ಕಾಪು ಮಾರಿಗುಡಿಟ್ ಪೆತ್ತೊಲೆನ್ ಮೇಪಾವುನ ಕಜ್ಜೊ.

ಕಾಪು ಮಾರಿಯಮ್ಮನ ಕ್ಷೇತ್ರಡ್ ಪ್ರಧಾನ ತಂತ್ರಿಲಾಯಿನ ಕೊರಂಗ್ರಪಾಡಿ ವಿದ್ವಾನ್ ಕೆ. ಪಿ. ಕುಮಾರಗುರು ತಂತ್ರಿಲೆನ ನೇತೃತ್ವಡ್ ಬ್ರಹ್ಮಕಲಶೋತ್ಸವಗ್  ದಿನ ನಿಗದಿಯಾದಿತ್ತುದ್ ಆ ಪ್ರಯುಕ್ತ ಕೆಲವು ಧಾರ್ಮಿಕ ಕಾರ್ಯಕ್ರಮಲು  ನಡಪರೆಗಿತ್ತುದ್ದು ಏಪ್ರಿಲ್ 9ಗ್  ಸಾನಿಧ್ಯ, ವೃದ್ಧಿಗಾದ್ ಭೂಕರ್ಷನ ಖನನ, ಹರಣ, ದಾಹ, ಪೂರಣ  ಬೊಕ್ಕ ನವಧಾನ್ಯ ಬಿತ್ತುದುಂಡ್,ಆ ಬಿತ್ತು ಮುಂಗೆ ಬತ್ತುದುಂಡ್.

ಗರ್ಭಗುಡಿಟ್  ಮುಂಗೆಬತ್ತಿನ ನವಧಾನ್ಯಲೆನ್ ಪೆತ್ತೊಲು ಮೇಪುನ ಕಾರ್ಯಕ್ರಮ ಏಪ್ರಿಲ್ 30 ತಾರೀಕುಗ್  ಕಾಂಡೆ  10 ಗಂಟೆಗ್ ಸರಿಯಾದ್  ನಡಪರೆಗುಂಡ್.

ಶ್ರೀಕೃಷ್ಣನ ಕೊಳಲು ವಾದನ ದೊಟ್ಟುಗ್ ಪೆತ್ತೊಲೆನ್ ಗರ್ಭಗುಡಿಮುಟ್ಟ ಲೆಸೊಂದ್ ಪೋದ್  ಪೂಜೆ ಮಲ್ಪುನ ಕಜ್ಜೊ ನಡಪರೆಗುಂಡ್. ಈ ಕಜ್ಜೊಡ್ , ಸಮಿತಿದ ಸದಸ್ಯೆರು ಬೊಕ್ಕ  ಭಕ್ತಾದಿಲೆಡ್ದ್  ವಿಶೇಷ ಭಜನೆ ಬೊಕ್ಕ  ಕಾರ್ಯಕ್ರಮಲು  ನಡಪರೆಗುಂಡ್.

9 ಪೆತ್ತೊಳು ಸಾನಿಧ್ಯಡಿತ್ತುದ್ ,ಪೆತ್ತೊಲೆಗ್  ಮೇವು ಕೊರ್ದ್ ಗೋಪೂಜೆ ನಡಪಾವುನ ಕಾರ್ಯಕ್ರಮನೇ ಗೋನಿವಾಸ.

ಭಕ್ತಾದಿಲು  ಈ ಪುಣ್ಯ ಕಾರ್ಯಡ್  ಪಾಲ್ ಪಡೆದ್ ಮಾರಿಯಮ್ಮನ ಅನುಗ್ರಹಗ್  ಪಾತ್ರರಾವೊಡು ಪಂಡುದ್ ದೇವಳದ ಅಭಿವೃದ್ಧಿ ಸಮಿತಿದ ಅಧ್ಯಕ್ಷರಾಯಿನ  ಕೆ. ವಾಸುದೇವ ಶೆಟ್ಟಿ ಮೇರು ಪ್ರಕಟಣೆಡ್  ತೆರಿಪಾದೆರ್.