ಸಾಂಪ್ರದಾಯಿಕವಾದ್ ನಡತಿನ ಕ್ರಷ್ಣಾಪುರ ಶ್ರೀ ಕ್ಲೆನ ಪುರಪ್ರವೇಶ..

ಪೊಡವಿಗೊಡೆಯ ಶ್ರೀಕೃಷ್ಣಮುಖ್ಯಪ್ರಾಣದೇವರೆನ ಪೂಜಾ ದ್ವೈವಾರ್ಷಿಕ ಪರ್ಯಾಯದ 501 ನೇ ವರ್ಷದ ಶುಭಸಂದರ್ಭೊಡ್ ಶ್ರೀಕೃಷ್ಣಾಪುರ ಜನಾರ್ದನತೀರ್ಥ ಸಂಸ್ಥಾನದ ಮಠಾಧೀಶೆರಾಯಿನ ಪರಮಪೂಜ್ಯ ಶ್ರೀವಿದ್ಯಾಸಾಗರತೀರ್ಥ ಶ್ರೀಪಾದೆರು ನಾಲನೇ ಸರ್ತಿಗ್ ಸರ್ವಜ್ಞ ಪೀಠಾರೋಹಣಕ್ಕಾದ್ ದೇಶಾದ್ಯಂತ ತೀರ್ಥಕ್ಷೇತ್ರೊಲೆನ್ ಸಂದರ್ಶನ ಮಲ್ತೂದ್ ಇನಿ ಜೋಡುಕಟ್ಟೆಡ್ದ್ ಸಾಂಪ್ರದಾಯಿಕ ಮೆರವಣಿಗೆದೊಟ್ಟುಗ್ ಪುರಪ್ರವೇಶ ಮಲ್ತೆರ್.

ಕನಕನ ಕಿಂಡಿಡ್ ಶ್ರೀಕೃಷ್ಣನ ದರುಶನ ಮಲ್ತುದ್ ಶ್ರೀಚಂದ್ರೇಶ್ವರ ಬೊಕ್ಕ ಶ್ರೀಅನಂತಾಸನ ದೇವರೆಗ್ ನಮಸ್ಕಾರ ಮಲ್ತುದ್ ಮಧ್ವಾಚಾರ್ಯರೆಗ್ ಪೂಜೆ ಸಲ್ಲಿಸಾದ್, ಶ್ರೀಕೃಷ್ಣಮಠೊಗ್ ಬತ್ತಿನಪಗ ಪರ್ಯಾಯ ಪೀಠಾಧೀಶೆರಾಯಿನ ಅದಮಾರು ಶ್ರೀಈಶಪ್ರಿಯತೀರ್ಥ ಶ್ರೀಪಾದೆರು ಭಾವೀ ಪರ್ಯಾಯ ಶ್ರೀಪಾದರೆನ್ ಎದ್ಕೊನೊಂದ್,ಶ್ರೀಕೃಷ್ಣ ಮುಖ್ಯಪ್ರಾಣ,ಮಧ್ವರ ದರ್ಶನ ಮಲ್ಪಾಯೆರ್.ಬೊಕ್ಕ ಕೃಷ್ಣಾಪುರ ಮಠಟ್ ನವಗ್ರಹ ದಾನಾದಿಲೆನ್ ಕೊರ್ದ್ ಬೈಯಗ್ 5-22 ಗಂಟೆಗ್ ಮಠ ಪ್ರವೇಶ ಮಲ್ತುದ್ ಪಟ್ಟದ ದೇವರೆಗ್ ಮಂಗಳಾರತಿ ಮಲ್ತೆರ್.