ಮಡಾಮಕ್ಕಿ ವೀರಭದ್ರ ದೇವಳದ ಜಾತ್ರೆ

ಮಡಾಮಕ್ಕಿದ ಮಾಡು ಒಲ್ಲದ ವೀರಭದ್ರ ದೇವಳಡ್ ಜಾತ್ರಾ ಮಹೋತ್ಸವ

ಮಡಾಮಕ್ಕಿ ಶ್ರೀ ವೀರಭದ್ರ ದೇವರೆನ ಜಾತ್ರೆಗ್ ಬರ್ಪಿನವ್ವೇ ಸುತ್ತಮುತ್ತಲುದ ಊರುದ ಜನತೆಗ್ ಬಾರೀ ಸಂಭ್ರಮದ ಸಂಗತಿ. ಶ್ರೀ ವೀರಭದ್ರ ಸ್ವಾಮಿನ ಜಾತ್ರೆಡ್ ಪಾಲ್ ಪಡೆದ್ ಕೃತಾರ್ಥರಾವರೆಗ್ ಊರ- ಪರವೂರ ಜನತೆ ಬರ್ಪೆರ್. ಶ್ರೀ ದೇವೆರೆನ ದರ್ಶನ ಪಡೆತುದು ಪರಕೆ ತೀರಿಸಾವುನ ಪರಂಪರೆ ಪಿರಾಕುಡಿಂಚಿಲಾ ನಡತೊಂದುಂಡ್. ಶ್ರೀ ವೀರಭದ್ರ ಸ್ವಾಮಿ ತಾನು ನಂಬಿನ ಭಕ್ತೆರೆನ ಆಶ್ರಯದಾತ, ರಕ್ಷಕ. ಮಾತ್ರ ಅತ್ತಾವಂದೆ ಭಕ್ತೆರೆನ ಜಾನುವಾರುಲೆನ್ ಕಾಪುನ ದೇವೆರು ಪನ್ಪಿನ ನಂಬಿಕೆ ಅಚಲವಾದುಂಡ್.

ಮಡಾಮಕ್ಕಿ :
ಮಾಡು ಒಲ್ಲದ ಖ್ಯಾತಿಯ ಮಡಾಮಕ್ಕಿ ಮಹತೋಭಾರ
ವೀರಭದ್ರ ದೇವಸ್ಥಾನಡ್ ಫೆ.9 ನೇ ಶುಕ್ರವಾರ ಧಾರ್ಮಿಕ ವಿಧಿ
ವಿಧಾನದೊಟ್ಟುಗ್ ಜಾತ್ರಾ ಮಹೋತ್ಸವ ,ಕೆಂಡಸೇವೆ, ಧಾರ್ಮಿಕ,
ಸಾಂಸ್ಕೃತಿಕ ಕಾರ್ಯಕ್ರಮಲು ನಡಪರೆಗುಂಡ್.
ದೇವಳ ಸಾವಿರ ವರ್ಷಗುಲಾ ಮೀರ್ದ್ ಇತಿಹಾಸದೊಟ್ಟುಗ್ ಪ್ರಸಿದ್ದ
ಬಾರ್ಕೂರು ಅರಸರ ಆಳ್ವಿಕೆಡಿತ್ತುಂಡ್ ಪಃಡುದು ಶಿಲಾಶಾಸನವಿತ್ತುದ್
ದೇವಳ ನೇಪಾಳಿ ಶೈಲಿಡ್ ಉಂಡು.

ವೀರಭದ್ರ ದೇವರೆಗ್ ಗರ್ಭಗುಡಿಯೇ ಇಜ್ಜಿ, ಅಂಚಾದ್ ಈ ದೇವಳಗ್
“ಮಾಡು ಒಲ್ಲದ ವೀರಭದ್ರ ” ಕ್ಷೇತ್ರ ಪಂಡುದೇ ಪ್ರಸಿದ್ದಿ. ಉತ್ತರಡ್ದ್ ದಕ್ಷಿಣಗ್ ಪರಪುನ ಮಡಾಮಕ್ಕಿತುದೆತ್ತ ತಡಿಟ್ ಜರಗುನ
ಜಾತ್ರೆಡ್ ಬೇತೆ ಬೇತೆ ಬರ್ಪಿನ ಸಾರ ಭಕ್ತೆರು ಕ್ಷೇತ್ರದ ಮಹಿಮೆಗ್ ಸಾಕ್ಷಿಯಾವರೆಗುಲ್ಲೆರ್.

