ಕೊಂಡಾಡಿ ಮಹಾಲಿಂಗೇಶ್ವರ ದೇವೆರೆಗ್ ಪೊಸ ರಥ ಸಮರ್ಪಣೆ..

ಕುದಿಗ್ರಾಮದ ಕೊಂಡಾಡಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ಪೊಸ ರಥತ್ತ ಸಮರ್ಪಣಾಪೂರ್ವಕ ಬ್ರಹ್ಮಕುಂಭಾಭಿಷೇಕ,ಬೊಕ್ಕ ರಂಗಪೂಜೆ ಸಹಿತ ಮಹಾರಥೋತ್ಸವ ಫೆ.6 ಬೊಕ್ಕ7 ತಾರೀಕುದಾನಿ ಗೌಜಿಡ್ ನಡತುಂಡ್.

6 ತಾರೀಕುದಾನಿ ನಡತಿನ ಸಭಾಕಜ್ಜೊನ್ ಕಟೀಲು ದುರ್ಗಾಪರಮೇಶ್ವರಿ ದೇವಸ್ಥಾನದ ಅಸ್ರಣ್ಣೆರ್ ಉದಿಪನ ಮಲ್ತುದ್ ಆಶೀರ್ವಚನ ಮಲ್ತೆರ್.ವೇದಿಕೆಡ್ ಮಲ್ಲ ಬಿನ್ನೆರಾದ್ ಮಾಜಿ ಸಚಿವೆರಾಯಿನ ವಿನಯ್ ಕುಮಾರ್ ಸೊರಕೆ,ಉದ್ಯಮಿ ಸುರೇಶ್ ಶೆಟ್ಟಿ ಗುರ್ಮೆ ಉಪಸ್ಥಿತರಿತ್ತೆರ್.ಸಭಾ ಕಜ್ಜೊಡ್ ದೇವಸ್ಥಾನೊಗ್ ಸಹಕಾರ ಕೊರಿನ ದಾನಿಲೆಗ್ ಮಾನಾದಿಗೆ ನಡತುಂಡ್.ಬೊಕ್ಕ ಆನಿ ರಾತ್ರೆಡ್ ಸಾಂಸ್ಕೃತಿಕ ಕಜ್ಜೊ ನಡತುಂಡ್.

7 ತಾರೀಕುದಾನಿ ಕಾಂಡೆ ಬ್ರಹ್ಮಕುಂಭಾಭಿಷೇಕ,ರಥಾರೋಹಣ,ಅನ್ನಸಂತರ್ಪಣೆ ನಡತುಂಡ್.ಬೈಯಗ್ ಮಹಾರಥೋತ್ಸವ,ರಂಗಪೂಜೆ,ಭೂತಬಲಿ ನಡತುಂಡ್.