೆಡ್ 47 ನೇ ವರ್ಷದ ವಾರ್ಷಿಕ ಮಂಗಲೋತ್ಸವ ಬೊಕ್ಕ 14 ನೇ ವರ್ಷದ ಅಖಂಡ ಭಜನಾ ಸಪ್ತಾಹದ ಪೂರ್ವಭಾವಿಯಾದ್ ಇಲ್ಲ ಇಲ್ಲಡ್ ನಡಪುನ ಭಜನಾ ಕಾರ್ಯಕ್ರಮ ಉಂದುವೇ ಬರ್ಪಿನ ಡಿಸೆಂಬರ್ 28 ತಾರೀಕುದಾನಿ ಬಯ್ಯಗ್ 5.30 ಗಂಟೆಗ್ ಉದಿಪನ ಆವರೆಗುಂಡ್.
ಕಾರ್ಯಕ್ರಮೊನ್ ಉಡುಪಿ ವಿಶ್ವ ಹಿಂದೂ ಪರಿಷತ್ ದ ಮಾಜಿ ಅಧ್ಯಕ್ಷೆರಾಯಿನ ರಾಘವೇಂದ್ರ ಆಚಾರ್ಯ, ದ.ಕ.ಮೊಗವೀರ ಮಹಾಜನ ಸಂಘ(ರಿ) ಉಚ್ಚಿಲದ ಅಧ್ಯಕ್ಷೆರಾಯಿನ ಜಯ ಸಿ.ಕೋಟ್ಯಾನ್,ಉದ್ಯಾವರದ ಸಂಗೀತ ಶಿಕ್ಷಕಿ ಧನ್ಯ ಉದ್ಯಾವರ,ಕೋಟೆ ಕಟಪಾಡಿ ಮೆಂಡನ್ ಮೂಲಸ್ಥಾನದ ಅಧ್ಯಕ್ಷೆರಾಯಿನ ಸುಧಾಕರ್ ಮೆಂಡನ್,ಸಾಫಲ್ಯ ಟ್ರಸ್ಟ್ (ರಿ) ಉಡುಪಿದ ಪ್ರವರ್ತಕೆರಾಯಿನ ನಿರುಪಮಾ ಪ್ರಸಾದ್ ಶೆಟ್ಟಿ ಮೊಕುಲು ಮಲ್ಲ ಬಿನ್ನೆರಾದ್ ಪಾಲ್ ಪಡೆಯರೆಗುಲ್ಲೆರ್.ಭಗವದ್ಭಕ್ತೆರ್ ಹೆಚ್ಚಿನ ಸಂಖ್ಯೆಡ್ ಪಾಲ್ ಪಡೆದ್ ಕಜ್ಜೊನ್ ಯಶಸ್ವಿ ಮಲ್ತ್‌ ಕೊರೊಡು ಪಂಡುದ್ ಜ್ಞಾನ ಜ್ಯೋತಿ ಭಜನಾ ಮಂದಿರ ಬೊಕ್ಕ ಮಾತ್ರ ಮಂಡಳಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಬಿನ್ನಪ ಮಲ್ತುದೆರ್.