ಕಾಪುದ ಕೈತಲುದ ದಂಡ ತೀರ್ಥಡ್ ಶ್ರೀ ಕೃಷ್ಣಾಪುರ ಮಠಾಧೀಶೆರಾಯಿನ ಶ್ರೀ ವಿದ್ಯಾಸಾಗರತೀರ್ಥ ಶ್ರೀಪಾದೆರು ಮೀದು,.ಉಡುಪಿಗ್ ಬತ್ತುದ್ ಜೋಡುಕಟ್ಟೆಡ್ ಪಟ್ಟದ ದೇವರೆಗ್ ಮಂಗಳಾರತಿ ಬೆಳಗಾದ್ ಪರ್ಯಾಯ ಮೆರವಣಿಗೆ ಸುರು ಆಂಡ್.
ಉಡುಪಿದ ರಥಬೀದಿದ ಕನಕನ ಕಿಂಡಿಡ್ ಶ್ರೀ ಕೃಷ್ಣದೇವೆರೆನ ದರ್ಶನಮಲ್ತುದ್ ನವಗ್ರಹ ದಾನ ಕೊರ್ದ್ ಚಂದ್ರಮೌಳೀಶ್ವರ ಬೊಕ್ಕ ಅನಂತೇಶ್ವರ ದೇವರೆನ ದರ್ಶನ ಮಲ್ತುದ್ ಅನಂತೇಶ್ವರಡ್ ಶ್ರೀ ಮಧ್ವಾಚಾರ್ಯರ ಸನ್ನಿಧಿಡ್ ವಿಶೇಷ ಪೂಜೆ ನಡಪಾದ್ ಶ್ರೀ ಕೃಷ್ಣ ಮಠದ ಎದುರುಡ್ ಶ್ರೀ ಈಶಪ್ರಿಯ ತೀರ್ಥ ಶ್ರೀಪಾದೆರು ಸ್ವಾಗತ ಮಲ್ತೆರ್.ಶ್ರೀಕೃಷ್ಣ ದೇವರೆನ ದರ್ಶನ ಮಲ್ತುದ್ ಕೃಷ್ಣಾಪುರ ಮಠದ ಪಟ್ಟದ ದೇವರೆಗ್ ಮಂಗಳಾರತಿ ಬೆಳಗಾದ್ ಚಂದ್ರಶಾಲೆಡ್ ಪರ್ಯಾಯ ಅದಮಾರು ಮಠದ ವತಿಡ್ದ್ ಮಾಲಿಕೆ ಮಂಗಳಾರತಿ ನಡೆತುಂಡ್. ಮಧ್ವಾಚಾರ್ಯರೆನ ಸನ್ನಿಧಿದ ಎದುರು ಅದಮಾರು ಮಠಾಧೀಶೆರು ಕೃಷ್ಣಾಪುರ ಮಠಾಧೀಶೆರೆಗ್ ಅಕ್ಷಯ ಪಾತ್ರೆ ಹಸ್ತಾಂತರ ಮಲ್ತೆರ್.ಬೊಕ್ಕ ಕೃಷ್ಣಾಪುರ ಮಠಾಧೀಶೆರಾಯಿನ ಶ್ರೀ ವಿದ್ಯಾಸಾಗರತೀರ್ಥ ಶ್ರೀಪಾದೆರು ನಾಲನೇ ಸರ್ತಿಗ್ ಸರ್ವಜ್ಞ ಪೀಠಾರೋಹಣ ಮಲ್ತೆರ್.
ಪರ್ಯಾಯ ಶ್ರೀಕ್ಲೆಡ್ದ್ ಬಡಗುಮಾಳಿಗೆದ ಅರಳು ಗದ್ದುಗೆಡ್ ಗಂದಾದ್ಯುಪಚಾರ, ಅಷ್ಟ ಮಠಾಧೀಶೆರೆಡ್ದ್‌ ಪಟ್ಟಕಾಣಿಕೆ ಬೊಕ್ಕ ಮಾಲಿಕೆ ಮಂಗಳಾರತಿ ನಡತುಂಡ್.
by 