ಹಿನ್ನೆಲೆ:
ಪುರಾತನ ಕಾಲೊಡ್ ರಕ್ಕಸೆರೆನ ಅಟ್ಟಹಾಸ ಹೆಚ್ಚಾಯೀನಪಗ
ವೃಷಭಯೋಗೇಶ್ವರ ಮುನಿ ಶಿವನ ಬಗೆಟ್ ಸುದೀರ್ಘ
ತಪಸ್ಸು ಮಲ್ತಿನಪಗ ಶಿವಪುತ್ರ ವೀರಭದ್ರ ಪ್ರತ್ಯಕ್ಷೆ ಆದ್
ರಕ್ಕಸೆರೆನ್ ತೂದ್ ಕೋಪೋದ್ರಿಕ್ತೆ ಆದ್ ತನ್ನ ತರೆನ್ ಮಲ್ಲ ಕಲ್ಲುಗ್ ದರ್ತೆಗೆ. ದರ್ತಿನ ಪೆಟ್ಟುಗ್ ಚೂರು ಚೂರಾದ್ ಪುಡಾಂಡುಗೆ. ಪುಡಯಿನ ಅರ್ಧ ಚಂದ್ರಾಕೃತಿದ ಒಂಜಿ ಶಿಲೆನ್
ವೃಷಭಯೋಗೇಶ್ವರ ಮುನಿ ಕನತುದ್ ಮಡಾಮಕ್ಕಿ ಸಮೀಪದ
ಮಲ್ಲ ಉಗ್ಗೆಲುಡ್ ಮಡಾಮಕ್ಕಿ, ಬೇಳಂಜೆ ಸಂಸ್ಥಾನದ ರಾಜರ ರತ್ನ
ವೈಢೂರ್ಯಾದಿಲೆನ್ ಕನತುದು ಉಗ್ಗೆಲುಡ್ ಪಾಡುದ್ ಭದ್ರ ಮಲ್ತುದ್
ಅಯಿಕ್ ಮಣ್ಣುದ ಕಟ್ಟೆನ್ಷ ಕಟ್ಟುದ್ ಅಯಿತ್ತ ಮಿತ್ತ್ ಕನತುದು
ಕಲ್ಲುನ್ ಪ್ರತಿಷ್ಠೆ ಮಲ್ತೆ ಪಂಡುದು ಪುರಾಣಡ್
ಉಲ್ಲೇಖ ಉಂಡು., ವೀರಭದ್ರ ಮೊಣಕಾರುನ್ ಊರ್ದ್ ನೆಲೆಯಾಯಿನ ಜಾಗೆಗ್
ಊರುಗ್ ಮಡಾಮಕ್ಕಿ ಪಃಡುದ್ ಪುದರು ಬತ್ತುಂಡ್. ಕ್ಷೇತ್ರಗ್
ಕೋಟೆರಾಯ ಪರಿವಾರಲು ದೇವಗಣಕುಲು ರಕ್ಷಣೆಡ್ ಉಂಡು
ಪಂಡುದು ಪ್ರತೀತಿ. ಮುಲ್ಪ ಅರ್ಧಚಂದ್ರಾಕೃತಿದ ಕಲ್ಲೇ ವೀರಭದ್ರನ
ಸಾನ್ನಿಧ್ಯ.ವೀರಭದ್ರ ನೆಲೆ ಆಯಿನ ಮಣ್ಣುದ ಕಟ್ಟೆದ
ಮಣ್ಣು(ಮೃತ್ತಿಕೆ) ಪ್ರಸಾದ ರೂಪವಾದ್ ಭಕ್ತೆರೆಗ್ ಪಟ್ಟುನವ್ವೇ
ವಿಶೇಷ.

