ಕ್ರಷ್ಣಾಪುರ ಮಠದ 34ನೇ ಯತಿಕುಲಾದ್ 4ನೇ ಸರ್ತಿಗ್ ಪರ್ಯಾಯ ಪೀಠಾರೋಹಣ ಮಲ್ಪರೆಗುಪ್ಪುನ ಪೊರ್ತುಡ್ ಪರ್ಯಾಯ ಉಚ್ಚಯೊಗ್ ಬರ್ಪಿನ ಭಕ್ತಾದಿಲೆಗ್ ಅನ್ನಸಂತರ್ಪಣೆಗಾದ್ ಪುದೆಕಾಣಿಕೆ ಜನವರಿ 11 ಡ್ದ್ 16 ಮುಟ್ಟ ನಡಪರೆಗುಂಡ್ ಪಂಡುದ್ ಪುದೆಕಾಣಿಕೆ ಸಮಿತಿದ ಸಂಚಾಲಕೆರಾಯಿನ ಬೈಕಾಡಿ ಸುಪ್ರಸಾದ್ ಶೆಟ್ಟಿ ತೆರಿಪಾದೆರ್.14 ತಾರೀಕುದಾನಿ ಕ್ರಷ್ಣ ಸಭಾಭವನೊಡ್ ನಡತಿನ ಪರ್ಯಾಯ ಪುದೆಕಾಣಿಕೆ ಸಮಿತಿದ ಸಭೆಟ್ ಆರು ಪಾತೆರಿಯೆರ್.ಒಡಿಪು ಜಿಲ್ಲೆದ 243 ಗ್ರಾಮೊಲೆನ್ ತಲುಪುನ ನಿರೀಕ್ಷೆ ಉಂಡು. ಮಾತಾ ಕಡೆಟ್ ವಲಯ ಸಮಿತಿ ರಚನೆ ಮಲ್ತುದ್ ಆಯಾ ವಲಯಡ್ ಪುದೆಕಾಣಿಕೆ ಬರ್ಪಿಲೆಕ್ಕ ಜನಸಂಪರ್ಕ ಮಲ್ತೊಂದುಲ್ಲ.ಅಭೂತಪೂರ್ವ ಪುದೆಕಾಣಿಕೆ ಮಲ್ಪರೆಗ್ ಮಾತೆರ್ಲಾ ಸಹಕಾರ ಕೊರೊಡ್ ಪಂಡುದ್ ಆರ್ ಈ ಪೊರ್ತುಡ್ ಬಿನ್ನಪ ಮಲ್ತೆರ್.
ಸಭೆಟ್ ಮಲ್ಪೆದ ಮತ್ಸ್ಯೋದ್ಯಮಿ ಹರಿಯಪ್ಪ ಕೋಟ್ಯಾನ್ ಪಾತೆರ್ದ್ ಪುದೆಕಾಣಿಕೆದೊಟ್ಟುಗ್ ಸಾಂಸ್ಕೃತಿಕ ಬೊಕ್ಕ ಕಲಾ ಪ್ರದರ್ಶನ ಲಾ ಇತ್ತುದ್ ,ಪುದೆಕಾಣಿಕೆಗ್ ವಿಶೇಷ ಮೆರುಗು ಕೊರ್ಪಿಲೆಕ್ಕ ಆವೊಡ್ ಪಂಡೆರ್.
ಸಮಿತಿದ ಗೌರವಾಧ್ಯಕ್ಷೆರಾಯಿನ ಒಡಿಪು ಶಾಸಕೆರಾಯಿನ ರಘುಪತಿ ಭಟ್ ಪಾತೆರ್ದ್ ಮಲ್ಪೆದ ಮೀನುಗಾರ ಸಮಾಜ ಬೊಕ್ಕ ಕ್ರಷ್ಣಮಠೊಕ್ ಅವಿನಾಭಾವ ಸಂಬಂಧ ಇತ್ತುದ್ ಮಲ್ಪೆ ಭಾಗದ ಪುದೆಕಾಣಿಕೆ ಮೆರವಣಿಗೆನ್ ಒಂಜಿ ದಿನ ಬೇತೆನೇ ಮಲ್ಪೊಡ್ ಪಂಡೆರ್.
.ಪರ್ಯಾಯ ಮಹೋತ್ಸವದ ಸಮಿತಿದ ಅಧ್ಯಕ್ಷೆರಾಯಿನ ಕೆ.ಸೂರ್ಯನಾರಾಯಣ ಉಪಾಧ್ಯಾಯೆರ್ ಸ್ವಾಗತ ಪ್ರಾಸ್ತಾವಿಕ ಮಲ್ತೆರ್.,ವೇದಿಕೆಡ್ ಉಡುಪಿ ನಗರಸಭೆತ್ತ ಅಧ್ಯಕ್ಷೆರಾಯಿನ ಸುಮಿತ್ರ ನಾಯಕ್,ಕಿನ್ನಿಮೂಲ್ಕಿ ಕೃಷ್ಣಮೂರ್ತಿ, ಧರ್ಮಸ್ಥಳ ಸಂಘದ ಗಣೇಶ್,ಸಮಿತಿಯ ಕಾರ್ಯದರ್ಶಿ ವಿಷ್ಣುಪ್ರಸಾದ್ ಪಾಡಿಗಾರ್ ,ಸಮಿತಿಯ ಪಿ ಆರ್ ಓ ಬಿ.ವಿ.ಲಕ್ಷ್ಮೀನಾರಾಯಣ ಬೊಕ್ಕ ಕೋಶಾಧಿಕಾರಿ ರವಿಪ್ರಕಾಶ್ ರಾವ್ ಉಪಸ್ಥಿತರಿತ್ತೆರ್.
by 