ಕಟಪಾಡಿ ನೇಮೋತ್ಸವ..

ಫೆಬ್ರುವರಿ.17 ಬೊಕ್ಕ  18 ತಾರೀಕುಗ್ ಕಟಪಾಡಿದ  ಶ್ರೀ ಬಬ್ಬುಸ್ವಾಮಿ ಕ್ಷೇತ್ರೊಡ್  ರಡ್ಡನೇ ವರ್ಷದ ನೇಮೋತ್ಸವ  ನಡಪರೆಗುಂಡ್. ಆ ಪ್ರಯುಕ್ತ ಫೆ.17ಗ್  ಕಾಂಡೆ ಚಪ್ಪರ ಮುಹೂರ್ತ ಬೊಕ್ಕ  ಮಧ್ಯಾಹ್ನ ಅನ್ನಸಂತರ್ಪಣೆ ನಡಪರೆಗಿತ್ತುದ್, ಬಯ್ಯಗ್  ಬಬ್ಬುಸ್ವಾಮಿ ಬೊಕ್ಕ  ಪರಿವಾರ ದೈವೊಲೆನ  ನೇಮೋತ್ಸವ ನಡಪರೆಗುಂಡ್.. ಈ ನೇಮೋತ್ಸವಡ್  ಊರ್ದ  ಪರವೂರ್ದ ಭಕ್ತಾದಿಲು  ಹೆಚ್ಚಿಗೆ ಸಂಖ್ಯೆಡ್  ಪಾಲ್ ಪಡೆದ್  ಗಂಧ ಪ್ರಸಾದ ಸ್ವೀಕರಿಸಾವೊಡ್ ಪಂಡುದ್ ಸಮಿತಿದಕುಲು ಬಿನ್ನಪ ಮಲ್ತುದೆರ್. ಫೆಬ್ರವರಿ -17 ಗ್  ಶನಿವಾರ ನಡಪುನ  ಸಿರಿಸಿಂಗಾರದ ನೇಮೋತ್ಸವಡ್ ಶ್ರೀ ಪಂಚಮಿ ಭಜನಾ ತಂಡ,ಉಡುಪಿ ಮೊಕ್ಲೆಡ್ದ್  ಭಜನಾ ಸಂಕೀರ್ತನೆ ಕಾಂಡೆ  10 ಡ್ದ್  12 ಗಂಟೆ ಮುಟ್ಟ ನಡಪರೆಗುಂಡ್. 12 ಡ್ದ್  2.30ಮುಟ್ಟ  ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ಪ್ರಕಾಶ್ ಸುವರ್ಣ ಕಟಪಾಡಿ ಬೊಕ್ಕ ಬಳಗದಕ್ಲೆಡ್ದ್  ಭಕ್ತಿ ರಸಮಂಜರಿ ಕಾರ್ಯಕ್ರಮ ನಡಪರೆಗುಂಡ್. ಆನಿ  ಬಯ್ಯಗ್ ನೇಮೋತ್ಸವಗ್  ಮಿತೆರ್ಲಾ  ತನು ಮನ ಧನ ಸಹಾಯ ಕೊರ್ದ್  ಸಹಕಾರ ಕೊರೊಡುಂದ್  ಈ ಮೂಲಕ ಬಿನ್ನಪ.