ಎ. 9ಪೊಸ ಮಾರಿಗುಡಿ ಬ್ರಹ್ಮಕಲಶೋತ್ಸವಗ್ ಚಾಲನೆ

ಕಾಪು ಶ್ರೀ ಹೊಸ ಮಾರಿಗುಡಿ ದೇವಸ್ಥಾನಡ್  ಜೀರ್ಣೋದ್ಧಾರ ಕಾರ್ಯೊಲು ಪಗೆಲು ರಾತ್ರೆ  ಬಾರೀ ಜೋರುಡ್  ಸಾಗೊಂದಿತ್ತುದ್ದು, ಪ್ರತಿಷ್ಠಾ ಬ್ರಹ್ಮಕಲಶೋತ್ಸವಗ್  ಕ್ಷಣಗಣನೆ ಆರಂಭವಾತುಂಡ್.
ಧಾರ್ಮಿಕ ಕಾರ್ಯಕ್ರಮದೊಟ್ಟುಗ್  09-04-2024ನೇ ಮಂಗಳವಾರ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವಗ್ ಚಾಲನೆ ಕೊರ್ರೆಗಿತ್ತುದ್, ಕಟ್ಟಡ ಕಾಮಗಾರಿಲೆಗ್  ಶಿಲಾನ್ಯಾಸದೊಟ್ಟುಗ್  ಧಾರ್ಮಿಕ ಸಭೆ ನಡಪರೆಗುಂಡ್.
ಆ ಪ್ರಯುಕ್ತ 03-04-2024ನೇ ಬುಧವಾರ ದೇವಳದ ನೌಕರರ ಸಭೆ  ಅಭಿವೃದ್ಧಿ ಸಮಿತಿದ  ಅಧ್ಯಕ್ಷೇರಾಯಿನ  ಶ್ರೀ ಕೆ. ವಾಸುದೇವ ಶೆಟ್ಟಿ ಮೆರೆನ ಉಪಸ್ಥಿತಿಡ್  ಅಭಿವೃದ್ಧಿ ಸಮಿತಿದ  ಕಚೇರಿಡ್  ನಡತುಂಡ್.
ಈ ಸಂದರ್ಭಡ್  ವ್ಯವಸ್ಥಾಪನಾ ಸಮಿತಿದ  ಅಧ್ಯಕ್ಷೆರಾಯಿನ  ಶ್ರೀ ರಮೇಶ್ ಹೆಗ್ಡೆ ಕಲ್ಯಾ, ದೇವಳದ ಪ್ರಧಾನ ಅರ್ಚಕೆರಾಯಿನ ವೇದಮೂರ್ತಿ ಶ್ರೀ ಶ್ರೀನಿವಾಸ ತಂತ್ರಿ ಕಲ್ಯಾ, ವ್ಯವಸ್ಥಾಪನಾ ಸಮಿತಿದ  ಮಾಜಿ ಅಧ್ಯಕ್ಷೆರು ಬೊಕ್ಕ  ಜೀರ್ಣೋದ್ಧಾರ ಸಮಿತಿದ  ಗೌರವ ಸಲಹೆಗಾರೆರಾಯಿನ  ಶ್ರೀ ರತ್ನಾಕರ ಶೆಟ್ಟಿ ನಡಿಕೆರೆ, ಪ್ರಚಾರ ಸಮಿತಿದ  ಪ್ರಧಾನ ಸಂಚಾಲಕೆರಾಯಿನ  ಶ್ರೀ ಯೋಗೀಶ್ ವಿ. ಶೆಟ್ಟಿ ಬಾಲಾಜಿ, ಪ್ರಬಂಧಕೆರಾಯಿನ  ಶ್ರೀ ಗೋವರ್ಧನ್ ಸೇರಿಗಾರ್ ಬೊಕ್ಕ  ಬಾಕಿದಕುಲು ಉಪಸ್ಥಿತರಿತ್ತೆರು.