ಮುಂಡಿತಡ್ಕ ಮಹಾವಿಷ್ಣು ಭಜನಾ ಸಂಘದ ವರ್ಷ ದಿನತ್ತ ಕಜ್ಜೊ ಸಂಪನ್ನ…

ಮುಂಡಿತ್ತಡ್ಕ :- ಶ್ರೀ ಮಹಾವಿಷ್ಣು ಭಜನಾ ಸಂಘ(ರಿ) ನೆತ್ತ 32 ನೇ ವಾರ್ಷಿಕೋತ್ಸವ ವೈದಿಕ ಬೊಕ್ಕ ಭಜನಾ ಕಾರ್ಯಕ್ರಮದೊಟ್ಟುಗ್ ಸಂಪನ್ನ ಆಂಡ್. 25/1/2022 ನೇ ಮಂಗಳವಾರದಾನಿ ಭಜನಾ ಸಂಘದ ಹಿರಿಯ ಸದಸ್ಯೆರಾಯಿನ ಶ್ರೀ ರಾಮಣ್ಣ ನಾಯ್ಕ ನೂಜಿಲ ಮೆರೆನ ದಿವ್ಯಹಸ್ತೊಡ್ ತುಡರ್ ಅರ್ಲಾದ್ ಶ್ರೀ ಅಶೋಕ ಅರಿಯಪ್ಪಾಡಿ ಬೊಕ್ಕ ಬಳಗಡ್ದ್ ಭಕ್ತಿ ಸಂಗೀತ ಕಾರ್ಯಕ್ರಮ ನಡತುಂಡ್. ಬೊಕ್ಕ ಶ್ರೀ ದೇವರೆಗ್ ಮಹಾಪೂಜೆ, ಪ್ರಸಾದ ವಿತರಣೆ ಬೊಕ್ಕ ಅನ್ನದಾನ ನಡತುಂಡ್.ರಡ್ಡನೇ ದಿನತಾನಿ ಶ್ರೀ ದುರ್ಗಾಪರಮೇಶ್ವರಿ ಭಜನಾ ಸಂಘ ಕಂಬಾರ್ ಮೊಕ್ಲೆಡ್ದ್ ಭಜನಾ ಸಂಕೀರ್ತನೆ ಬೊಕ್ಕ ಕುಣಿತ ಭಜನೆ ನಡತುಂಡ್.

ಆಯಿಬೊಕ್ಕ ಶ್ರೀ ದೇವೆರೆಗ್ ಮಹಾಪೂಜೆ ಪ್ರಸಾದ ವಿತರಣೆ ಬೊಕ್ಕ ಅನ್ನಪ್ರಸಾದದೊಟ್ಟುಗ್ ಸಂಪನ್ನ ಆಂಡ್. 27/1/2022 ನೇ ಗುರುವಾರ ಕಾಂಡೆ 9 ಗಂಟೆಗ್ ದೇಲಂಪಾಡಿ ಶ್ರೀ ಗಣೇಶ್ ತಂತ್ರಿ ಮೆರೆನ ಮಾರ್ಗದರ್ಶನೊಡ್ 12 ತಾರಾಯಿದ ಗಣಹೋಮ,ಪ್ರತಿಷ್ಠಾ ದಿನ ಕಜ್ಜೊ ಬೊಕ್ಕ ಸಾರ್ವಜನಿಕ ಸತ್ಯನಾರಾಯಣ ಪೂಜೆ ನಡತುಂಡ್.

ಆಯಿಬೊಕ್ಕ ಶ್ರೀ ದೇವರೆಗ್ ಮಹಾಮಂಗಳಾರತಿ ಬೊಕ್ಕ ಪ್ರಸಾದ ವಿತರಣೆ,ಅನ್ನ ಸಂತರ್ಪಣೆ ನಡತುಂಡ್.ಮಧ್ಯಾಹ್ನ 12 ಗಂಟೆಡ್ದ್ ರಾತ್ರೆಗ್ 12 ಗಂಟೆಮುಟ್ಟ ಭಜನಾ ತಂಡೊಲೆಡ್ದ್ ಭಜನಾ ಸಂಕೀರ್ತನೆ ನಡತುಂಡ್.ಬೊಕ್ಕ ಶ್ರೀ ಮಹಾವಿಷ್ಣು ದೇವರೆಗ್ ಮಹಾಪೂಜೆ ಬೊಕ್ಕ ಪ್ರಸಾದ ವಿತರಣೆದೊಟ್ಟುಗ್ ಕಾರ್ಯಕ್ರಮ ಸಂಪನ್ನ ಆಂಡ್. ಊರುದ ಬೊಕ್ಕ ಪರವೂರುದ ಭಗವದ್ಭಕ್ತೆರು ಮಾತಾ ಕಾರ್ಯಕ್ರಮೊಲೆಡ್ ಪಾಲ್ ಪಡೆದ್ ಶ್ರೀ ದೇವೆರೆನ ಕೃಪೆಕ್ ಪಾತ್ರರಾಯೆರ್.