ಪರ್ಯಾಯೋತ್ಸವಗ್ ಭಕ್ತೆರ್ ಕೊರ್ಪಿನ ಭಕ್ತಿಪೂರ್ವಕ ಕಾಣಿಕೆಗ್ ಶ್ರೀ ಕ್ರಷ್ಣದೇವೆರ್ ಅನುಗ್ರಹ ಕೊರ್ಪೆರ್.

ಶ್ರೀಕೃಷ್ಣಾಪುರ ಮಠದ ಪರ್ಯಾಯೋತ್ಸವಗ್ ,ಭಕ್ತಾದಿಲು ಕೊರ್ಪಿನ ಪುದೆಕಾಣಿಕೆಲೆನ್ ಸಂಗ್ರಹ ಮಲ್ಪರೆಗ್ “ಸುಮೇಧ” ಉಗ್ರಾಣನ್ ಭಾವೀ ಪರ್ಯಾಯ ಕೃಷ್ಣಾಪುರ ಮಠಾಧೀಶೆರಾಯಿನ ಶ್ರೀ ವಿದ್ಯಾಸಾಗರತೀರ್ಥ ಶ್ರೀಪಾದೆರು ಉದೀಪನ ಮಲ್ತೆರ್.
ಕುಚೇಲೆ ಶ್ರೀಕೃಷ್ಣಗ್ ಮೂಜಿ ಪುಂಡಿ ಬಜಿಲುನ್ ಭಕ್ತಿಡ್ ಅರ್ಪಣೆ ಮಲ್ತೀನೇಕ್ ದೇವೆರು ಸಂತೋಷಡ್ ಸ್ವೀಕಾರ ಮಲ್ತುದ್ ಆಯಗ್ ಸಕಲೈಶ್ವರ್ಯನ್ ಕೊರ್ದ್ ಅನುಗ್ರಹ ಮಲ್ದೆ.
ಪರ್ಯಾಯಯೋತ್ಸವಗ್ ಭಕ್ತಾದಿಲು ಯಥಾನುಶಕ್ತಿ ಭಕ್ತಿಪೂರ್ವಕ ಕೊರ್ಪಿನ ಕಾಣಿಕೆನ್ ಸ್ವೀಕಾರ ಮಲ್ತುದ್ ಉಡುಪಿ ಶ್ರೀಕೃಷ್ಣದೇವೆರ್ ಮಾತೆರೆನ್ ಅನುಗ್ರಹ ಮಲ್ಪಡ್ ಪಂಡುದ್ ಸಂದೇಶ ಕೊರಿಯೆರ್.
ಈ ಸಂದರ್ಭಡ್ ,ಕಿದಿಯೂರು ಹೋಟೆಲುದ ಭುವನೇಂದ್ರ ಕಿದಿಯೂರು,ಕಲ್ಸನ್ಕ ಗಿರಿಜಾ ಸಿಲ್ಕ್ ದ ರಾಜಾರಾಮ್ ಪೈ,ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಗಣೇಶ್,ಪರ್ಯಾಯೋತ್ಸವ ಸಮಿತಿದ ಅಧ್ಯಕ್ಷೆರಾಯಿನ ಸೂರ್ಯನಾರಾಯಣ ಉಪಾಧ್ಯಾಯ,ಪ್ರಧಾನ ಕಾರ್ಯದರ್ಶಿ ವಿಷ್ಣುಪ್ರಸಾದ್ ಪಾಡಿಗಾರು ಬೊಕ್ಕ ಪದಾಧಿಕಾರಿಲು ಬೊಕ್ಕ ಉಡುಪಿ ಜಿಲ್ಲಾ ಯುವಬ್ರಾಹ್ಮಣ ಪರಿಷತ್ತುದ ಅಧ್ಯಕ್ಷೆರಾಯಿನ ಚೈತನ್ಯ ಎಮ್.ಜಿ.ಬೊಕ್ಕ ಭಕ್ತಾದಿಲು ಉಪಸ್ಥಿತರಿತ್ತೆರ್.