ಜಾತ್ರಾ ಮಹೋತ್ಸವ, ಕೆಂಡ ಸೇವೆ ದಿನತ್ತಾನೀ ತುಲಾಭಾರ ಸೇವೆ
ಬಾಕಿದ ಸೇವೆಲು, ಮಹಾ ಅನ್ನಸಂತರ್ಪಣೆ,

,ರಾತ್ರೆಗ್
ಕ್ಷೇತ್ರದ ಮೇಳಡ್ದ್ ಯಕ್ಷಗಾನ ನೃತ್ಯಸೇವೆ, ವೀರಭದ್ರ
ಸ್ವಾಮಿ, ಬನಶಂಕರಿ ದೇವಿಯ ದರ್ಶನ,
ಕೆಂಡಸೇವೆ,ರಂಗಪೂಜೆ,ಢಮರುಸೇವೆ, ಪರಿವಾರ ದೇವತೆಲೆನ
ಕೋಲ ಸೇವೆ, ವೀರಭದ್ರ ಸ್ವಾಮಿ ದರ್ಶನಡ್ ಪಾತ್ರಿ ಚೂಪಾಯಿನ
ಮುಳ್ಳುದ ಪಾದುಕೆನ್ ಪಾಡೊಂದ್ ವೀರಭದ್ರನ ಮಣ್ಣುದ
ಕಟ್ಟೆದ(ಸನ್ನಿಧಾನ)ಗ್ ಪ್ರದಕ್ಷಿಣೆ ಬರ್ಪೀನವ್ವ್ ಕ್ಷೇತ್ರಡ್
ವಿಶೇಷವಾದುಂಡ್. ಕ್ಷೇತ್ರದ ಯಕ್ಷಗಾನ ಮೇಳ ಯಶಸ್ವಿ
ತಿರುಗಾಟದೊಟ್ಟುಗ್ ಕ್ಷೇತ್ರದ ಕೀರ್ತಿನ್ ಹೆಚ್ಚ ಮಲ್ದುಂಡ್.

ದೇವಳದ ಅಭಿವೃದ್ದಿ ಸಮಿತಿ ಅಧ್ಯಕ್ಷ ಎಂ.ಶಶಿಧರ ಶೆಟ್ಟಿ
ಮಡಾಮಕ್ಕಿ, ಕ್ಷೇತ್ರದ ಆಡಳಿತದಾರ ಬೊಕ್ಕ ಮುಖ್ಯ ಅರ್ಚಕ
ಕೃಷ್ಣಮೂರ್ತಿ ಮಂಜ ಮಡಾಮಕ್ಕಿ, ಊರ_ ಪರವೂರ ಭಕ್ತೆರು,
ದಾನಿಗಳ ಸಹಕಾರಡ್ದ್ ಮಡಾಮಕ್ಕಿ ಕ್ಷೇತ್ರ ಅಭಿವೃದ್ಧಿದೊಟ್ಟುಗ್
ಪುಣ್ಯ ಕ್ಷೇತ್ರವಾಗಿ ಖ್ಯಾತಿ ಗಳಿಸಿದೆ. ವಿರಾಜಪೇಟೆ- ಬೈಂದೂರು ರಾಜ್ಯ
ಹೆದ್ದಾರಿದ ಮಡಾಮಕ್ಕಿಡ್ದ್ 1 ಕಿ.ಮೀ ದೂರಡ್ ಉಂಡು. ಹೆಬ್ರಿ-
ಮಾಂಡಿ ಮೂರುಕೈ, ಸೋಮೆಶ್ವರ-ಹಾಲಾಡಿ ಮಾರ್ಗವಾದ್ ದೇವಳಗ್ ಬರ
ಕಾರ್ಯಕ್ರಮಲು:
ಫೆ.9 ಶುಕ್ರವಾರ ಬೆಳಗ್ಗೆ ಗಣೇಶ ಪ್ರಾರ್ಥನೆ, ಪುಣ್ಯಾಹ,
ನವಕ ಪ್ರಧಾನ ಹೋಮ ಕಲಶ,ಶತ ರುದ್ರಭೀಷೇಕ,
ಮಧ್ಯಾಹ್ನ ಗಂ.12 ಕ್ಕೆ ಮಹಾಪೂಜೆ, ಗಂ.12.30 ಗ್ ತುಲಾಭಾರ ಸೇವೆ,
ಗಂ.12.45 ಡ್ದ್ ಗಂ.3 ಮುಟ್ಟ ಅನ್ನಸಂತರ್ಪಣೆ, ರಾತ್ರಿ ಗಂ
8 ಗ್
ಕೆಂಡ ಸೇವೆಗೆ ಅಗ್ನಿ ಸ್ಪರ್ಶ, ಯಕ್ಷಗಾನ ನೃತ್ಯಸೇವೆ, ಗಂ 9.30 ಡ್ದ್
ಶ್ರೀ ಸ್ವಾಮಿ ಬೊಕ್ಕ ಅಮ್ಮನವರ ದರ್ಶನ, ಕೆಂಡ ಸೇವೆ, ಗಂ.10.30 ಡ್ದ್
ಪರಿವಾರ ದೈವಲೆನ ಕೋಲ, ದರ್ಶನ, ಗಂ.1.30 ಡ್ದ್ ರಂಗ
ಪೂಜೆ, ಢಮರು ಸೇವೆ, ಸುತ್ತು ಬಲಿ, ಸ್ವಾಮಿ ದರ್ಶನ,ಪ್ರಸಾದ
ವಿತರಣೆ ನಡಪುಂಡ್.