ಉಡುಪಿ: ಭಾವೀ ಪರ್ಯಾಯ ಉಡುಪಿ ಶ್ರೀ ಪುತ್ತಿಗೆ ಮಠದ ಪೀಠಾಧೀಶರಾಯಿನ ಶ್ರೀ ಶ್ರೀ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದೆರೆನ ಜಾಗತಿಕ ಧಾರ್ಮಿಕ ಬೃಹತ್ ಸಂಕಲ್ಪ “ಕೋಟಿಗೀತಾಲೇಖನ ಯಜ್ಞ” ದ ನೋಂದಣಿ ಅಭಿಯಾನ ಕೇಂದ್ರ ಶ್ರೀಕ್ಷೇತ್ರ ಧರ್ಮಸ್ಥಳಡ್ ಸುರು ಆತುಂಡ್.
ಧರ್ಮಾಧಿಕಾರಿ ರಾಜರ್ಷಿ ಡಾ. ಡಿ. ವೀರೇಂದ್ರ ಹೆಗ್ಗಡೆರ್ ವಿಧಾನ ಪರಿಷತ್ ಸದಸ್ಯ ಶ್ರೀ ಪ್ರತಾಪಸಿಂಹ ನಾಯಕ್ ಅರೆಗ್ ಕೋಟಿಗೀತಾಲೇಖನ ಯಜ್ಞದ ಹೊತ್ತಗೆಲೆನ್ ಕೊರ್ಪಿನ ಮುಖೇನ ಯಜ್ಞದೀಕ್ಷೆ ಕೊರ್ದ್ ಸುರುತ್ತ ನೋಂದಣಿ ಮಲ್ಪಾಯೆರ್.. ತನ್ನ ಚತುರ್ಥ ಪರ್ಯಾಯದ ಪ್ರಧಾನ ಯೋಜನೆಯಾದ್ ಪುತ್ತಿಗೆ ಶ್ರೀಪಾದೆರು ಈ ಬೃಹತ್ ಸಂಕಲ್ಪನ್ ಮಲ್ದಿತ್ತುದ್, ಪ್ರತಿಯೊರಿಲಾ ಭಗವದ್ಗೀತೆನ್ ಬರೆಪಿನ ಮುಖೇನ ತನ್ನ ಬೌದ್ಧಿಕ ಸ್ತರೊನ್ ವಿಸ್ತಾರ ಮಲ್ತೊನೊಲಿ ಪಂಡುದ್ ಶುಭ ಹಾರೈಸಿಯೆರು..ಈ ಸಂದರ್ಭಡ್ ಮಡಿಕೇರಿ, ಅಮ್ಮತ್ತಿ, ಶಿವಮೊಗ್ಗ, ಕುಶಾಲನಗರದ ಆಯ್ದ ಯಜ್ಞಕರ್ತೆರೆಗ್ ಖಾವಂದೆರು ಪುಸ್ತಕೊಲೆನ್ ಕೊರ್ದ್ ಅಶೀರ್ವಾದ ಮಲ್ತೆರು.
ಶ್ರೀ ಮಠದ ದಿವಾನೆರಾಯಿನ ನಾಗರಾಜ ಆಚಾರ್ಯ, ಸಂಕರ್ಷಣ ಪ್ರಖಂಡದ ಪ್ರಚಾರಕ ಕೆ.ವಿ. ರಮಣಾಚಾರ್ಯ, ಪ್ರದ್ಯುಮ್ನ ಪ್ರಖಂಡದ ಪ್ರಚಾರಕ ರಮೇಶ್ ಭಟ್, ಅಂತರ್ಯಾಮಿಯ ನಂದನ್ ದಳವಾಯಿ, ಪ್ರಮೋದ್ ಸಾಗರ್ ಉಪಸ್ಥಿತರಿತ್ತೆರು.
ಶ್ರೀಕ್ಷೇತ್ರದ ವಸಂತಮಹಲ್‍ ಡ್ ಕೇಂದ್ರ ಕಾರ್ಯಾಚರಣೆ ಮಲ್ಪರೆಗಿತ್ತುದ್ ನಿಗದಿತ ದಿನ ಬೊಕ್ಕ ಅವಧಿಲೆಡ್ ಗೀತೆ ಬರೆಪಿನ ಪುಸ್ತಕಲೆನ್ ವಿತರಣೆ ಮಲ್ತುದ್ ಯಜ್ಞದೀಕ್ಷೆ ಕೊರ್ಪೆರ್.. ಸ್ವಯಂ ಸೇವಕರಾಪಿನಕುಲು ಬೊಕ್ಕ ಹೆಚ್ಚಿಗೆ ಮಾಹಿತಿಗಾದ್ 8792158946 ನಂರ್ ನ್ ಸಂಪರ್ಕ ಮಲ್ಪೊಲಿ ಪಂಡುದು ಕೋಟಿಗೀತಾಲೇಖನ ಯಜ್ಞ ಸಮಿತಿ ಪ್ರಕಟಣೆಡ್ ತೆರಿಪಾದುಂಡ್.
by 